شاركي في النقاش

سجلي الدخول لإضافة تعليق.

التعليقات

23
  1. @brkoaah

    صاحبة الموضوع
    مافي
    برقوعه والله العمليه مافي اسهل منها اختي جربت الطلق تقول موت العمليه كانك نايمه ماتصحين الا والنونو جنبك وانت استخيري
    شكرا لكل الي رد علي الله والله ماقصرتو ...رحت اليوم الصباح للدكتوره وياليتني مارحت دخلت عند الممرضه وسوت لي تخطيط للبيبي ولي ...وبعدها دخلت عالدكتوره وقالت نبض البيبي كويس وسليم وانتي عندك طلق قلت لها انا احس بالام دوره من اسبوع وقبل يومين شد علي قالت باين عندي عندك طلق قمت قلت لها امس البيبي ماتحرك ورحت لمستوصف جنبنا وقاستني قالت واحد ونص وحوضك صغير وحجم البيبي كبير ....الله لا يوريكم هبت فيني هبه بغيت اصيح عصبت علي وجلست تهاوش ومعصبه تقول اذا انتي مقتنعه بكلامها ليش تجيني!استغربت معاملتها قلت لها انتي دكتورتي والي بتولدني احتاج اسمع رايك قالت الين 70%ممكن الجنين يطلع منك حتى لو وزنه كبير وفجاه لفت وجها وجلست تحكي للدكتوره الثاني الي معها بالغرفه وعصبو كلهم علي!كان مو من حقي اسال وكفرت!بعدها قمت سالتها انا ابي ابرة ظهر متى المفروض يعطونها لي كم سانتي؟بكل وقاحه قالت هذا موب شغلك!مدري وش قصتها!!قمت عصبت قلت لها اعرف موب شغلي بس احتاج اعرف...والله ولا ردت علي ...قالت بكره نكتب لك تنويم قلت لها انتي كاتبه اليوم قالت خلاص تعالي الليل بعد 12 على الساعه 3 بيعطونك طلق صناعي كل 6 ساعات والظهر بجي اولدك...طلعت من عندها موب مقتنعه ابد من كلامها ... وضعي تقول عنه سليم لانها رفضت تولد قيصري قالت كل شي طبيعي انتي والبيبي ليش اولدك قيصري!طيب انا رحمي فااتح وعندي طلق ووضع البيبي كويس ولا حتى تكرمت وقاستني وتوني مابعد خلصت اسبوع واحد من العاشر الي هو اخر موعد ممكن يبقى الطفل في الام وهي قالت لي هذي المعلومه زمان فليش تعذبني بصناعي!!يعني معاي الين يوم السبت اذا ماولدت يمدي عالصناعي...ما ارتحت ابدا واستخرت ماراح اروح للمستشفى اليوم بشد على نفسي بالمشي هاليومين وبشرب قرفه الي الجمعه ودي بالطلق من ربي ولا يلعبون فيني تتركني اطلق صناعي 7 ساعات او اكثر ....الله لايرمينا عند هالدكاتره والله اني طلعت مقهوره منها تصارخ ومعصبه كاني اجرمت تبيني ادخل اولد بسكات من غير اي سؤال:(
  2. السلام عليكم

    اذا أسلوبها كذا لا تولدين عندهاا
    روحي لوحده ثانيه نصيحة

    انا اخدت اسبوعين من العاشر والرحم عيا يفتح خير شر وماجتني طلوق ابد عطوني تحميلة طلق صناعي مافتح الرحم الا ربع سم
    قالت تبين طلق صناعي ولا عمليه بس الطلق بيطول لأن رحمك عنيد والطفل بدأ يرتفع والحوض ضيق بس قالت نجربلك ماعندها مشكلة
    هذا الكلام الساعه 2 الظهر قعدت استخيير واخترت عملية والساعة 4 دخلوني العمليه بنج نصفي مره حلو الحمدلله وطلعت 5 انا والبيبي يارب لك الحمد
    ويوم طلعت من العملية قالت ان البيبي لصق فوق والمويه تجمعت بينه وبين حوضك
    ولو جربنا طلق صناعي كان تعبتي على الفاضي
    فالواحد مايدري وين الخير يستخير ويتوكل
  3. @brkoaah

