إزالة شعر الوجه تطلع لج حبوب ؟ الحـل عندي


السلام عليكم و رحمة الله و بركاته ..


أول شي اذكـــروا الله
-لا إلـه إلا الله-


ثاني شي صلوا على محمد
- اللهم صلّ و سلم عليه -

.
.
.

حبيباتي اللي تعاني من الحبوب الصغيرة
و تهيج البشرة بعد ما تشيل شعر وجهها بالشمع أو الخيط

الحل موجود و سهــل جدا ً

أول ما تنتهين من إزالة شعر الوجه و الرقبـة
و قببببل ما تغسلين الوجه ضعي مقدار وااااافر
من كريم ســودو ،
و وزعيه على البشرة بطبقة سميكة كأنها ماسك ..
اتركيه على الأقل ربع ساعة :time: ..

طبعا أنا أحطه و أرتز بالصالة و ما يبقى جاهل و لا خدامة ما يخترع من شكلي :35:

و من ثم أزيليه بالمناديل لااااا تشيلينه بالماي بس بالمناديل
و هو راح يزيل معاه بقايا الشمع و الدبق ..

و أول ما تشيلينه حطي كريم فيسودين _تلقينه في الصيدلية_
و اتركيه على قد ما تقدرين ..

أنا أخليه و أنساه ساعتين أو ثلاث ما فيه مشكلة ،
و بعدها عاد تقدرين تغسلين بشرتج ..

و تقدرين تتفنين إذا لج مزاج
تحطين قشطة أو زبادي أو أي شي طبيعي :27:..

لكــن انتبهي لا تحطين مكياج أو كريم تجميلي
أو أي شي ممكن يهيج البشرة لمــدة 24 ســاعـة ..

.
.
.

كل ما أرجوه منكم أن تدعوا لي في ظهـــر الغيــب في هذه الأيام الفضيلة ،
فأنا بأشد الحاجة لدعوة قد تكون مستجابه ..


*
اللهم اجعلني سببــا ً في انقضـاء ديـون والـديّ ،
و اكتبني من البارّين الصالحين ..
و ارزقني من حيث لا أحتسب ..

62 تعليق 6,990 مشاهدة

شاركي في النقاش

سجلي الدخول لإضافة تعليق.

التعليقات

62

تابعي تجارب أخرى من هذا القسم.