امس كانت شوفة اختي وابوي يقولي ادخلي بدالها ؟؟؟

كيفكم ياحوائيات
كل عام وانتو بخير قبل الزحمممه ..

عندي سالفه اشغلت بالي من امس وانا افكر فيها

اولا انا متزوجه وعندي بنوته شهرين ونص

السالفه هي ان اختي انخطبت وكانت شوفتها امس بالليل وانا رحت عند اهلي من المغرب

طبعا العريس لحاله بيشوفها

يوم دخلت الا ابوي يأشر لي تعالي ، دخلت عنده وقالي سكري الباب جلست وقالي

قالي بطلب منك طلب قلت امر يبه < على نيتي مدري وش السالفه

قالي وش رآيك تدخلين انتي عشان يشوفك العريس بدال اختك !!!!!!!!!!!!!!!!!!!!!!!!!!!!!!!


< ورب الكون دارت فيني الدنيا

عصبت وقلت وشوووووووووووو سلامآت وين حنا عايشين وش هالكلام يبه نسيت اني على ذمه رجال


قام قالي خلاص قفلي على الموضوع بعصبيه وقال ياويلك لو تقولين لاختك والا امك وطردني من المجلس .؟




المهم جاء المعرس وشاف اختي ووافق الحمدلله

بعد ماطلع كان زوجي وابوي في المجلس يوم دخلت قالي ابوي ورآك ماتزينين اختك مثلك < يقصد لاني حآطه روج احمر قلت له يبه مايصلح تدخل اول مره وهي حاطه احمممر وش بيقول المعرس ؟؟
لازم روج مايبين خفيف قال المهم عدى الموضوع على خير



والله يابنات اني متعجبه من ابوي

كيف يتكلم كذا ؟؟؟

رجعت البيت وانا اهلوس في الموضوع اقول من جده ابوي !!



في نقطه بوضحها ان اختي هذي قبل خمسه شهور جاها واحد وشافها ورفضها لانها مليآنه شوي

وقصيره وهو طويل ..

105 تعليق 13,244 مشاهدة

شاركي في النقاش

سجلي الدخول لإضافة تعليق.

التعليقات

98
  1. الله يوفق اختك ويتتمم لهاعلى خير

    اماابوك الله يصلحه منجده يبيك تدخلين على الرجال

    زين انك رفضتي كثره ذي الحركه فلاخيريقول الرجال غشوني بعد الزواج ويتم الطلاق




    الله يسعدك يارب ويهدي ابوك
  2. @dl_my

    طيب
    انتي اختها وقوي ثقتها بنفسها من طريقه مدحك لها
    وحاولي تنحفينها تشترين لها اغراض تبرز جمالها
    وادعي لها
    بس حركه ابوك مو حلوه والله لو اختك تدري بتنجرح جرح مو طبيعي

تابعي تجارب أخرى من هذا القسم.