السلام عليكم ورحمة الله وبركاته
كل عام وانتم وكل غالي على قلبكم بخير يارب
عندي مشكله وان شاء الله تكون بسيطه
انا كل ماحملت يوقف نمو الجنين فجأه :( وماني عارفه السبب
سويت تحليل ( الكروموسومات والاجسام المضاده) والحمدلله سليمه
سبحان الله تصدقون ماني داريه وش اكتب :eek:
مخي مسكر
ابكتب وانتم رتبو على كيفكم
لي ست سنوات متزوجه وبعد سنه سوينا تحاليل طلعت انا سليمه الحمدلله وزوجي عنده ضعف بالغده النخاميه
بعد سنه ثانيه قالو لازم حقن مجهري سويناه وصار الحمل بس وقف نموه بالاسبوع الخامس
رجعنا عدناها بعد سنه وصار الحمل بس وقف نموه بعد ممممممم والله ناسيه بس ماذكر اني سمعت نبضه ابدا
وجلسنا ثلاث سنوات راحه من العنا والحمدلله على كل حال
بس زوجي كان شبه مداوم على علاجه
بس السنه هذي له اكثر من سته شهور مداوم على علاجه (ابر جونال اف وابر الكرومون 5000)
وكنت ناويه اعيد العمليه بعد عيد الحج السنه هذي لكن شهر عشره تأخرت الدوره خمسه ايام وسويت تحليل
وطلعت حامل الحمدلله بس قدر الله ووقف نموه بعد يومين من تحليلي وعلى طول نزل لاني ما اخذت لا مثبتات ولا شي بعد ماخلصت من الاجهاض رحت لدكتوره وقالت لي سوي تحليل الجسام المضادة سويته وطلعت سليمه الحمدلله
وقالت لي اذا تأخرت الدوره الشهر هذا على طول سوي تحليل وابدي بإبر الكلنكاز (لسيولة الدم)
طبعا من قبل كنت اخذ فوليك واسبرين
سويت تحليل وطلعت حامل وعلى طول بديت بالابر والمثبتات بس اليوم الثاني من تحليلي اختفى الم صدري
وايقنت ان الحمل وقف نموه وفعلا بعد اربعه ايام مدري خمسه ايام المهم انها ليلة العيد سويت تحليل ثاني
وطلعت النتيجه سلبيه وقفت الابر والمثبتات ونزل الحمل ثالث العيد
وانا حاليا افكر اخذ حبوب منع الحمل لان النفسيه تعبانه شوي وش رايكم اخذها ولا لا؟
كتبت قصة حياتي
اللي ابغاه منكم اي نصيحه ممكن تفيدني ولاتنسوني من دعواتكم
شاركي في النقاش
سجلي الدخول لإضافة تعليق.
التعليقات
17- الله يعوضك ولا يحرمك الاجر
ويرزقك بالذرية الصالحة عاجلا غير اجل - ياقلبي هذا حمل كيميائي ونصيحه لاتاخدي موانع لن الحمل حصل بس كان تعبان اما البويضه او الحيوان المنوي داومي على الاسبرين والابر وممكن تاخدي كرتزون في الحمل الجاي من بعد التبويض
- اللهم أني أسألك بأن لك الحمد لاأله إلاأنت المنان بديع
السموات والأرض ياذاالجلال والإكرااااام ياحي ياقيوم ان
ترزقـــــــــــني أنا وأخواتي بالحمل الثاااابت التااااام 9 اشهر
واقر اعيننا بذرية صااااالحة بااااااااره
وصلى اللهم على أشرف الخلق
سيد المرسلين محمد صلى الله عليه وسلم وعلى أهله وصحبه أجمعين - لا لا بلاش موانع حمل ولو تبغى تأجلى الحمل شهر ولا اتنين اعتمدى على العزل الطبيعى حتى لا يصير مضاعفات من موانع الحمل وتدخلى فدوامه مالها داعى
- الله يرزقك الحمل السليم 9 شهور يارب
عليك بسورة البقرة والرقيه الشرعيه
وانصحك ماتستخدمي حبوب تمنع الحمل نهائيا لان ممكن تآثر عليك بعدين وماتحملي اذا بغيتي الحمل
مواضيع مشابهة
تابعي تجارب أخرى من هذا القسم.