افتتاح الملف الأول لتشطيبات منزلك ...حياكم الله

دلوعه وغيورة

هذا موزايك وطبعا غالي وماشوفه حلو بغرفة الحريم

وتلقينه أشكال تشبهه عند كازا بيو او وفادن بشارع التخصصي

بنت الخبر

الشتر حلو يمنع الضوء للغرف وبعد فيه زيادة حماية من الغبار ويتركب مع الشباك لان نفس شركة الالمنيوم يفصلونه لك
والباركيه مادري ماشوف له مدح يعني يبيله عناية وحذر خوذي لك بورسلان على شكل باركيه امس شايفته بكافي تقولين باركيه نفس اللون والعروق وبعد الباركيه مزعج يطلع صوت بالمشي ولاسحبتي شئ عليه يتمخش ولون الغامق احلى من الفاتح بس الفاتح اريح مايبان فيه الغبار حيرتك صح

ام بسيسه

حطينا نعلة للحوش ولا هو لازم البرم

قلومه

بشري سكنتي

السلام عليكم ورحمة الله وبركاته

اسلم عليكم ما دمت قادرة ....

فروحة

الله يشفي الوالده شفاءا لا يغادر سقما .... تراكم على البال والله وندعيلكم وانتوا تدعوا لنا ما تقصرون ونسأل الله الاجابة

طبعا كان مفروض الخميس اللي طاف بس ما قدرنا فبأذن الله بكرة الخميس ماشين ....

ان شاء الله تسكنوا بيوتكم وانتوا بصحه وعافية ...........


انتبهوا بنات للافياش في المطبخ ...لان حطوا لي في وسط الجدار مو في الاركان ....

طلبت تغيير ...قال اتبونا روحي لو لقيتي بلاط غيرته ولا لا ....


معناته لازم رتون بلاط زياده من كل نوع للازمات

المهم كل ركن في المطبخ لازم فيش ولا يرفعونه بوسط الجدار .....


استودعكم الله الذي لا تضيع ودائعه ............

قريب ان شاء الله بدخل على الاقل من عند اهلي في العيد

واللي في البلاط ابعدوا من الغامق في الارضيات بالذات المكان اللي ما فيه اضاءة ...نصيحه لوجه الله

شكله في الصور حلو لكن في الطبيعه لا ....يمكن مع الاثاث والاضاءة والاكسسوارت يحلى

بس بعد الامان في الفاتح

وابشركم ما تعبت كثير لان الشغالات جزاهم الله خير قايمين بالواجب .... خصوصا ان شاغلين على البيتين الجديد كل ما يرجع ابونا لازم لنا مشوار يا نودي شي يانشوف شي سووه


ايه

بعد التروبيه عندنا بعد التنضيف بانت طلعت زفت شي فيه ترويبه وشي كأنه ما في وصاير لون بعضها اسود ...لا تسألوني ليش ؟؟؟

الى لقاء قريب بأذن الله

صباح الخيرات
دموعه ،، خذي راحتك بالاسئله
احنا بمرحله الدهان ،،، والابواب خالصه ومصبوغه بس قالنا النجار ركبوها آخر شي ،، والشبابيك مركبه والدرابزين برضو مركب
المطبخ ياخذ من توقيع العقد شهر ،، بس توقيع العقد يجي بعد اخذ المفاسات والتصميم النهائي ،، احنا قعدنا شهر على بال ما وصلنا للتصميم النهائي ،، لان لازم تعطينه مقاس الفرن والبوتوجاز والثلاجه والميكرويف عشان يحطها بالتصميم ،، وهذي كلها يبغالها وقت
الغرف برضو لان النجار عليه زحمه وخفنا نسكن البيت والغرف ما خلصت ،، سويناها بدري وما شريت جاهز لانها ما عجبتني الجاهزه ،، والنجار شاطر وجوده الخشب عنده عاليه وتجيبين اي صوره يطبقها ،، اخذت صور من النت وطبقها بالضبط ،،
نصيحه سوي المطبخ بدري عشان ما تتورطين ،، لان كثير من المحلات يتاخرون ،، وفيه ناس يجيبون محل المطبخ قبل التشطيب عشان يشوف المكان ويحدد لهم مكان الافياش واذا فيه اي شي في التصميم ،،يتضبط من الاول ،، هذا المفروض ،، لان كثير ناس ما تضبط معهم التصاميم بسبب مكان الافياش او المجلى واخطاء فنيه

قلومه
جعله منزل مبارك والله يمهلكم فيه ،،، لا تنسينا في الديوانيه ونصائح ما بعد السكن تراها مهمه ،،،،،>>> نشبه

خورافيه
الله يسلمك ويبارك فيك ،، واكيد فتره العيد فيها توقف للجميع ،، حتا اخنا نفسنا ما رح نكون فاضين للعمال ،، الله يعيدنا عيد مسره ويجمعنا على الخير والبركه

فروحه
الله يشفي الوالده ويعافيها وتطلع بالسلامه وتفرحون بشوفتها سالمه غانمه ،،، امك مثل امي حبيبتي ،، معها القلب ،، ودخلتها للعنايه كثيره ،، وكل كم سنه عمليه ،، جعل ما جاها تكفير ،، الله يشفي امهاتنا ويخليهم لنا ،، ولا يحرمنا منهم ،،