شاركي في النقاش

سجلي الدخول لإضافة تعليق.

التعليقات

17
  1. @am_algoahr

    البارحة كنت سايرة مستشفى الوصل و شفت جدام الغرف كلهم حاطين نفافيخ بطريقة حلوة

    و قريت اسم محل ازهار داماس كانت التشكيلة حلوة
  2. صاحبة الموضوع
    هلا والله واشكركم على التفاعل
    بغيت اسالكم الغاليات ليش الموضوع اندس ورا مئة ملف
    بنات دبي ما عندكم محلات قمصان نوم للولادة وفرش المربي تراني اعرف سوالفكم كلها فناتك
  3. صاحبة الموضوع
    والله الغالية كنت اتمنى اساعدج بس ان شاء الله بنات دبي ما يبخلن
  4. مرحبا بناااااااااااااااااااااااااات

    الصراحه موضوعج حلو ورااائع و اتمنى البنات يتفاعلون

    و ماشاء الله على السعوديات عيني عليهم بارده افكار و سوالف ما تي على البال و وايد يهتمون في عمارهم من الولاده لي بعد الاربعين

    و هالشي يباله تخطيط و تفكير من ايام الحمل و يعتمد على جنس البيبي

    اذا كنتي تعرفين بنت او ولد ترا الالوان معروفه وردي او ازرق اما اذا ما كنتي تعرفين عندج اللون الاصفر وا لبرتقالي و البييج و الاخضر و غيرها من الالوان الصيفيه الحلوه

    انا بعطيج بعض الافكار و انشاء الله تعيبكم

    اللبس
    تكونين لابسه قميص نوم و انا افضل جلابيات الدانتيل لانها احلى و احسن للمستشفى و طبعا من الي اعرفه انه الحرمه لازم تلبس الشيله البيضاء للبيت و هالايام نازلة موضة الفصوص و الفولك و التطريز على الشيل و تكونين مناسبة للون الجلابيه يعني مب الجلابيه لون و الشيله لون ثاني

    محلات الجلابيات : في عندج في دبي محلات تفصيل جلابيات الدانتيل في سكة الفهيدي و محل يبيع قطع الويل و غيرها من القطع بعد حذاله و في خياط داكو في الخان و محل تنانيف في حلوان
    شيل البيت : سوق نايف و السوق الجديم و اكثر شي عند الحريم ينباعن

    عني انا خذت قطع بروحي و سرت شريت لهن دانتيلات و وديتهن الخياط و طلعت علي ارخص بوايد عن الي يسووونهم هالخيايييط

    و خذت الشيل الملونه من عند الاخت ( روح العطور ) و هي في المنتدى و كلهن عليهن فولك و وايد حلوات عيبني الصراحه

    الكفر
    تكونين شاريه كفر حلو و بسيط و في حد يحط سجاده صغيره نفس لون الكفر او تكون متناسقه و ياه
    و سرير صغير للبيبي و ينابع منه الوان و اشكال الي يكون من القماش و من تحت فيه عجلات يتحرك و تقدرين طبعا انتي تنسقين الالوان بكيفج

    و علب الكلينكس خذي لهم تلبيسات

    اما الاكل ترا كل شي معروف اما من ناحية التقديم شفت وحده تبيع اكسسوارات للدلال من المنتدى
    و خذي مناديل صغار ملونه و مناديل معطره حق بعد الاكل

    و شفت بعد في محلات الزهور يسوون سلة كبيره فيها فواكه و زهور و شكلها خبااااااااااااال و هاي تقدرين تخلين حد يطلبها بعد ما تولدين بالسلامه

    و التوزيعات لازم تكونين مجهزتنها قبل و في كل مكان بتلقينها متوفره و على ذوقج بعد

    و في حد يحط نفاخ و يكون تحته دب كبير

    و مادري اذا نسيت شي بكتبه عقب

    بس ترا هالاشياء وايد و بتقولين تبالغين بس في ناس يحبون يسوون جي و اكثر عن جي بعد


    اما عني انا فانا مقره اربي في مستشفى مب في نفس الاماره الي انا فيها عشان و هو مستشفى خاص عشان جي مابي ابالغ واايد في التقديم يعني اهم شي اني يكوون لبسي اوكي و لبس البيبي

    و التقديم مرتب و كل شي موجوود بس

    اما لو كنت بربي في المستشفى الحكومي اي في امارتنا كنت بسوي اشياء وااايد لاني اتوقع الكل يزورني هني لانه قريب

    و اسمحوولي طولت عليكم

تابعي تجارب أخرى من هذا القسم.