اللهم ياقدوس ياجبار ان اللي تقرا موضوعي تعطيها كل اللي تبي واكثر!

السلام عليكم ورحمه الله وبركاته.
كيفكم،
باختصار لاني اكتب من الجوال،

بنات حواء احنا بندخل باايام عظيمه والله اقسم بها الايام،
المهم جات فكره ع بالي:
نستغل هالايام بالاعمال الصالحه سبحان الله ايام معدوده يمكن لو استغلينها يمكن تتعير حياتنا بعد الله

اول شيء نختم القران اللي يبي الاجر بيختمه بالعشر،
الشي الثاني يوميا نتصدق لو بريال نحط بظرف يوميا واخر شيء نوديه للفقرا او جمعيه خيريه،

الشي الثالث لو نشتري بخور عود ونعطيه احد يبخر المسجد او نعطي صاحب محل العود ونقوله عطه ايمام المسجد وقوله بخر المسجد كل يوم، وانتي ناززله السوق مري ع محل عود،

الشي الرابع نكثر التهليل والتكبير والذكر كله والاستغفار،

الشي الخامس اللي متهاوشه مع احد تبادر وتكلمها او ترسل مسج مو عشانها عشان ربي

الشي السادس صله الارحام ومساعده المحتاج وبر الوالدين وادخال سرور ع مسلم

الشي السابع الصيام،

خواتي نحاااول نستتغل هالايام بالعمل الصالح،

يمكن تتغير حياتك مليون درجه بعد الله لو اغتنمتي هالايام،

بالاخير

طلبتكم تدعون لي اتزوج واتوظف قريب وان الله يرزقني ولايحوجني لاحد،

خواتي اللي بيحجون بالله ادعوا لي واللي ماراح تحج تدعي لي
الله يجزاكم خير،
ونسيت اقولكم النوافل لاتنسونها بعد،

الله يجزاكم خير
وياليت تنشرون الموضوع بالبلاك بيري والايفون والايميل ،
واللي نوت تستتغل هالايام ياليت تكتب تحت عشان تشجع الاخوات،
ونبي نجمع اكبر قدر ممكن يالله من رقم واحد تكتب تحت ومن رقم 2 ومن 3 ومن 4

باذن الله انا رقم 1

يلا ابي تشجيع وابي ارقام!

فديتكم!