قلت لزوجي اشتر جوال وياليتني سكت ... آآآه من الظن والشك

هذا سلمكم الله زوجي مو من النوع اللي يدخل نت

( او بمعنى اصح مره دخل موقع ماله داعي

وواجهته وبعدها معد دخل نت واصلا ما يعرف فيه

شيء ) وكمان مو من النوع اللي يغير مع الموضه

جواله بالعكس اذا خرب جواله ياخذ نوع يمشي حاله

المهم انا كذا مره اقول له اشتر لي جوال جديد مع

الموضه ولما وافق قلت له والله ما يطاوعني قلبي

اخذ جوال جديد وانت لا وصرت ازن عليه الين

اشترى لنفسه ولي جوالات جديده المهم وصار

يقولي علميني واعلمه على كل شيء بالجوال

الين الحين صار يدخل على قوقل واليوتيوب المهم

ابتدأ الشك والضنون عندي الحين ما يمديني اعرف

على ايش يدخل وعارفين انتوا النت وبلاويه والله

احس اني ندمت اني خليته يشتري جوال اخ خ خ

يالقهر .. اعطوني نصايح او شيء لما يدخل على

النت ما يطلع له شيء وكمان كيف اعرف انه يدخل

مواقع بطاله ما ابغى اظن فيه ظن السوء ونتمشكل بدون سبب

39 تعليق 3,719 مشاهدة

شاركي في النقاش

سجلي الدخول لإضافة تعليق.

التعليقات

38
  1. @am_raaamy

    مو شرط يدخل يوتيوب او نت بصفه عامه
    يعني انو دخل موقع بطال
    لاتخليه يحس انك تشكي فيه
    و الله يستر عليكم ويحميه
    و استودعيه الله دايم
    هوا الي بيحفظه من اي شي
  2. @ghlay_hmody

    اسيل حبيبتي طنشي وارتاحي وصدقيني اذا بيسوي شي من وراااك باااطل بيجي اليوم اللي تعرفين فيه وبعدها ازعلي واخذي حقك بس من هنا الى ذااك اليوم ريحي وارتاحي ويمكن مايجي هاليوم ويكون محترم
  3. @hlm_23

    طيب راح اقولك احسني الظن في زوجك اذا ماشفتيه شي بعينك الان منه وانسي اللي صار زماان

    وبالنسبه انك تراقبين ايش يشوف بتفتحي على نفسك ابواب للمشاكل انتي بغنى عنها بس من فترة لفترة ارسلي له موضوع ديني او مقطع يوتيوب لشيخ اسلوبه جميل فيه نصائح او قراءة لشيخ صوته عذب راح تغيره ان شالله واجلسي ناقشيه عن المقاطع اللي تشوفونها وقولي شفت المقطع الفلاني عشان يشوف المقطع وتتكلمو عنه وتتأكدي انه شافه ويمكن يكلمك عن اشياء مفيده لك

تابعي تجارب أخرى من هذا القسم.