لماذا تضعين الحجاب دعوة للنقاش

اخوتي الاحبة والله اني احبكم في الله اليوم حبيت اطرح عليكم هالموضوع يلي شاغلني من فترة وخصوصا اخواتي المتغربات ويلي عم يدرسو او يشتغلو او الهم احتكاك بالمجتمع الغربي لو حدا وقفك بالطريق وسالك شو هاد يلي حاطتيه عا راسك وليش بماذا تجاوبين وانا ان شاء الله ساكتب لكن تجاربي لاني سؤلت اكتر من مرة وبالاخير اعتمدت جواب واحد فياريت تعطوني خبرتكم واجوبتكم ونحاول نفيد بعض لعل الله يهدي بنا اشخاصا اخرين

43 تعليق 4,496 مشاهدة

شاركي في النقاش

سجلي الدخول لإضافة تعليق.

التعليقات

43
  1. @bth151

    انا الحمدلله مقتنعه بوضعي للحجاب وبكل رحابة صدر باعتبار انه امر من الله تبارك وتعالى
    والله يعينا على طاعته ويهدينا للصراط المستقيم
  2. صاحبة الموضوع
    بطة اهلا وسهلا فيكي وبكل اهل حماة والله عالعين والراس وبتمنى تكتبي اذا صار معك شي موقف وشو رديتي
  3. @sham_1

    أهلا لوليا ..

    موضوع جميل ومهم

    المواقف كثيرة جدا ...... لكن لا اعتقد انهم سألوني بالظبط لماذا تضعينه بل يكتفون بالإشارة إليه

    يعني مرة كنا رايحي لمدينة ألعاب وصدف أنو الحرارة عالية جدا جدا لدرجة لاتصدق

    والعالم كلهم بلا لبس .استغففر الله العظيم ......

    وبعدين اكيد لما يلاقوا وحدة محجبة وملفلفة رح يستغربوا ويتعجبوا .......

    فكنا واقفين بدور لعبة طووووويل جدا ووحدة قدامنا هي وزوجها وولادها سألتني ....انت مالك مشوبة باهاللبس ...قلتهلها : طبعا انا مشوبة ومشوبة كتير ..زيس انا مبسوطة وفرحانة لأني عم طبق اللي امرني في ربي

    فقالت : اوكي ذاتس نايس ...... وكانت متفهمة

    وحدة غيرها ..بعتوا بنتهم لعندي تسألني : آرنت يو هت ؟؟؟؟؟

    قلتلها : يس أيام هت تو متش

    فهي رجعت لعند اهلها وقالتلهم : يس شي سيد شي از هت .....

    مرة وحدة من الامريكان الكبار سألتني من وين بشتري حجابي .فخبرتها ......

    وغير هيك ما حدا سألني ......
  4. @bth151

    اختي مشكوره على طريقة استقبالك لردي اسعدتني الله يسعدك دائما
    بالنسبه لي الحمدلله ماتعرضت لاي مضايقه بالنسبه لحجابي لان هون بتركيا بتلاقي في كتير محجبات (اللهم زد وبارك)
    بس طريقة وضعي للحجاب بتختلف عن طريقة وضعهم له فاذا حدا سالني بكون سؤاله عن كيفية وضعي للحجاب
    وطبعا بسبب وضعي لطريقة الحجاب الغريبه عليهم بنعرف فورا اني غريبه
  5. صاحبة الموضوع
    مشرفتنا الغالية شام هون يامرحبا يا مرحبا نورك طفى الكهربا والله كتير فرحت بردك وان شاء الله بنتي شام تكبر وتطلع بعقلك وفهمك الله يتم عليك وان شاء الله ما بتتعرضي لمواقف تزعجك

تابعي تجارب أخرى من هذا القسم.