زوجي سافر و ما اعطاني مصروف

السلام عليكم و رحمة الله و بركاته

ترددت اكتب الموضوع :44:

بس ما استحمل ابي اطلع اللي في قلبي

ما احلل اي وحدة ترد رد جارح


زوجي فقير و الفقير فقير الدين الحمدلله على النعمة

يعني زوجي ظروفه على قده

سافر مع ابوه للعلاج

وماعطاني و لافلس لان صج ماعنده انا

اعرف ظروف زوجي و اذا عنده ما يبخل علينا


قالي اي شي تحتاجين اطلبي من امي

و عمي مافكر يمد يده لو ب 100 ريال

ادبر حالي

انا عندي اولاد و ساكنة في بيت عمي

ظروف اهل زوجي جيده الله يزيدهم من خيره


اللي صار ان بعد ما سافر زوجي

ما اتصل فيني و انا ما اتصلت فيه

لان ماعندي فلوس

عمتي تتصل الصبح و الليل

وماتقول تعالوا كلمو

بعد كذا يوم اتصلت عمتي و زوجي طلب يكلمني

و جابت لي التلفون و زوجي زعلان

يقولي ليش ماتتصلين ابي اكلمج و اكلم عيالي

قلت له سامحني ماعندي فلوس

و عمتي كانت قاعدة و تسمعني

المهم زوجي ماطول معاي و سكر الخط

انا قلت حق عمتي زعلان مني لاني

ما اتصل فيه

هو سافر وماعطاني و لا فلس

شسوي عندي اولاد يبون ياكلون

قالت لي اذا تبين تعالي اطلبي مني بعطيج !!

انا ما احب اطلب من عمتي فلوس

انحرج وانا قلت لها زوجي ما عطاني المفروض تفهمني ماله داعي اقولها عطيني فلوس

و المفروض هي تمد يدها و تقولي هذي لو 50 ريال دبري حالج

المهم اللي صار ان اهلي ماقصرو معاي

من غير ما اتكلم ساعدوني

بس زعلت و شلت في قلبي على عمتي

لاني ساكنة عندها مافكرت تمد يدها تساعد

مو عشاني عشان اولاد ولدها


للعلم علاقتي مع اهل زوجي تعتبر جيدة

ماعندي مشاكل معاهم

ما ارد عليهم وما اراددهم

حاولت اتقرب من عمتي

كنت معظم يومي اقضيه و انا اساعدها

احاول اسوي اللي يرضيها

اساعدها في غسل المواعين و الحمامات و الخمام يعني حاولت اندمج معاها

بس اللي صار ان تعبت زااادت مسؤولياتي

انظف بيتهم و شقتي و اطبخ وادرس و شغل البيت مايرحم

وكل هذا و خوات زوجي كل وحدة قاعدة

وانا هلكانة

لدرجة وقت الاكل انا افرش السفرة و اوزع الاغراض

وهم منبطحين

يقومون وقت الاكل ياكلون و ينبطحون مرة ثانية !!

بالمختصر عمتي تحب عيالها حتى لو كان على

حساب غيرهم

مافي ام ماتحب عيالها

اقسم بالله ماعمري حديت زوجي على امه وابوه

و دائما اقوله هذلين امك و ابوك و لهم الحق عليك و واجبك تساعدهم و ترضيهم

بس مو معناته على حساب راحتي

شوي شوي ابتعدت وصرت مشغولة طول وقتي
في شقتي

قليل اطلع اسلم واقعد شوي و ارجع شقتي

بس اذا يطلبون مني شي مااردهم و ممنونة اسوي لهم

كل اللي ابيه شوي اهتمام

يحسسوني انهم يعزوني

بس لا حياة لمن تنادي

وجودي و العدم واحد !!

صرت اتضايق من عمتي

و اشيل في قلبي

لان في عززز وقفتي معاها

تفرق بيني و بين بناتها و مرت حماي

انا اللي معاها

بس تعزهم علي

انا احبهم كلهم وماضريتهم

ولا هم ضروني الجذب مايجوز

بس معاي غير و مع الكل غيير

انا احس و اي وحدة فيكم تحس

اذا في انسان يحبكم او يكرهكم

يعني انا ما تخيل و لا ابالغ

زوجي مسااااافر

يعني المفروض يهتمون في ظروفنا لو شوي

انا مو محتاجة حق فلوسهم اهلي مو مقصرين

بس حلوو الاهتمام

والله العظيم لو تحسسني شووي بس انها تهتم فيني و في عيالي اصير لها خدامة

قبل شوي كلمت زوجي

قلت له اهلي ساعدوني بمبلغ يسد حاجتي لين ترجع

بس بيتكم مايدرون عن شي كلنا او شربنا

قالي مو لهالدرجة!!

