شاركي في النقاش

سجلي الدخول لإضافة تعليق.

التعليقات

56
  1. مشكلتك بسيطه لو اقنعتي نفسك انك قادره على انك تقولي كلام حلو
    فالبدايه بالتلفون اذا دق عليك يسألك وش تبين من برا ردي عليه هلا حبيبي
    ابي كذا وكذا والله لايحرمني منك حاولي تعودين لسانك
    وزي ماقالت وحده من الاخوات اذا جيتي تصحينه قولي له ياعمري
    واذا رجع من الدوام حاولي انك تستقبلينه بوجه مبتسم وتقولين هلابالغالي
    صراحه هو صعب في البدايه بس لو بديتي بالتدريج بتتعودين وبتفرحين قلبه وهذا اهم شي
  2. @aazalaarby

    تصدقين يابرااد الصبح اني احس انك محظوظة لانك مابديتي بالكلام الحلو من البدايه لانه في البدايه مشغول بكل شيء فيك تكلمتي ولا سكتي وبيكون عنده الحين عادي يعني الحين بتبدين بيطير فيك ويعشقك من الفرحة ويعاملك مثل العروس وبكذا تجددين حياتك زي اول وترى والله وحده قالت لي انها كانت تستحي تسمع زوجها اي كلمه حلوه وبعد 5 سنوات بالصدفة وهو داخل رحبت فيه ترحيبه حلوه تقول والله انها بغت تشله الفرحه وطلّع مشاعره وعواطفه كلها هذيك اللحظة
  3. @rmal_alshaty_1

    أختي الحبيبه لازم تجلسي مع نفسك وتقتنعي إن زوجك اولى الناس بعاطفتك وكلامك الحلو,وتشيلي من حياتك الزوجيه كلمة استحي ترى هذا كله وهم
    وفي البدايه اختاري كلمه سهله وبسيطة وكرريها واضغطي على نفسك وقوليها بكل اقتناع
    وبعد كذا تتدرجي في الكلام الحلو ونوعي كل يوم كلمه وراح تشوفي بعدين ان الأمر سهل وبسيط ,
    ولما يتعود قللي من هذا الكلام حتى لايمل
  4. @brad_alsbh

    صاحبة الموضوع
    مشكورين حبايبي والله يجزاكم الف خير بصراحه كلامك ريحني ورفع شوي من معنوياتي تصدقون احيانا افكر اقول عادي يا بنت الحلال خليك جريئه بس يوم تجي اللحضه الي المفروض اني اقول فيها ها الكلام والله ان لساني كانه ينربط واحس وجهي يحمر ويعرق (عاد انا مشكلتي ان اي شي يبان في وجهي يعني على طول طماطم) لاكن انشا الله اني احاول اطبق نصايحكم واترك الحيا ءالي ماله داعي

تابعي تجارب أخرى من هذا القسم.