مشكلتنا مع الحقير اخوي/ قديم

الله يهديه ويصلحه يارب

لاحول ولاقوة الا بالله


الله يعينكم ويصبركم

مو معقوله اخوك ما يشرب ولا يستخدم مخدرات وهذا اسلوبه اكييييييييييييد في شي خلاه كذا اسمحي لي بس انتي مره قاسيه عليه وحاكمه عليه بالموت بعد هذا اخوك والله لو تشوفينه ميت قدامك لتقولين ليت الموت خذاني انا
كيف تدعين على اخوك بالشكل هذا وتطلبين من الناس يدعون على اخوك
في هذا الزمن ما تدرين من بتحتاجين له ويوقف جنبك في محنتك
من الناس والا اخوك اكيييد اخوك
اكيد انكم من فاهمينه او شخصيتكم ضعيفه قدامه او انه اهلك كانوا قاسين عليه في طفولته
ادعي له يا اختي وسوي له الشي اللي يحبه من طبخ او مساعده او حتى هديه
وراح تشوفين الفرق
والله العظيم حزنت على اخوك كيف تدعين عليه بالموت وش الجرم اللي سواه علشان تحرمينه حياته وتحرمينه فرصه يتغير او يتوب
اعوذ بالله منكم يالبشر لو الموت بيدكم ما خليتوا احد بحياتكم بقيتوا لوحدكم
الله يهديك انتي بعد ويهدي اخوك ويسخره لكم

تصدقين وربي رحمته تدرين ليه لانه واضح عنده مشاكل من يوم هو صغير يمكن يكون فاقد حنان او فيه تفرقه بينه وبين اخوانه سواء بنات او اولاد او تعرض لشي حرام عليك لاتكونين انتي والزمن ضده وربي ذا الشباب فيهم خير لو لقوا احد ياخذ بيدهم ويدلهم باسلوب خليه يعرف انك معاه وان احد حاس فيه سولفي معاه عن اهتماماته هو حتى لو ما انتي مقتنعه فيها

لاتدعون عليه لا في ظهر الغيب ولا قدامه

انا اعرف واحد يقرب لي نفس اخوك واخس لدرجة يتفل وانتو بالكرامه على امه وابوه لو تدرين وش صار الحين ماتصدقين وربي واللي خلقني الحين شيخ وماينادونه الا ياشيخ فلان والعائله كلها ترجعله في امور الدين ويشتغل في هيئة القضاء كل من شافه قال ياسبحان الله مغير الاحوال وكل ذا بسبب دعوة امه

لاتدعين عليه ادعي له في كل وقت وخلي امك دايم تدعي له ما ادري من وين جبتي قساوة قلبك على اخوك