لا إله إلاالله خير مانبدأ به الكلام
السلام عليكم ورحمة الله وبركاته
اهلي قريبين شوي عندي بس انا ما اروح لهم كثير يعني فيه ناس يقولون لي انتي قريبه عند اهلك اجل يوميا عندهم!!
وانا بالعكس ما اجيهم دايما يعين بالاسبوع مره فقط وان كثرت مرتين في الغالب ,يعني مو زين انهم قريبين وما اروح لهم , خواتي يجون على حسب ظروفهم ويطولون احيانا لكنهم بعيدين شوي
المهم لايكثر عليكم
رحت لأهلي الثلاثاء كانوا عازمين ناس وجلست للمساء ورحت لبيتي ,وامس الإربعاء كنت تعبانه سخونه وصداع ولوز بس اكل حبوب ومو قادره اسوي شيء بالبيت ..
أتصلت علي أختي قالت بتجين عندنا اختي فلانه! وانا من زمان ماشفتها يعني تقريبا شهر قلت اشوف اذا بقدر اجي والا..
قلت لزوجي وكنت مره ما اقدر اتكلم يادوب كلمتين قال لي كيف تروحين وانتي تعبانه , قلت بغير جو تعرف مع القهوه والسوالف الواحد ينسى شوي المرض
قال : خلاص بكيفيك روحي
انا رحت لاهلي الساعه 8 وجلسنا وبعد شوي دخل الوالد الله يطول بعمره على طاعته ويعطيه الصحه والعافيه ومن قال آمين وجلس شوي ثم قال لي : شفت سيارة زوجك عند الباب أجل هو في البيت
قلت مدري هو يقول بيودي أمه مشوار وحطني عندكم وراح
قال ابوي اتصلي عليه اتصلت ومارد ابوي جاه رجال وتعشى معه , رجع مره ثانيه قال لي اتصلتي على رجلك قلت ايوه يقول اني مع واحد ..
بعدين ابوي قال : المفروض اذا الوحده زوجها في البيت ماتطلع وتخليه ابد مهما كان لاتطلعين من البيت إلا إذا هو معزووووم ولا رايح مكان!!!
طبعا هو يقول الكلام احيانا لخواتي بس خواتي لأنهم مايجون وسط الاسبوع يجون بنهايته كل شهر مره او كل اسبوعين وبعيدين
انا قريبه وصعبه اقعد عن اهلي خاصه امي وابوي الله يحفظهم كثير
طبعا انا عارفه ان ابوي يبيني اجيهم بس يبي مصلحتي وزوجي عادي عنده اصلا ماعنده فيني لو يبيني اجلس قال انطقي >>>لغير الناطقات بالعاميه يعني اجلسي بالبيت بلهجة غاضبه
وقلت لابوي هذا الكلام بس احسه ما اقتنع
وحتى مره من زماان اول ماتزوجت زوجي يروح للدوام يجلس على حسب الدوام يوم او يومين احيانا او مده ومره جلس اكثر من 4ايام وانا نمت عند اهلي اتصلت عليه بنفس اليوم اللي بيجي فيه يمكن اجي 5 او 6على حسب
جهزت اغراضي بس باقي اتحمم والبس واتزين تعرفون يعني وتونا تغدينا اثر ابوي شاف زوجي بالمسجد صلاة العصر وجاء بعد الصلاة وانا اصلي فلانه فلانه يلاه يلاه اركبي بوديك لبيتك رجلك جاء وقاعد لحاله تخيلوا رحت وانا ماتزينت ولا لبست طيرني مررره حتى امي تقول اصبر شوي خلها تلبس:32:
ابوي ماشاء الله عليه شخص ثقته عاليه وشخصيته قويه ومثقف ويحب النظام لكن تتوقعون الزوج لو شاف ابو زوجته يسوي كذا كيف بيفهمها وأنا ما احب ابين له ان ابوي مهتم مره
وخواتي يسوي معهم نفس الشيء اذا جاء زوج الوحده عند الباب وهي تتمطط بس مو دايم لأنهم يروحون بالليل غالبا لأنه يكون اجازه , لكن انا بوسط الاسبوع اجي المغرب واروح الساعه 9 او 10 على حسب
الز بــدة
هل تطلعون وتسيرون أو تروحون لاهاليكم وازواجكم بالبيت ؟؟
برأيك اللي قريبه من اهلها كم مره لازم تزورهم بالاسبوع وكم مدة المكوث عندهم؟؟
ومن قبل اقولها
اللي ما اعجبها الموضوع لاتعلق انا بس ابشوف فيه احد مثلي ولا لا
شاركي في النقاش
سجلي الدخول لإضافة تعليق.
التعليقات
31- صراحه لا والله مقدر اخليه يجلس لحاله
حتي لو كنت بخرج اساله عندك محل تروح له
واساسا هو يوميا برات البيت يعني ماعمر جات فرصه انو اخرج وهو ماعنده خرجه
بس ما احب اخرج واخليه بالبيت لوحده - يالية اهلي جنبي كان اروح لهم العصر اشرب القهوه وارجع المغرب
بس المشكله في السيارات ماروح غير يوم الخميس
انتي شوفي الوقت المناسب لكي الي يكون زوجك خارج
اخرجي معاه
والله يعطي ابوكي العافيه كل الابا ء كذا - اذا بالبيت بيجلس مستحيل اطلع بس احس غالبية الرجال دايم برا البيت
- انا اطلع احيانا وهو بالبيت عادي بس اهم شي جهزي عنده قهوته واكله واهلك حتى لو جمبك مو كل شوي رايحه لهم الا اذا هو طالع
- عادي واذا طلعت وهو جالس بالبيت
وش بيصير له بياكله البعبع مثلا
واصلا لو طلعت الوحده ماراح يكون كل يوم او يومين لا مثلا يوم بالاسبوع او يومين
ولو اجازه كل يووووووووووووووووووووووووم عاااادي اهم شي الوناسه بما يرضي الله لكلا الطرفين
ماهو هو نفسه دايم الدوم يطلع ويخليني لحالي
هو تصرفات ابوك الله يحفظه جدا عاديه بس الله يهديه مبالغ شويه
ترى احيان الزوج يحب يجلس لوحده بالبيت يعني حريه شخصيه بسيطه
مو طول الوقت كاتمه على نفسه خخخخخخخخخخخخخخ ادري شطحت بس من الفضوه
مواضيع مشابهة
تابعي تجارب أخرى من هذا القسم.