يسعد مساءكم جميعا ....
كنت متردده كثير بكتابه الموضوع ... بس والله اقرأ ردودكم بمواضيع بعض الاخواات ... والله وقفاتكم وردودكم .... تريح القلب خاص وانتم تدعون لبعض الله يوفقكم ..
مابطول عليكم .... المهم انا حامل والان ببدايه السادس الله يتممه... والله ياخوات طول فتره حملي وأنا عند اهلي ونادرا مايهتم زوجـي لانــي ناقله من منطقه للمنطقه الي فيها أهلي واهله وقبله باع الاثاث كله الا مواعين المطبخ بحجه ان مافيه مكان تنحط فيه .. وصبرت وكنت ادرس وتخرجت ونقلنا هالصيف..
والله يالغواالي انــي امــر بحاله نفسيه خايسه .. انا شارطه عليه بيت وجلس طول هالفتره يقول انه يدور بيت وانا متحمله وعند اهلي لان ماعند اهله مكان اجلس فيه ... وبالاخير عرفت انه يكذب علي ولا له نيه يستاجر وطول وقته عند اهــله ونادرا مايطمن او يدق .... وقبل 3 اسابيع صارت مشكله .. ان ابوه ورا كل شيء انــا فيه خاصه اذا زوجي مع ابوه ينقلب شيء ثاني بحياتي ماشفت مثله .... وخاصه ان يعلم ابوه بكل شيء وابوه يتدخل بكل صغيره وكبيره وانا والله ساكته لــهم ... وكل مــره اناقش زوجـي بموضوع البيت يقول اجاراتها غاليه .. ومافيه شيء يناسبني ...ابي بيت كبير وجديد وسعره رخيص قلت لازم تتنازل عن شيء فيها.... والله ماعمري حرضته لا يخدم ابوه ولا اهله ... وكان زوجــي يحذف عـلي حكي وانا ادرس ان ابوه الي اجبره يتزوجني وكنت امشي الوضع عشان اكمل دراستي... ع انه حنون وكريم في لحظات ولحظات انسان ثاني وكنت اتحاول اتقرب منه اذا فيه شيء يضايقه ابيه يفضفض لي ..
وبالاخير من كثـر مابوه تتدخل كنا عندهم مره وجالس يكلم زوجي انا نجلس بالبيت معه قلت له انا حامل وابـي استقر وارتأأح والي مثل زوجــي استاجر واستقرينا من زمان ... قال اصلا انا الي ارجع ولدي لك اذا صارت مشكله بينكم وزوجي ساكت انصعقققققققت ماهو لهذي الدرجه يقول هالكلام ...
قلت انا ماكرهوني اهلي عشان انجبر اعيش معا واحد مايبغاني .... والله يابنات اني انا الوحيده بين بناته واولاده الي يتدخل باموري وهو وراء اكثر مشاكلي..
رجعني زوجي لاهلي وقال ماعاد اعرفك الا اذا رضي ابوي لانك غلطتي عليه ...
وانا وربـــي ماغلطت عليه ولا عمري رفعت صوتي عليه ولا ضريته .. قلت خلاص اعطني طلاقي اذا هذا يرضي ابوك وكل يروح بطريقه لانك بالاساس مالك نيه تفتح بيت ولا راعيت كوني حامل ... قال نجوم السماء اقرب لك
علمت اهلي بالموضوع كله ....وامي وابوي وصلو حدهم منه قالو ليش بنات الناس لعبه .... ومرض جدي وكان ابوي معه وعندي موعد اتصلت ع زوجي وارسلت مسج ابي مصروف للموعد لارد ولا أرســل ...
وجا العيد.... واتصلت عيدت ع اهله وع ابوه ...وابوه يتكلم من طرف خشمه
جا بالليل يتصل ويرسل لما درا انـي كلمت ابوه ... وطنشته لان قلبي محروق منه ....... ارسل بعد يوم اني لا افرح انه ارسل لي واتصل لانه ماهو راضي علي ولا ع تصرفي بس من وفائه للعشره الي بينا ..
