شوفي حبيبتي هذا شي طبيعي بعد الولاده باربع شهور تقريبا .. انا نفس الشي صار لي في بنتي وولدي .. في بنتي تساقط لحد ما قال بس وانا صراحه لا عالجت ولا شي بروحه عقب تقريبا 6 شهور وقف بالتساقط تدريجيا ورجع طلع ... في ولدي تساقط اكثر عن البنت قعدت اربع شهور شعري خف بشكل فظييييييييييع وسرت قصيته بوووووووي وكان طوله لنص ظهري .. المهم سرت لدكتور الجلديه عطاني بخاخ ريجن + شامبو طبي ضد التساقط + فيتامينات للشعر وانتبهي اذا استعملتي الريجن لازم تغسلين ايدج زين .. والحمدلله من رابع استخدام توقف التساقط كليا بس مجرد شعرات تطيح واحيانا ولا شي .. ولما سالته قال تغير الهرمونات وخاصه الولد يتساقط الشعر اكثر فيه .. طولت عليج بس كنت ابي اعطيج سبب التساقط والعلاج .. واذا خايفه
جربي ملعقة حنه + بصلة مقطعه لاربع اجزاء تنقعينها بماي من بليل ولي خلصتي غسلتي شعرج صبيه على راسج وخليه كشطفه اخيره .. ترا ربيعتي مجربتنها اساسا كانت تستعملها من قبل لتولد فولدها وبس تساقط لها شعرها مدة اسبوعين وتقول اهم شي انج تستمرين عليها .... عاد هي مادرت عني قبل اني اعاني من التساقط .. والا خبرتني عن هالطريقه .. واكلي زين .
مع الرضاعه شكلي بصلع
متابعة النقاش، صفحة 2