اول حاجة ياقلبي استغفري الله لا تدعي على نفسك مو زين .. ولدك من له غيرك بعد الله ؟
ثاني حاجة في عمر طفلك جميعهم كذا .. عادي شي طبيعي
يحاول يستكشف المكان وينمي مهاراته .. لا تعصبي عليه .. خليه يسوي اللي يبيه دام مافيه ضرر عليه .. اعطيه وقته خليه يلعب ويحوس البيت ،، أنا ولدي اصغر من ولدك ب 3 شهور تقريبا واول طفل وكنت للأسف أعامله كأنه كبير ويفهم مابيه يسوي شي وان لعب لازم من غير مايحوس والأكل آآآه عالأكل كل وجبة معاناة هو يبكي وانا اكره نفسي كل يوم اكثر وأكره الزواج وسنينه ههههه
بس تعرفي اش اكتشفت؟
الغلط مني انا مو منه حاولت اريح اعصابي وابردها شوي شوي عليه ،، الأكل متى مايجوع ويجيني أأكله وأكون مجهزة أكله من قبل ،، أبدا صرت مااحسب له الساعات واحاول اذا طول مرة مااكل انا اجي واعطيه لقمة عالطاير ان قبلها كان بها ماقبلها احاول معاه .. كله بهداوة ..
حاولت قد مااقدر العبه واضمه كثير كثير ... فعلا لاحظت انه هدأ شوي عن قبل وعن ارتحت كمان ..
حكاية انه يضرب ويعصب .. هل يتكلم ؟ اللي يبغاه يجيك ويطلبه ؟
اذا كان الجواب لا .. فلازم تفهمي انه هو ما يعرف يعبر عن حاجته او شعوره .. انا ولدي فجأة يجي يوقف قدامي ويجر شعره بقوووة لين يتقطع وكنت اعصب عليه فصرت اقوله ها ماما لا تسوي كذا قولي حبيبي ايش؟ موية ؟ ننة؟ نسوي ناني ... واسحب يده بحنان وشوية حزم ... وفعلا يكون يبغى حاجة معينه بس مسكين مايعرف يتكلم
معليش طولت عليك بس حبيت اقولك اننا كلنا نعاني بس لازم نصبر وندعي الله لنا ولهم مو العكس (:
يارب اخذ امانتك
متابعة النقاش، صفحة 3