صباح الخير عزيزتي
بحكم اني مسافر اكثر من سنه عن بيتي
فاحببت افيدك ببعض الاشياء التي استفدت منها
من البنات هنا ومن ومواقع اجنبيه
اولا نبدا بالمطبخ
كل الماكولات شيليها من البيت وفضي الثلاجه
وكيف كنت افضي هالاشياء
صرت احط باكياس او علب الاشياء التي سوف اصرفها من مواد غذائيه
واحط بكل كيس اشياء متعدده
واذا شفت من العمال بالشارع اعطيهم
وبهذا تكسبين الاجر ***** الله
واذا خلص المواد الغذائيه
جيبي كراتين واكياس شفافات
انا بديت اجمع اغراضي
بهذه الطريقه الصحون احط بينها اوارق جرايد او مناديل ثم احطها بكيس مع بعض واربطه واحطها بمكانها بالدولاب
الاكواب الفها ايضا واصفها بالكراتين واحطها بمكانها
وكذا كل المطبخ واذا خلصت غطيت الدولاب من جواء بسفره وكبيت فوقها بف باف حق الحشرات
السجاد قبل لاتلفينه حطي فيه فلفل اسود حتي يحفظه من العثه
ثم غلفيه بقماش لان النايلون يتلف الخامه حقته
واجميع كل السجاد بزاويه من البيت
اللوحات غلفيها سفره ورجعتها لمكانها
التحف اللي علي الطاولات جيبي كراتين وغلفيها وحطيها بنفس الغرفه لاتطلعينها من مكانها علشان اذا رجعتي ***** الله ماتقعدين تحوسين
الكنبات حطي بينها فلفل اسود علشان العثه وغطيها بقماش
واحرصي علي ان تكون ملمومه مع بعض في وسط الغرفه
غرف عيالك الاغراض الشخصيه تتاخذونها معكم اما الالعاب فصفيها وتصدقي بها ام الزين فاغسليه ونظفيه واجمعيه بكارتين واكتبي على الكرتون العاب اطفال
ودخليهن جوا دولاب الملابس
وكذلك المفارش حطيها باكياس ثم اجمعيها بكراتين بعد ماتصفي التالف منها
واجمعيها بكراتين واغلفيه واكتبي عليه مفارش وكذا بالفوط
الملابس ستاخذونها معكم واللي منتب اخذته سوي فيه مثل الفوط والمفارش
واذا جمعتها كلها بالدولاب حطي بف باف بالدولاب شوي لاتكثرين
والشامبوهات والكريمات خلصوهن ولاتصدقوا بهن
وغرفتك لاتعطين مفتاحه الا اختك او امك
وسوي باغراضك كلها مثل غرفه الاولاد
الاوراق والاشياء الي تخافين عليها حطيها بالخزنه بالبنك
واذا كان عندك خزانه بغرفتك افتحيها
وفرغي البيت من كل شي ثمين
اذا تذكرت شي رجعت
واهم شي استودعي بيتك الله الذي لاتضيع ودائعه
بسافر واخلي بيتي اكثر من سنه السنعه اللي تساعدني بتنظيمه .. !
متابعة النقاش، صفحة 2