تكفوون تعالوا شوروا علي لإن ماعندي أحد آخذ رايه

السلام عليكم ورحمة الله وبركاته



بدخل بالموضوع على طول :(

أمي الله يحفظها جات لها شغاله جديده أثيوبية سبق وإن إشتغلت بالشام بس شغل تنظيف

وإحنا كنا طالبين وحده تعرف تطبخ وسبق لها العمل بالسعوديه لإن الوالدة تعبانه ولا قادره تشتغل بالبيت

المهم قال المكتب خذوها تحت التجربه شهرين
إضطريت أروح لبيت أهلي حتى أعلمها بعض الشغلات الخفيفه مثل السمبوسه الله لايوريكم
أربع ساعات أفهم وأطبق قدامها حتى أصابع الجبن أسبوع بحاله أعلمها شلون تلفها و طريقة لفها فيها غلط بغلط والله عصبت
إذا الشيء السهل مو عارفه له شلون راح تتعلم
الفطاير والطبخات؟!!

قلت لها طيب سجلي كل شيء تشوفينه المقادير والطريقه عشان ماتنسين لإن عادي ترى أنا أسجل لإني أنسى ،قعدت تضحك قالت أنا ماعرف أكتب ولا أقراء بس أشوف بعيني وأعرف .قلت كيف تتعلمين وإنتي ماتركزين بشغل اللي قدامك والأشياء السهله تشوفينها صعبة وكل ماقلتلك سوي شيء قلتي ماعرف مع إنه طبقته قدامك أكثر من مئة مرة!! إبتسمت وصدت وكملت شغلها :angry2:
شلون يعني ؟!! مايصير كل شوي أترك بيت رجلي واقعد كم اسبوع عشان افهمها وبالآخر لاهي اللي تعلمت ولا هي اللي فهمت شيء :angry2:

وفوق هذه بطيئه جداً و الأكل ما تاكل اللي نطبخه نعطيها منه وتتركه أقول لها قدامك الثلاجه شنو اللي تبين تاكلينه أخذيه او اطبخي اي شيء لنفسك إنتي و أعووووووذ بالله حتى لنفسها ماتسوي شيء جايه تنتحر عندنا هذه :angry2::angry2:


قلت لها راح اوديك لوحده عندها نفس جنسيتك
عشان تفهمين على كلامها وتعلمك بالكلام لانك ماتكتبين
رفعت حواجبها فوق وقامت تناظر السقف وتهز كتوفها

أحس شغل الطبخ ماتبيه ولا تبي تتعلمه :(

تكفوووووووووووووووون
تكفوووووووووووووووووووووووون

تراني واصلة حدي بسببها :(
والله العظيم أحيان ودي اعطيها كف عشان تصحى
مو معقوول وربي اللي تسويه :(

شوروا علي تكفون شسووووي ؟!!!
نردها المكتب ؟!! ولا شنو ؟!!

:( الله يخليكم يابنات اللي تدخل ترفع الموضوع
عشان أمي والله وانا في بيت رجلي احاتيها هي اللي قايمه بالبيت وتعبانه لو تجلس ماراح تسوي الشغاله :09:

21 تعليق 1,881 مشاهدة

شاركي في النقاش

سجلي الدخول لإضافة تعليق.

التعليقات

19
  1. @mlakamp

    ياقلبي واضح انها ماعندها ساااااااالفه وماتبغى تشتغل وترا الشغالات اغلبهم شاطرين بالطبخ نصيحتي رجعوهاااااا
  2. @okar_alshyokh

    بالعربي ومن غير مجامله !
    واضح انها ما تبغى الشغل اللي انتم تبغونها له
    يعني تنظيف ترتيب بس
    طبخ لا
    وواضح من حركاتها
    واصلا الجنسيه الحبشيه معروفه بالعجز والكسل
    تجيبيها لشغل معين وبس ما تمسكينها بيت كامل
    اذا في التجربه كذا
    الله يعينك بكره اذا صرتو كفلاءها
  3. @hnyn_134

    اختي ترا بعض الشغالات يعرفن كل حااااااجه بس تستهبل عليك علشان ماتبغاكم تعتمدون عليها بالطبخ
    تحصلينها فااااهمه كل حاجه قبل تعلمينها وتعرف لطبخ احسن منك بس تعمل حالها مو فاهمه علشان يخف عليها الشغل
    والاكل لا تخافين عليها صدقيني هي احرص على نفسها منك
     انتي امسكيها واحكيلها قولي لها شغلها ايش بالضبط وأنها لازم تطبخ علشان والدتك وفهميها واحكيلها اذا ماتبغاكم ولا تبغى تتعلم ولا عندها استعداد تتعلم بترجعينها المكتب
    وصدقيني هي بتخاف لانها دافعه اللي وراها كله علشان تجي السعوديه تشتغل فيها
    وانتي خليكي حازمه معاها من البدايه علشان اذا في راسها لعب تكشفينه قبل ماتخلص شهرين التجربه وترجعينها للمكتب
    اكرفيها كررررف
    ترا بعض المكاتب يقولون لشغالات تحملي بس شهرين ولا ثلاثه شهور وتعالي علشان ماتروح عليهم فلوسك اللي دفعتيها
    واذا جيتهم قالو انتي جربتيها شهرين وعجبتك تبغين وحده ثانيه قدمي من جدييييد
    اتمنى اكون افدتك الله يعينك والله الشغالات وجع رااااااااااااااس

  4. @am_baaaaasl

    صاحبة الموضوع
    علمتها وفهمتها شتسوي وهي تقول راح اعرف بعدين قلت لها بعدين متى بعد سنه؟!!
    ومن ناحية الكرف اخليها تسوي حتى لو قالت ماعرف لكن شغلها مو مضبوط .

    طيب اذا بردهـا المكتب بنات وجابلي وحده نفس طينة هذه شسووي معاهم؟
  5. @hnyn_134

    تدرين متى بعدين؟؟؟؟؟!! اذا خلصت شهرين التجربه وأضربت عن العمل وحكت رجعوني للمكتب ماعاد ابغى اشتغل
    على اساس اتفاق بينها وبين المكتب ترانا خبررره بالشغالات ومابقى شغاله مادخلت بيتنا
    انتي شوفي شغلها وبتعرفين بين وحده جد تبغى تتعلم و وحده تستعبط وتمشي أيامها
    اذا كانت تستعبط رجعيهااااا واذا تحاول تتعلم وتحسين انها تشتغل من قلب بس غبيه وصعب فهمها امسكيها لان فيه مثل يقول امسك مجنونك لايجيك آجن منه
    بس اكرفيها كررررررف وخليكي حااازمه معاها من البدايه ولا تعطونها وجه ولا تسولفين معاها

تابعي تجارب أخرى من هذا القسم.