لبنات الخليج و اليمين ..زيوت مجموعة الشفاء رائعة و طبيعية ..

السلام عليكم ورحمة الله وبركاته

اشلونكم حبيباتي الله .. صراحة استفدت الكثير الكثير من تجاربكم و نصائحكم وحبيت اليوم أبلغكم وأسألكم بنفس الوقت عن مجموعة الشفاء للعسل اليمني و للزيوت والحناء والسدر وغيرها

بصراحة أمس كنت بالمعرض .. قمة في الروعة يابنات و انا اتمشى لمحت الزيوت قلت مايبيله كلام
فسألت الاخ اليمني عن منتجاتهم و اتضحلي انها طبيعية ماشاء الله من ريحتها و مدحلي اياها وقال ان بناتهم وزوجاتهم ما يستخدمون إلا هذي الزيوت ...


الاهم شفت أغلب الزيوت اللي احنا عارفينها مثل

زيت اللوز.. قال لي : لترطيب الشعر
زيت الحنة قال لي : يعطي الشعر لون أحمر
زيت الاس : قال لي : لتطويل و يعطي الشعر لون أسود
زيت الثوم :لعلاج التساقط والثعلبة
زيت حبة البركة: وفتح علبته و شميت ريحته نفس ريحة حبة البركة .. طبيعي وحتى ريحة الثوم طبيعية هني انا اقتنعت وارتحت .. وماشاء الله على اخواننا اليمنيين معروفين بصدقهم و طبيتهم ..ولا أزكي على الله احد
زيت البابونج : يكسب الشعر اللون الاشقر--> بشتريه ان شاء الله
زيت الخشخاش: عاد هاذا اللي اشتريت منه و هو أغلى شي يبيعة ومدحلي اياه و هو لكثافة وتطويل الشعر و قالي بعد يسمونه أو نفس زيت الحشيش ... .

و غيرها من الزيوت الطبيعية

سؤالي : هل في احد جرب منتجاتهم سمع عنهم مع العلم انهم مو متواجدين لالكويت ولكن فقط في اليمين .. وعارضين منتجاتهم بالمعرض أخذت رقهمهم وعنوانهم للطلب بعدين ..

أدري طولت عليكم بس عشان أوصل لكم سؤالي و اللي شفته بعيني ..

أرجوكم مو تقرون وتطنشوني ردوا علي ولكم دعوة تسركم ا ن شاء الله

دمتم بخير

16 تعليق 1,435 مشاهدة

شاركي في النقاش

سجلي الدخول لإضافة تعليق.

التعليقات

16
  1. هلااااااا وغلاااااااا اختي ملاك الخير

    حيااااا الله ملوك العسل

    حبيبتي من كلامك شكله الاشياء كلها طبيعية بس للاسف ماجربت شي منها

    واذا مافيها كلافة عليكي ترسلين لي رقمهم


    الله يعطيك العافية
  2. @mlak_alkhyr_1

    صاحبة الموضوع
    يا هلا و غلاااااااا فيك يالغالية جلوس

    الله يحييك و يبقييك يااااااارب

    صحيح منتجاتهم طبيعية وما تتطوف .. وصديقتي جربت منتجاتهم بس مارح أقول للبنات عنها

    مو نحاسة .. بس لان ماحد عبرني غيرك .. و تستاهلين العنوان راح أبعثه لك على الخاص
  3. @mlak_alkhyr_1

    صاحبة الموضوع
    بنات على فكرة المجموعة متواجدين بالمناطق التالية :-
    صنعاء- الزبيري- الرقاص- تعز- و الامارات - حده

    عاد هالمناطق انا ما أعرفها وين وخصوصا اخر منطقة ما أدري غلطة مطبعية أو فعلا منطقة بهالاسم
    !!!

    الله يعرف ينورنا
  4. يعطيج العافيه يالغاليه على المعلومه

    وياريت تعطيني عنوانهم

    بتلاقين مني رساله على الخاص

    الف شكر مقدما

تابعي تجارب أخرى من هذا القسم.