سؤال لكل اخت تعرف الكوريشيه ( هل تعلمتي لوحدك او بمعهد )

كراميل مثل ماقالوا الاخوات الارادة اكبر دافع للتعلم

واذا انتي حابة تتعلمي راح تجتهدي بكل مافيكي وتتعلمي

انا ماكنت اعرف بالكروشيه الا السلسلة فقط اعمل منها حباااااااااااااال هههههههههههها

واختي للي اصغر مني تعرف تشتغل ومليت من كثر ما اعمل سلاسل وافكها قلت لها علميني
وبدأت تعلمني كيف اسوي دائرة ومربع وكل يوم والتاني شلت سنارتي ( اكشخ من سنارة وصوف ) هههههههههها

وتعلمت منها المربع الله يجزاها كل خير
وبعدين قلت لمتى كل يوم اشيل اغراضي واروح لها..
اشتريت مجلة الكروشيه وبدأت اتعلم قرأءة الرموز ومن يومها صرت اشتغل وصرت اعلّم اختي..
وبحكم ان مدرسه كنت بالكلية ولازم درس هالمادة ..زادت خبرتي فيها واكتشفت الاخطاء اللي كنت اوقع فيها ومااعرف لها سبب
حشا قصة حياتي

بس فعلا الكروشيه عالم تاني
يعلم الصبر والمثابرة ,,,, ةان اسبح طول ما انا اشتغل ..ويقضي على شيء اسمه طفش وووقت فراغ

وبعد دخولي لحواء من كاااااااام سنة كنت متفرجة واشتغل بصمت واشوف ام عزيزان وعفريتة وكوين رهف
وكثير يعلموا ويثابروا الله ينفع بعلمهم الجميع ويثيبهم كل خير
اتعلمت اشياء ما كنت بيوم اعرف انها بهالروعه كلها
ادعي ان بناتي يحبوه لأن علمتهم ......ولكن يقولوا انه مو من هواياتهم.........

معليش على الاطله بس سرحت ........واخذتني قصه تعلم الكروشيه للأيام الخوالي

كراميل اكيد راح نشوفكم احد المبدعات هنا!!!!!!!!!!!!!!!!

هلا اختي
بقولك عن تجربتي من الابتدائي كانوا فالمدرسه يعلمونا تريكو فتعلمته بس طبعا الغرز فقط يعني ماعرف اطبق اي شي استفيد منه ولكن انا بروحي احب اشغال اليد فكان الامر سهل اني اتعلم الكروشيه فتعلمتها بنفسي،وبعدين قمت اتاع كارلا دكاش فقناة هي تعلمت منها مسميات الغرز وبعض الافكار
الحين انا اطبق الكروشيه فالشيل والجلابيات واشتغله بالخرز بعد وبخيوط الحرير تطلع الجلابيه حلوه وايد (بيني وبينك انا لما اشوف شغل بالكروشيه اقعد عليه لين ما تعلمه)والحمد لله اقضي وقت فراغ والبس من شغل ايدي، لان الحريم هنا يعطونه للباكستانيات يسوون لهن فالجلابيات لو كنت اعرف اصور كنت بعرض جلابيتي اكييييييييييييييييييييييييييييد بتعجبكم
المهم اذا كنتي تحبي شغل الكروشيه فبتتعلمينه بروحك

مرحبا...أناأتعلمت الكروشيه من هذا المنتدى الرائع ..
..وتعلمت لوحدي ماحضرت دورات ولاشي غير دورات هالمنتدى..واصبحت أشتري كتب وتعلمت على خفيف ...والحين أنا مشيه حالي..

واااااااو كل هالردود
مشكورات حمستوني
ان شاء الله باقرب فرصة
بشتري السناره الخاصه وخيط
وبرجع للمواضيع اللى بالمنتدى
وبحاول انا احب الاعمال اليدوية من صغري
:) سلام عليكم