استفسارات لعرايس وبنات مكه عن تجهيزات العروسه

السلام عليكم ,,

كيفكم يااحلى اعضاء ؟ ان شاء الله بخير

الله يخليكم ساعدوني زواجي قرب :09:


ابغى وحده تصمم كوشات وتكون رخيصه

وابغى كمان افكار للزفه / واغنية الزفه

وافكار للملكه تكون بسيطه لان ملكتي في البيت

افضل صالون للعرائس بشرط تكوني مجربته قريب

وكيف صالون ماجده وحواء سمعت ان شغلهم كويس ومين افضل في المكياج والتسريحه عند كل وحده

وياليت كمان كافيرا تجي البيت


ملاحظه ::

انا من مكه وابغى كل اللي طالبتهم يكونوا من مكه


سوري ثقلت عليكم بطلباتي


الله يسعد اللي ترد على موضوعي لو بدعوهـ


وجزاكم الله خير


:26:

16 تعليق 3,466 مشاهدة

شاركي في النقاش

سجلي الدخول لإضافة تعليق.

التعليقات

16
  1. @taanatk_kfayh

    الله يتمم لك ع خير وتكوني احلا عروسه يارب انا راح اجاوبك بالنسبه للمشغل مافي الا ملاك خصوصا وحده اسمها غدير ماشالله

    عليها ابداع وعن تجربه شفت شغلها ع بنت اختي في شبكتها ماشالله مكياجها كان روعه واما حواء فنصيحه ابعدي عنها شغلهم

    موشي ويطلعو العرايس زي بعض غير اساسهم موحلو وماباقي طلباتك ماعندي فكره وان شالله البنات مايقصرو
  2. @oaad99

    -



    أول شئ الله يتمم عليك ويوفقك ..
    بالنسبه للكوشه والمدخل روحي عند ميرال ف البحيرات مره شغلهم مرتب
    تسوين عندهم كمان أفكار لكاسات العصير والكيكه واذا بتحطين شئ ثاني
    وكمان وتطقمين معاها هديه العريس أذا جايبه له
    عشان يصير كل شي متناسق وشكلها حلو على الطاوله
    أو فرحتي ف الستين ..

    الزفه زفات المدينه بدون نقاش ( إذا بدون موسيقى طبعا )
    هذا رابط الموقع تختارين الاغاني وتدقين عليهم ويوصلونها لك ( هنا )
    أما اذا بموسيقى مايحتاج لها فن اي محل يقدر يسويلك الاغاني ..

    بالنسبه للكوافيرات بصراحه مكه مافيها شي حلو كل شغلهم ( ثقيل بقوه ويطلعك أكبر من عمرك )
    واحنا بالعاده نطلع جده أو ندق تجينا وحده من جده اسمها فاطمه كمال وهذا رقمها 0554346473
    وفي وحده ثانيه كمان طلعت بنت عمي في زواجها الاسبوع الماضي زي القمر ماشاء الله
    وان شاء الله اجيب لك رقمها .. طبعا اذا تحبين الناعم
    ونصيحه لا تروحين لحواء مره خايسه : / ..

    بالنهايه .. دعواتك لي
  3. @r_62

    احلى مكاويه
    الف مبرروك ياقلبي الله يتمملك على خيرر
    وانا مثلك حااايسه احوووس وادور
    بالنسبه للزفات في وحده بمكه اسمها احضان العمر تنسق زفات وشوفي عنها بقوقل انا كلمتها الاسبوع الفات بنسق زفتي عندها ان شاء الله
    اما الكووفيرا والله الي الان مادري انا ابغى شي نااعم قالولي راجين وصالون نجمه اليل او ملكه اليل لسه حااايره
    وفاطمه كمال مدحوها البنات بالمنتدى بس ماشفت شغلهاا
    وايضا الكوشه الي الان ماعرفش الله يعين ياارب
    حتى مصوره مالقيت
    باذن الله اذا لقيت شي برسلك
    ولاتنسيني من دعواتك
  4. بوتيك أحلى عروسة لأرقى فساتين الزفاف والسهرة ..يسعدنا تواصلك اختي الكريمه ... نظامنا في البوتيك نظام القطعه الواحده تصاميمنا حصريه 100%... 0563058228 ... نضمن لك التميز .. ولك رسالة على الخاص ... بالتوفيق ..

تابعي تجارب أخرى من هذا القسم.