جارتي اللي تحتي روعت بنتي

جزاكم الله خير
حسبي الله وكفى فيها

اسألي عن القانون في بلد اقامتك وبعدها تصرفي اذا معك الحق اشتكيها اذا مامعك كلميها وتفاهموا وطبقي القانون في بيتك ،،اما كيكه وماكيكه جد بتفكر انك خايفه منها وتستعطفينها ،،

شوفي حبيبتي انا ما اعرف عن فرنسا
بس بحكم اقامتي في بريطانيا 4 سنين، النظام الي أعرفه هو:

الإزعاج بالموسيقي او غيره غير مسموح في جميع الأوقات اذا كان بدرجة عاليه مره << يعني زي الي يشغل اغاني بالمكبرات تبع الزواجات.

اما تشغيل الموسيقي او المشي على الأرض بدرجة معتدله لا يعتبر إزعاج بتاتاً ولا يحق للجار الشكوى إلا اذا كان هالنوع من الصوت بعد الساعه 12 بالليل << بعد هالوقت يعتبر عندهم وقت خلاص مافي اغاني او غيره تقدرين تشغلينها وهو وقت نوم ويحق لك الشكوى اذا أحد اصدر صوت مزعج بعد 12

هذا بما يخص بريطانيا ولا أدري هل فرنسا مثلها أو لا.

بس حبيت أساعد والله يوفقك بدراستك ويرجعكم سالمين غانمين

مودتي

اااااه انا في امريكا سكنت دور ارضي لاني حامل وعندي طفل قلت اريح لي من الدرج
وطلعو قدامي شباب عزابيه فجروا راسي بريحة الخمر هذا غير الحفلات وغير يدقون علينا الباب وهم سكارى بس سبحان الله دائم احد يشتكي عليهم وتجي الشرطه والمشكله قبلها يدقون علينا يقولون لزوجي لاتشكي علينا تعال انت وزوجتك الخمر ودخول السهره بلاش ههههههه شر البلية مايضحك
ولا مرات اصحابهم يلخبطون ويطقون علينا الشبابيك ياخذون عقلي والله واتحسب عليهم واقوم اصلي واقرا قران لان مره مره وقت الحفلات كانهم معي فيالبيت اغاني وجنان ماتسمعين الا اصوات البنات والشباب اعوذ بالله
وجارتي اللي فوقي حبوبه وطيبه وعسل بس دوووووبا مره مره مره وتصحى على الخمسه ونص احلى شيء مع وقت صلاة الفجر
بس اصلي اقرا قران واجلس اقول اذكار واجلس على سجادتي الييييييين اسمع صوتها نازله مع الدرج ولا بعد اشوفها من الشباك انها ركبت سيارتها اروح انام
لانها مره مره مره مره حركتها تكون واضحه ماقدر انام وهي صاحيه
واللي وراي لان عمارتنا وراها عماره لاصقه فيها يالله وربي اسمغ كل سوالفها بالتفلون وهي وزوجها وعيالها مره ازعاج
اول شهر كنت بس ابكي وحام وازعاج من كل الجهات وزوجي وده يطلع ونغير بس المشكله العقد مدري كيف طريقته تدفع شيء مقدم مدري يروح عليك شيء والمدينه غاليه وايجاراتها غاليه
فالحين بس صابره واحاول قد ماقدر اشفل قران واريح


بس والله شايله هم لاجاني مولود واذا ولدي جاني بعد شهرين لانه حاليا مو معي مع اهلي
كيف بقدر انوم اولادي بهالازعاج


لكن ادعو الله العلي القدير انه يحل ازمتنا يارب ويفرج كربتنا ويسهل امورنا
واستودعي الله بنتك واذا عندك تلفزيون افتحي لها تجلس عليه


ورددي هالدعاء
"اللهم اكفنيهم بما شئت"
واللهم من ارادني وبنتي بسوء فاشغله في نفسه ورد كيده في نحره واجعل تخطيطه تدميرا عليه يارب العالمين وشوفي كيف ترتاحين

الله يجزاكم خير بناقش مع زوجي المشكله واقلكم وين وصلنا