السلام عليكم
بنات آنه حامل في بداية الشهر الثاني
من امس بالليل لما دخلت الحمام الله يكرمكم ويعزكم نزل مني شي بني خفيف كأنه مثل الاوساخ اللي تنزل قبل الدورة ما احس انه افرازات عادية
اليوم حسيت بألم في معدتي شوي قوي فريحت على السرير لاني ما كنت اقدر اقوم لما قمت ورحت الحمام نزل مني بعد نفس الشي بس بشكل اكثر امس كان شي خفيف جدا ما ينذكر حتى شكيت في نفسي وقلت اتوهم اليوم لا مع جريان الماي كنت اشوف الوسخ سوري على لوعة الجبد بس خايفة وماسكة دموعي بالغصب اخاف يكون بداية اجهاض او شي لا سمح الله
وللحين قاعد ينزل علي
الله يسعد اللي ترد علي
شاركي في النقاش
سجلي الدخول لإضافة تعليق.
التعليقات
12- حبيبتي لو تلاحظين الوقت هذا لك هو وقت الدوره ...
شي طبيعي نزول بني واوساخ بداية الحمل .. انا كل حملاتي يصير لي كذا ...
لا تخافي وريحي نفسك ...
ولو زاد بكميه كبيره لازم تراجعين الطبيبه ..
الله يتمم لك على خير ... - هلا بالغاليه والله يطمن قلبك يااارب
واحسن شي الحين وهالدقيقع تروحين للمستشفى وتاخذين اشاعة سونار وتتطمنين ع البيبي ووضع المشيمه يمكن تكون نازله عن مكانها
وهي الي تسبب في بعض الاحيان نزول الافرازات البنيه روحي تاكدي دام بس افرازات بنيه بس لا تزود وتتحول لدم لاقدر الله انا ماابي اخوفك
انا بس ابيك تلحقين ع عمرك دام الشي بسيط وبمكن حله ان شاء الله بالمثبتات اذا المشيمه نازله ولاتنسين الاستغفار وكثرة الدعاء ان الله يطمن
قلبك ويريح بالك وثقي بالله انه ان شاء الله خير وطمنينا عنك - UP
- لازم تراجعين المستشفى افضل انـا في بنتي صار معي نفس الشي وأعطتني الدكتورة مثبتات والحمدلله عدت لاتخافي ووكلي أمرك لله والله يفرح قلبك ويجبر خاطرك
- لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
مواضيع مشابهة
تابعي تجارب أخرى من هذا القسم.