تعالوا بقلكم مشاكلي مع الشغالة ساعدوني

يووووه قسم بالله حاسه فيك لان عندنا شغاله حركاتها ترفع الضغط

الحين اللي ابيك تسوينه تستخيرين الله في امرها ...

ضبطي وضعك وقدمي اجازه من العمل .. واستعيني بعد الله باهلك واتركي عندهم الاطفال في حال غيابك

واذا عند اهلك شغاله جيبيها مرتين بالاسبوع تسوي لك اشغالك

اما اللي عندك ماااااااااااااااااااااتنفع لانه اللي هذا اوله ينعاف تاليه

هالنوعيه متعبه صدقيني والله العظيم انتي الان مالك الا شهرين بكره بتندمين زياده

لانها كل ماطالت كل ماتمردت وسمجت واستقوت

بيتك لاتخربينه

انتي سلمتيه ليد من لاتخاف الله

الله يهديك لاحسن الحلول ويعينك

تعاااالي هنا الشغاله فليبينيه؟؟ لايكون اسمها سوربيا ؟ احنا قبل سنه نفس المشكله طردناها لهالسبب تخيلي نفس حركات شغالتك لا وترسل الصور لسعوديين وربك ستر بغت تدخل علينا رجال سعوديين ولما فتشنا جوالها لقينا نفس اللي لقيتيه في جوال شغالتك وزياده على كذا لقينا صور شغالات ثانيين نفس الحركه يكشخون ويصورون ويرسلون انواع قلة الحيا انتبهي الله يكفيك شرها

نصيحه من مجربه لااااااااااااااااتواجهينها انتي بنفسك قلتي انها تبي تسافر بس انتي اخذتيها صح يعني لو بتواجهينها راح تواجهك وبتقول ماعجبتك سفريني لانها باين من حركاتها بايعتها عشان كذا سوي اللي تبين بدون كلام يعني غرفتك قبل ماتقفلينها سوي فيها مشكله مثلا خربي علبة الارواج او المكياج او كبي الزباله اللي فيها بالارض واقعدي هاوشي وسبي قدامها واتهمي اولادك مباشره وقولي لهم وهي تسمع انك خلاص بتقفلينها لانهم يدخلونها ويحوسونها ومهم مؤدبين عشان كذا بتحرمينهم منها ونفس الشي مع الاغراض اللي بالثلاجه دبري عليها هوشه بس اهم شي ماتتهمينها مباشره ولاتبينين انه تمثيل تراهن ذكيات وبعدين الحين الجو بارد يعني منتي محتاجه تدخلين العصاير وبعض الاكل في الثلاجه والجوااااااااااااااال نصيحه اسكتي عنه خصوصا انها حصلته قبل ماتجيك ولو بتواجهينها وتاخذينه راااح تعاند وتجيب بطريقتها واحد ثاني وقدام عينك لانها ببساطه مهو هامها تقعد والا ترجع ديرتها عشان كذا خليك قويه ،،،،،،،،،،،ادري ان حركاتها تقهر بس ماباليد حيله انتي موظفه وحامل وعيالك صغار يعني بالعربي محتاجتها ولاتسمعيييييين للي يقول سفريها صدقيني ماأحد بياكلها غيرك انا موظفه واعرف مقدار التعب اللي تتعرضين له عشان كذا تغافلي وتغاضي عن بعض الاشياء مقابل راحتك ولاااتنسين انتي على وجه ولاده ومحد راح يرحمك اذا مارحمتي حالك وأولهم زوجك ،،،،،،،،انا كتبت هالكلام لانك طلبتي النصيحه وانا والله لو هالشي صاير عندي لا أسكت وافكر بعقلي قبل قلبي
على فكره الغساله اذا بتنقلينها انقليها قبل ماتبدين تقفلين غرفتك عشان ماتشك انك قاصدتها
عزيزتي اسفه اذا كنت طولت بس والله حسيت بمعاناتك لاني حتى انا موظفه وعلى وجه ولاده الله يسهل علينا يااارب

مدام عيالك يرحون الروضه خلاص اقلعيها والحمل عادي كل الناس تحمل ومعندها شغالهاهم شي عيالك صح ولالا فاذ هي عشان عيالك سفريها وارتاحي وغرفتك مايحتاج تقواين لاتدخلينها قفليها وانتي طالعه وهي بتفهم انك ماتبينها تدخلها