    صاحبة الموضوع
    مملوحة البكيرية
    السلام عليكم اذا أسلوبها كذا لا تولدين عندهاا روحي لوحده ثانيه نصيحة انا اخدت اسبوعين من العاشر والرحم عيا يفتح خير شر وماجتني طلوق ابد عطوني تحميلة طلق صناعي مافتح الرحم الا ربع سم قالت تبين طلق صناعي ولا عمليه بس الطلق بيطول لأن…
    مشكوره مملوحه عالرد والله ودي اروح اولد عند غيرها خفت منها لان من حقي اسالها عن كل شي والمفروض تشرح لي من نفسها بدال هالهواش...المشكله اني متابعه عندها بدله ودله ماتولدك الا الدكتوره الي تابعتي عندها اخر كم زياره والله مدري وين اروح ...الله يكتب الي فيه الخير يارب ...ودي اروح لاحد في الحبيب او الشبلان اخذ راي ثاني اشاوره..اذا في احد يعرف دكتوره كويسه يدلني عليها ضروري
  4. @lolyta_40

    حبيبتي الطلق الصناعي مايخوف وترى فيه فيديو في اليوتوب يتكلم فيه رئيس واستشاري نساء وتوليد بالطبي الدولي
    يشرح فيه عن الطلق الصناعي ويقول انه مايفرق عن الطبيعي في الالام ابدا

    وانا فعلا بكرية وخلصت التاسع ودخلت العاشر ليا اسبوع وكتبتلي دكتورتي اجي اليوم الثاني تنويم عشان طلق صناعي والرحم عندي 1ونص بس لمن سالتها وضحتلي وشرحتلي مو تزعق مثل دكتورتك الله يهديها

    واخذت طلق صناعي والحمدلله تعبت شويا عشان يمكن انا بكرية ومشدودة ومااعرف كيف الطلق وزي كذا بس الحمدلله ربي يسرها ليا وولدت طبيعي الحمدلله .. ولا القلق والخوووف الي قراته عن الطلق الصناعي وربي استغفر الله احسه تاليف وكذب

    بس انتي اتأكدييييييييي اهمممممم شي انه حوضك ممكن يولدك طبيعي ..؟
  5. دلة هذا خاص ؟
    يعني بفلوس ؟

    عجييييييييييييب وتصارخ عليك ليه ؟ قليلة الأدب

    هذي والله تستاهل شكوى من زوجك

    والله يا أختي مافرعنهم إلا سكوتنا

    المفروض تتحجم قليلة الأدب

    الحامل يكفيها اللي فيها من خوف وترقب ورهبة
    مو ناقصة أحد يصرخ عليها


    نصيحتي لا تولدين عندها
    دوري غيرها سريع

    ببكري تعاندوا دكتورتين
    وحدة قالت لي من البداية والله ماتولدين طبيعي الجنين جاي بوجهه
    والثانية قالت كذب وجلست تقنع زوجي بالطبيعي

    والمحصلة طلق صناعي وعذاب من 5 الفجر لين 11 بالليل
    والخاتمة عملية !!

    لازم تتأكدين من حوضك ومن وضع الجنين راسه دخل الحوض ولا لا
    الحمدلله صرنا متنورين والنت ماقصر
    أنت دكتورة نفسك
    روحي استشيري مستشفى خاص وله سمعته
    قولي كلام دكتورة المستوصف لهم
    واسأليهم عن الحوض ووضعه

    ولا تنسين الدعاء

    الله يفرج كربتك
    حاسة فيك لأني من المعوشرات

تابعي تجارب أخرى من هذا القسم.