وجو يزورون جدي .... وطلع ولا مد ابوي بريال يقول له مصروف لبنتك..
وابوي متوعد فيه يكلمه انه اذا بيجلس يسحب فيني كل شهر ويحذفني ولسانه اطول منه ولاهو فاتح بيت ولا شيء ولا استحا مني كل شهر ويجيبك وبنتك سوت وسوت فكل حاجه بينا تتنتهي ... والي سواه ببنات الناس بيرجع بخواته ....وانه بتكفل بكل شيء من مواعيد وولاده
والله يابناات ويشهد ربي انــــي مظلومه وانه سبب كل مشكله ويدور الزلــه ووالله انه يتكلم بكلام يقطع القلب واصبر واسكت .... لكن انتهت طاقتي وماصرت اتحمل ..حذفني اللحين عند اهلي وانا حامل و بيحذفني بعدها.... الان اكيد بجلس عند اهلي الى ان اولد ماهو كره لاهلي بس مقهوره منه متى بحس اني انسانه متزوجه ولي بيتي و مستقره ...
اعطونـــي شوركم؟؟:44::44:
والله كل ليل وأنا ادعــي واستغفر .. واتحسب عليــهم ...وكل ليله ودمعتي ع خدي نمت اليوم الفجر وانا بقلبي عليه شيء مايعلمه غير ربي ..
والله وانا نايمه كل مانقلب لليمين ولا اليسار يطلع قدام عيوني الا أن نصر الله قريب .. واحيانا واحد يقولها وجلست ادور من الي يتكلم صحيت من نـــومي
.... الي عندها رد يبرد الخاطر ترد ... ولي ماعندها شيء لاترد
شاركي في النقاش
سجلي الدخول لإضافة تعليق.
التعليقات
26- الله يعينك ويفرج همك
- حبيبتي هذي رؤيا ياقلبي تبشرك ان نصرك قريب يابزوجك يرجع ويتعدل او تنفصلي وربي يعوضك بأخير منه
بس اقولك نصيحه لا تذلي نفسك لابوه لانك ماغلطتي اذا يبيك يبيك واذا مايبيك هو الخسرااااااان
وعزي نفسك الناس تعزك وذليها الناس تذلك
الا ياحبيبتي لا تردي عليه واذا قال شي عن ابوه قوليله اولا انا متزوجتك انت وبس وان كان ع ابوك فأنا ماغلطت عليه والا هو تبلي وبس
ياعمري فيه مثل يقول انفضيه نفض الردا وان كان فيه خير ماغدى
انا ححاول افسرلك معناته لان وحده قالت هالمثل وعجبني..بما معناته صيري قويه بالحق واذا ربي كاتبه لك حيرجعلك
الله ينصرك عليه وعلى ابوه عاجلا غير اجل - يارب يفرج عليك أسمعي حبيبتي لازم بيت لاتطلعين من عند أهلك إلا لبيتك أختي طلقها زوجها بمشورة أمه وأبوه بس الحمد لله ماعندها أولاد والسبب أنها تبغى بيت لحالها رفضوا وطلقوها منه مع أنها تسوى عيونه ولكن مابه شخصيه وجلست فتره عند أهلي ولا سأل ولا أنفق عليها ومأخذ منها فلوس ولا ردها لها الله لايسامحه والله يعوضها بأحسن منه ويكون رجال صحيح وتكون عنده غيرة المحارم00000000000أكثري من الأستغفار وخلي عندك حسن ظن بالله أن الله ناصرك ناصرك وإذا لكي خيره في رجوعك له أن الله يرده لك وإلا الله يستر عليه
- الله يعينك ويفرج همك
- حسبي الله ونعم الوكيل
مواضيع مشابهة
تابعي تجارب أخرى من هذا القسم.