الموضوع مغلق

تكفون فهموني رسايل طليقي لي تكففففففففون //قديم

السلام عليكم ورحمة الله وبركاته

اخواتي بنآت حواء

انا بحاجتكم بعد الله ..صآر لي موقف مع طليقي ومو فاهمه رده لي مدري وش يقصد بررررررده

ابقولكم سالفتي وانتم اعطوني ارئكم

انا مطلقه لي 5 شهور وطليقي له 3 شهور ماشاف عياله مع انه كان متعلقه فيهمممممممم مره وعلى فكره انا نزلت قصتي هنآآآآآآ

سؤالي اللحين انا بلحظه ضعف مني وحنين لذكرياتي مع طليقي ارسلت له انه ((بعيون عيالي اشوف شوقهم لك وكيف انهم متعلقين بكل واحد يلبس شمآآغ لانهم يذكرونك وبحاجتك ..وبحق العشره اللي بيننا باقي اذكر ايامي معآك ))هذه رسالتي

بجد كنت ابكي وانا اكتبها وكنت ابي اذكره بعياله الاثنين وكنت متوقعه انه يبي يرجع بس خآيف من ردة فعلي انا وهله فقلت ارسل رساله واشوف

رد علي اول رساله قال ( الحمدلله على سلامة اخوك ..والله يحفظك للعيال ويصلحهم )) طبعآ اخوي مسوي حادث وهو عرف عن طريق البي بي ضايف ولد اختي

رديت عليه قلت (الله يسلمك ويخليك بعد انت للعيال ))

جا ورد علي ((الله يرزقك بولد الحلال اللي ينسيك كل اللي فات ))

انا هنا مافهممممت وش قصده هالرد ..هل يقصد انه ماعاد يبيني انا وعيالي والا مدري

ياليت ياخواتي بالله تعطوني ارائكم بالرسايل وتوضحون لي الصورره

تكفون يابنات لاتتطنشون هالشي مقدر احكي لهلي ..الله يحقق مراد كل وحده تتدخل وتحاول توضح لي الموضوع من وجهة نظرها ...ومشكورين انا انتظركم

219 تعليق 64,739 مشاهدة

شاركي في النقاش

سجلي الدخول لإضافة تعليق.

التعليقات

216
  1. @smytk_ghlay_10

    الله يفرج همك ويخليلك عيالك ويهدي ابوهم






    سبحان الله والحمدلله ولا إله إلا الله والله اكبر ولا حول ولا قوة إلا بالله
  2. @ghmod_amrah_2

    انتي غلطااانه ليش ترسليله الرساله

    وهو واضح انه مايفكر فيك

    وعيالك مجبور يهتم فيهم و يراعيهم

    اذا هو ما طلبهم

    انتي لبسيهم و حطي لهم غيارات لكم يوم و ارسليهم مع اخوك و خليهم يقولو له انه مشتاقين له
  3. @nescafe_2

    واااااضحة .. شكله هو قبل بالامر الواقع وانتي لسه ..
    لا تعلقي حالك باوهام انه يبي يرجع ومستحي او خايف من ردة فعلك او اي شي ..
    الرجال لو عاز شي بيدق الباب وبيجيك ..
    خلاص رده معناه افهمي ... ماعاد بينكم رجعه ..
    دامه قالك ربي يرزقك بابن الحلال ..
    انتي افضل شي خلاص لا عاد تتصلي .. ودامه معاه ابن اختك عالبي بي لو بده يشوف الاولاد او شي بيصير التواصل عن طريق قريبك وبس ..

تابعي تجارب أخرى من هذا القسم.