الكوفيره بس تردد ها الكلمه

صباح الخير
قبل امس رحت لم المشغل ابسوي شعري واسوي مكياج عيون وقلت لها ابي مكياج خفيف المهم وطول ما هي جالسه ترسم عيوني لحد ما خلصة وهي بس تردد كلمة عيونك مره صغار ورموشك عدم ويوم خلصت جت اختي بتسوي عيونها وقالت اختي لي ياضلع رسم عيونك مره قوي سمعتنا الكوفيره قالت اكيد يبغاله رسم مكثف لان عيونها صغار ورموشها عدم عكسك انت عيونك مره وساع ورموشك طوال :eek:
بنات احسها حطمتني وضايقتني بكلماتها عيوني ورموشي ماهي لها الدرجه بلعكس احس ان عيوني وسط بس تميل للوسع اكثر ورموشي الحمد لله احسها طولها معقول واختي نفسي بضبط مافيها زود عني بس احس ان الكوفيره رفعت اختي فوق ونزلتني ارض قسم بلله انها قهرتني بغيت اصرخ بوجهها واقول انا ما جيت لك عشان تقيمين عيوني ورموشي كبيره او صغيره انا جايك لك تحطين لي مكياج وبس
انا يابنات راضيه بخلقة الله حتى لو كنت شينه بس اكره ما عندي
ان احد يقيم شكلي عيوني او خشمي احب احتفظ بعيوبي لنفسي والحمد لله على كمال الخلقه

31 تعليق 4,009 مشاهدة

شاركي في النقاش

سجلي الدخول لإضافة تعليق.

التعليقات

29
  1. @am_alaayal_14

    خلها تولي شكلها منحمسه من عيونك ورموشك لانها اذا فلبينيه مالها رموش ولا عيون اهم شي انت شايفه حالك حلوه خلاص ماعليك من احد
  2. @bnt_flh_otlaab_tns

    لآتهتمـي بكلآمهآ واللهـ كلآم النآس مايخلص ربي خلقكـ بأفضل تقويم انا دآيمآ النآس يعلقو علي بس ماهتم فيهم لأن مو ناقصني رجل ولا أيد بس مدري ليش تردد هالكلمهـ بس معليكي منهآ أحتسبي الآجر لآتكدرين خآطركـ يآضلع مافي شي يستآهل انكـ تتحطمين عشآنهـ .. وأهم شي الثقهـ بالنـفس ويــآآآرب يفرج همومكـ ويسـر أمركـ وينسيكي أحزآنكـ ويحقق منآكي ويسعدكـ يـآآآآرب
  3. @cup_cake_3

    يمكن تغطي على خيبتها يمكن ماتعرف ترسم العين كويس
    حطت العيب بعيووونك حركاتهم مكشووفة انا لو منك اغسلها واخليها تعيدها غصب عنها

تابعي تجارب أخرى من هذا القسم.