قلت له اقسم بالله ان عمتي ما اعطتني 10 ريال قالت لي دبري حالج

و صار نقاش حاد بيني و بينه

انا اعرف ان المفروض ما اتكلم عن امه عنده و لا عند غيره

بس من حرررر مافيني

اكلمه احسن من اكلم غيره

قالي انتي نيتج سودة و تفكيرج وصخ

و امج مافيها خير

مع العلم والله العظيم امي ماتقصر علينا

على طووول تساعدني

قلت له خلاص انا اسفة

انا و امي غلط

بس امك صح

مشكور

انا اعرف ان المفروض ما اشتكي من عمتي عند زوجي

بس كنت مقهوورة

دائماتوصل لي احساس يضايقني صعب اوصله لكم

يعني قبل جم يوم كلمت زوجي و قالي ابوي شرى لج و لامي ثياب مثل بعض

و بعدين قالي عمي يبي يكلم عمتي

وديت لها التلفون

و قالها شريت لج و لفلانة مثل بعض

انا شفت شكلها شلون صار

قالت له بس ؟

و فلانة و فلانة و مرت ولدك !!

يعني تساله شريت حق بناتك و مرت ولدك الثاني

و قالت له

اخذ لهم كللللللهم مثل بعض !!

يعني ماتبي زوجي يختار لي شي غير عنهم

او شنو تقصد الله العالم

بس من ملامحها حسيت ان ما كانت راضية ان يشتري لي و مايشتري للكل

انا ما تكلمت طبعا لان مالي حق عليهم

بس شلت بخاطري

والله العظيم انا كل اللي ابيه كلمة طيب

تجذبني لها وانا ماقصرت اللي اقدر عليه سويته

الحين انا تزاعلت مع زوجي و مااعرف شسوي

انا اعرف اني غلطانة شكيته من امه

بس والله العظيم قلبي مشحووون

و ترى انا ماكتبت و لا شي من اللي اسمعه من عمتي

وانا دائما اقول احترام زوجي من احترام امه و ابوه


زوجي مسافر مرافق مع عمي


اعذروني طولت عليكم

ادعولي و انصحوني:44:

28 تعليق 13,636 مشاهدة

شاركي في النقاش

سجلي الدخول لإضافة تعليق.

التعليقات

27
  1. @amp_yslm_klbh_amp

    اختي اسمعي من انتي طيوبه وحبوبه واضح من كلامك
    لكن نفسيتك تعباانه ومتازمه من سفر زوجك وحاجتك
    زوجك اكيد غلطاان مفروض حط بيدك مصرروف لو يتسلفه من اهله
    لكن واضح انه يحبك بس مايعررف الواجب معتمد انك في بيت اهله مو نااقصك شي
    وام زوجك صدقيني تصرفاااتها عاديه جدا
    مثل اي ام زوج
    هدي اعصااابك
    واذا كلمك زوجك اخذي واعطي معاااه وخلاص انتي وصلتي له انك زعلانه وعررف بطلي التشكي على امه
    والله اي زوج لو يشوووف الغلط من امه واضح انه مااايقول ويركب الغلط زوجته
    تلقينه في نفسه حاس فيك لكن مايبي يووضح
    واخذي ثابت اهل زوجك وكلمي زوجك كل يووم
    كنت داخله وبقوولك لاتتنازلين عن مصرروفك مهماا كاان
    لكن يوم عررفت ظرروف زوجك رحمته
    روقي واي شي تبينه اطلبيه من عمتك لان هذووول عيااالهم
    وربي معطيييهم
    لاتطلبين من اهلللك ابداا واهلهم خيرهم كثيير
    والله يفرج همك ويرجع زوجك لك ويعوضك عن كل شي
  2. @no_man_no_cry

    صاحبة الموضوع
    & يسلم قلبه &
    اختي اسمعي من انتي طيوبه وحبوبه واضح من كلامك لكن نفسيتك تعباانه ومتازمه من سفر زوجك وحاجتك زوجك اكيد غلطاان مفروض حط بيدك مصرروف لو يتسلفه من اهله لكن واضح انه يحبك بس مايعررف الواجب معتمد انك في بيت اهله مو نااقصك شي وام زوجك صدقيني …
    النفس عزيزة يا اختي وانا مااعرف امد يدي لاهل زوجي

    و اهلي ما طلبت منهم يساعدوني

    هم يشوفون وضعي و ساعدوني من نفسهم

    وانا يوم كلمت زوجي ماكان قصدي اغلط عمتي

    كنت افضفض
  3. @am_laryn2012

    الله يعينك انتي خليك رسميه معهم في ناس يحبون البعيد ماتعرفين المثل خلك بعيد حبك في قلبي يزيد
    انا الاحظ الواحد اللي يهتم في احد ويعطيه اكبر من حجمة مايقدرة
    روحي لهم بين فترة وفترة لاتبينين لهم انك متضايقه وهم لاشافوك بعيدة بيجون يسالون عنك
    وبناتهم جالسات ومتبطحات عشانهم مخدومات انتي المفروض ماتكدين في بيتك وبيتهم الا اذا مساعدة
    وزوجك كلميه حلو لااتصل ولاتذكرين شي بامة ولاتعتذرين انتي اعتذرت اول وانتهت الهرجة ولافتحها معاك قولي لاجيت نتفاهم والا خذ ولدك يبي يكلمك اما على المصرف اطلبي خلي عنك الحياء اذا طول زوجك مادق روحي قولي ابي اغراض من البقاله واكتبيها لاتطلبي فلوس واكتبي كل اللي ناقصك وماتوقع مايشترون لك

تابعي تجارب أخرى من هذا القسم.