ام زوجي وشغل البيت

من فتره طويله الشي هذا مضايقني وقررت اخيرا اخذ رايكم

انا ساكنه بعماره مع اهل زوجي وام زوجي ماعندها شغاله وعندها بنتين مو متزوجات وبنتين متزوجات

وعندها حريم عيال 2 غيري وطلهم عندهم طفال الله يخليهم لهم اما انا متزوجه من 5 شهور بس

المشكله ان ام زوجي ماشاء الله تقوم وتشتغل بالبيت وتنضف وتطبخ وتسوي كل شي وبناتها يساعدونها احيانا بس مو دايم
ونا بيتي اقرب لوحدة لهم واروح لهم كل يومين او ثلاثه واحيانا لاشفتها تشتغل اساعدها بحكم انها بمقام امي اكن احيانا اقول انا وشدخلني اناشتغل المفروض هذا شغل بناتها او يجيبون لها شغاله
الصراحه ان بناتها مايقصرون لكنهم مايصحون الا متاخرات وام زوجي ماتحب تاجل شغل البيت وتسوي كل شي بنفسها

مثلا نكون مجتمعات كلنا انا وسلايفي وبناتها المتزوجات وتقوم ام زوجي تشيل مناديل وقراطيس عالارض رموها اطفال سلايفي واخوات زوجي ولا وحدة من بناتها وسلايفي تقوم ....... واقوم انا القط معها بسرعه وانظف وااظف الالعاب واترب المخدات
واذا بتجي تشيل فناجيل القهوه والحلا انا اقوم بسرعه اشيل عنها وكلهم جالسات واذا وديته للمطبخ اغسلهم لان اذا ماغسلتهم ام زوجي الي بتغسل

انا ماقول ان بناتها وسلايفي مايشتغلو ابد لا والله يشتغلو ويسوو كل شي بس انا اقصد اذا قامت ام زوجي تسوي شي محد يفزع غيري مع اني اجدد وحدة فيهم وماعندي اطقال وهم عندهم اطفال

انا عارفه اني مأجورة وانا كذا اكبر بعينها وعين زوجي بس انا بديت اطفش خصوصا لما اشيل العاب اطفالهم او اشيل مناديلهم من الارض


والله انقهر اذا شفت ام زوجي تشيل الفناجيل او تلم اشياء من الارض ومحد يفزع غيري :(

اليوم بالعيد ام زوجي قايمه من الفجر لحالها وقطعت اللحم وسوت الفطور وكان فيه رجال كثير ونظفت البيت وسوت قهوه الحريم ورتبت كل شي انا رحت اسلم عليها وكنت اول وحدة اجي من سلايفي حتى بناتها نايمات وبالقوة قامو انقهرت ام ام زوجي حرمه كبيرة تسوي كل شي بنفس الوقت انقهر اذا انا اساعدها لحالي وبناتها وسلايفي مرتاحات
لان انا يابنات مو متعوده على شغل البيت والكرف والتعب عند اهلي ماكنت اسوي شي ولما تزوجت بالقوة اخلص شغل بيتي يتعبني كثير لاني مو متعوده
انا عادي اساعدها لكني اتعب وفوق طاقتي لان شغل بيتي لحاله يهد حيلي

37 تعليق 7,762 مشاهدة

شاركي في النقاش

سجلي الدخول لإضافة تعليق.

التعليقات

35
  1. المشاركة المقتبسة غير متاحة.

    صدقيني كما تدين تدان بكرة راح تلاقي هالشي بعيالك يبرون فيك انا بالنسبة لي خوات زوجي احترمهم بس بحدود واساعدهم وبرضوا بحدود يعني مو كل شي علي لازم يكون فية تعاون بس انتي دامك جديدة والله بكرة بيتعودون عليك البنات وكل شوي ينتظرونك تقومين تنظفييين واذا جا يوم وطفشتي ماراح يخلونك بحالك انواااااع السب والحش يعني لاتكونين طيبة بزيادة ولاقوية بزيادة خير الامور الوسط مرة اشتغلي ومرة عطيهم نظرة تحسسهم انوا لااااااازم يقومون .
    والله يوفقك يالغالية .
  2. @rrroaah

    والله كلا يعمل با اصله انا مثلك وحدة ما احب اشوف الحرمه الكبيرة تشتغل فما بالك في ام زوجي لا والله هذا من قله الحياء في بناتها وحريم عيالها المفروض هي الي ترتاح وهم يشتغلون وانتي سوي الي تقدارين عليه وربي ماراح يضيع تعبك والدنيا دين

تابعي تجارب أخرى من هذا القسم.