يارب وانا صايمه وبها الايام اللي اقسمت فيها ان اللي ترد تحقق لها كل اللي تبيه واكثر

الله ياربي وانا صاايمه وبخير يوم طلعت عليه الشمس يوم الجمعه وبها الايام اللي اقسمت فيها اسالك ان اللي ترد علي تستجيب لها كل دعاءها ياكريم!

خواتي السلام عليكم
من دون مقدمه لاني اكتب من الجوال!
تعرفون العيد مابقى عليه شيء! المهم انا اطلب ابوي من ايام مصروف العيد ابي اشتري لي شيء اكشخ فيه! قبل شوي طلبته احرجني وهو ماقصده يحرج! ابوي شاااايب الله يطول عمره بس مايعترف بلبس وحاجات البنات! مو بخل لا والله! بس تعرفون شايب يفكر اذا كان اللبس زين عادي لو تلبسينه كم سنه!
وانا صح اقول ابوي شايب ومايعترف بها الاشياء بس بنفس الوقت ابي حالي زين الناس اشتري لي شيء جديد مابي اكون مكسوره! من جد بكيييييت والحين ابكي! وابكي انخش من اهلي مابي احد يشوفوني ابكي! انا مو متوظفه ولامتزوجه! وصديقاتي يسالوني شريتي للعيد ومايدري وش بقلبي!

ادعوا لي اتزوج واتوظف قريب! تكفوووووون ادعوا لي اتزوج قريب زوج يعوضني عن كل شيء!

كم مره تمنيت اين متوظفه عشان اقوم بنفسي و مااخلي بخاطري اي احد شيء الا وشريته له ! الله كريم!




الشي الثاني

اخواتي عندي اقتراح خواتي صح وش رايكم بها الايام الفضيله اللي اقسم ربي فيها تتصدقون صدقه لوجه الله تشترون علبه حلويات جلكسي والا ماكنتوش والا اي شيء وتعطونها اسره فقيره!
ترى فيه سعرها يدبى من ثلاثين الى ميه تقريبا! يعني لو تقطون انتو وهلك قطيه وتشترون علبه وتودونها لاسره فقيره او انتي تشترين لحالك وتعطين احد فقير! سبحان الله يمكن حياتك تتغير بعد الله بسبب علبه الكاكاو! يمكن تتفتح لتس ابواب السماء كلها! يمكن تدخلين الجنه بسبب هالعمل!
ياختي تلاقين هالعايله عندهم شايب والا طفل يمكن يدعون لتس! ماتدرين!
وياخواتي لاتنسون انها صدقه وادخال سرور ع مسلم وفي ايام عظيمه وانتي تبين تطلعينها اليوم بيوم الجمعه اللي خير يوم طلعت فيه الشمس او بكرا عرفه وتعرفون فضل عرفه!

اختي يمكن لو سويتي هالشي يمكن زوجتس اللي مع بنات وحق خرابيط يمكن ربي يجعله بعد هالعمل للمتقين ايماما!

وياختي اللي مايجيتس عيال يمكن ربي يرزقتس ذريه طيبه!
واللي مو متزوجه يمكن ربي يرزقتس زوج تتمناه كل بنت!
واللي تعبانه ومهمومه واللي مسحوره واللي فيها غم وكرب ومريضه يمكن ربي يفتح عليتس ويشفيتس ويفرج همتس!
راس مالها اقل من ميه ريال!
هذي فيها ادخال سرور على مسلم يمكن ربي يدخل عليتس سرور يغير حياتس مليون درجه!
اتمنى اللي بتسوي هالشي تكتب تحت عشان تشجع الاخوات اللي نوت تسوي هالشي تكتب تحت عشان تشجيع للاخوات!
يااارب وانا صايمه بها اليوم يوم الجمعه وبها الايام اللي اقسمت فيها يارب يارب ياذا الوجه الاكرم وياذا الاسم الاعظم وياذا العطيه الجزلى ان اللي تسوي هالصدقه وتتصدق يارب يارب يارب يارب قلت الا الصيام فانه لي وانا اجزي به يارب وانا صايمه اسالك ان اللي تسوي هالعمل يااااااارب تحقق لها كل اللي في خاطرها واكثثثثثر ويارب انك تخليها تقول الحمدلله اني دخلت موضوع لمسه دفى هذا اللي غير حياتي بعد الله مليون درجه يوم سويت اللي قالت عنه لمسه!
ياكريييييييييييييييم!!

خواتي بعد لاتنسون كل وحده تجيب ظرف وتخليه يمر ع البيت وكل واحد يحط مبلغ راح تاخذون اجر تبون تخلونه اليوم الظرف والا بكرا بيوم عرفه تاخذون اجر!

بالله ادعوا لي اتوظف واتزوج زوج صالح عاجل غير اجل! ادعوا لي بيوم عرفه وكل مااطري ع بالكم!
يالبيت اللي نوت تسوي صدقه علبه الكاكاو او الظرف اللي تجمع فيه مبلغ ياليت تكتب تحت! يلا من رقم 1 ومن رقم 2 ومن 3 ومن الخ!
انشرو الموضوع
جزاكم ربي خير!