°•.¸.•°°•.¸نفاسك في رمضان حياك الله نقطع الثلث الثاني من مشوارنا °•.¸.•°°•.¸

متابعة النقاش، صفحة 62

شاركي في النقاش

سجلي الدخول لإضافة تعليق.

التعليقات

1,166
  1. @raaay_mbda

    اختي فوز الكويت

    تاثرت لقصتك جدااا وفرحت لحملك
    ويااارب ياكريم احفظ لها اللي في بطنها معافى وسهل لها ولادتها وفرحها هي وزوجها للابد
  2. @mys_oasyl

    راعية مبدأ
    اختي فوز الكويت تاثرت لقصتك جدااا وفرحت لحملك ويااارب ياكريم احفظ لها اللي في بطنها معافى وسهل لها ولادتها وفرحها هي وزوجها للابد
    هلا والله وغلا
    السمووووووووووووحه تأخرت عليكم صارت لي ضروف ولسه الحين قدرت ادخل :)

    المرهفه
    الله يرفع قدرك يارب يوم سألتي عني

    والله اني كنت ناويه من يوم ارجع وانا معلمتكم وش قالت لي ووش سويت
    بس دخلت بيتي مع اذان العشاء بالضبط الا وزوجي يقول ترا صديقي جاي من لبنان من اسبوع في الرياض وبيسافر الساعه 11 وقلت له يتعشى عندنا هو وعياله
    <<<<<<<<<<<<<<<<<<<<<<<<<<< من قوي الصدمه صارت عيوني كذا :blink:

    وانا ارمي عبايتي على الكنبه واركض تقولين كني مهبوله وخرشت شغالتي معي :hahaha:
    عاد سبحان الله صادفت بيتي مافيه مقاضي والغبار امس لاعب في البيت لعب سبحان الله
    بسرعه طيرت الشغاله ترتب وتمسح مجالس النساء والرجال وانا طرت للمطبخ ادور شي اسويه للعشاء
    اتصلت على السواق وقلت له يجيب الاغراض اللي بحتاجها في الطبخ وقلت بسرعه لا تتأخر :06:
    المشكله انهم لبنانيين يعني ماتمشي تكبسين لهم حبتين رز وخلاص لا خخخخخخخخخ
    المهم
    سويت عاصوف في المطبخ من ركضتي وانتجت الاتي : :09:
    صينية دجاج بالفطر
    بادية شوربه باللحم
    صينية رز
    صينية اقماع باللبنه والنعناع
    بادية سلطه
    قوالب حلى
    عصير برتقال
    <<<<<<<<<<<<< طبعا اختكم في الله ما فوتتها ورحت لزوجي قلت قم جب جحه عيب نعشيهم بدون جح خخخخخخخخخخ وحده بوحده :icon20:
    المهم جو الضيوف وقعدنا وياهم شوي وتعشينا وراحوا وانا حيلي مهدود من الركض
    حسبي الله على شيطانه ما حب المفاجآت مسوي نفسه يمزح :30:
    قلت شف اليوم مشيتها لك بس مره ثانيه بتفاجئني كذا تحمل المسؤوليه انت يعني جب عشاء ،، :024:

    بقولكم سالفتي شوي لما ارجع بس بروح افطر زوجي وارجع لكم انتظروني :)
  3. @mys_oasyl

    ميس وأسيل
    هلا والله وغلا السمووووووووووووحه تأخرت عليكم صارت لي ضروف ولسه الحين قدرت ادخل :) المرهفه الله يرفع قدرك يارب يوم سألتي عني والله اني كنت ناويه من يوم ارجع وانا معلمتكم وش قالت لي ووش سويت بس دخلت بيتي مع اذان العشاء بالضبط الا وزو…
    هلا والله كروشات

    موعدي امس الساعه 6:30 المهم احترت اروح ولا ما اروح لان الجو كان يخوف الله يستر من الغبار والعاصفه
    السماء حمراء والتراب يدخل في العيون الله يرحمنا برحمته
    المهم قلت احسن خليني اروح يمكن يكون عندها خفيف مافيه مرضى
    طلعت وانا اردد ( ربنا اكشف عنا العذاب انا مؤمنون ) والله من الخوف عيوني في السماء طول الطريق
    رحت المستشفى الا وتطير عيوني :32:
    الانتظار قليييييل مرررره توني اتعدل في جلستي الا ونادت اسمي :)
    الحمد لله
    دخلت عليها وانا فرحانه مره مدري ليه كني اول مره اروح لدكتوره
    حتى هي مستغربه مني تقول اول وحده تدخل علي وهي مبسوطه اغلب اللي يدخلون مكشرين اما من الوحم ولا من الثقل هههههههههه الله ياجرهم يارب
    وانا افلها معها سواليف واسئله مابقيت شي ما سئلت عليه
    اخر شي قالت لي اما انتم يالجيل الاخير من تدخلون وانتم تسألون عن اللي يخصكم واللي ما يخصكم
    قلت لازم نكون على بينه مو نجيكم ندربي روسنا :blink:
    قالت ولو مو لهالدرجه تسألون عن اشياء مالكم مصلحه من معرفتها

    قلت لها طيب الثقل اسفل البطن وش سببه ؟؟ <<<<<<<<<<< ابد ماقالت لها الدكتوره لا تسألين :hahaha:
    التفتت علي قالت قومي بس على السرير ماينفع معكم الكلام ههههههههههه

    قمت على السرير تشوف البيبي وحطيت رجل على رجل قالت لااااااااااااااااا تحطين سيقانك على بعض :06:
    قلت ليش ؟؟؟؟؟
    قالت خطر الحامل تحط سيقانها على بعض يعني رجل على رجل خطر يسبب لها تجلطات في الساق
    بعدين قلت هاه دكتوره جاوبيني ليه الثقل اسفل البطن مع اني لسه يعتبر حملي في بدايته مابعد وصلنا لمرحلة الثقل
    قالت مشكلتكم تحملون وانتم حاطين في بالكم انها عطسه مو حمل كل شي تبونه بالسهل
    طبيعي جنين في بطنك وش تبغين تحسين انك خفيفه !!! اكيد بتكوني ثقيله ..

    قالت الحين انتي وشوله لابسه تنوره جينز ماملت عينك كرشتك ؟؟ قلت الا بس لسه على اللبس الواسع
    قالت لاااااااااا انتي الان دخلتي الخامس وش اللي لسه ؟؟؟؟ البسي ملابس مريحه وواسعه

    خلصت من سالفة التنوره وشافت كرستي الا وتطير عيونها تقول وش هذا :32:
    انا قلت يمه وشو :unhappy:
    قلت سرتك مفتوقه <<<<<<<<<< فيها فتق في السره
    استغربت ومن الروعه ماسألت عن السبب ولا سألت عن العلاج بس تميت مسكره فمي وساكته ومندهشه في نفس الوقت
    ضغطت على سرتي قالت الحين اعلمك ليه انتي ثقيله !!!
    تقول طالما انتي ضاغطه على سرتك والجنين اسفل البطن تحت السره راح تحسين انك ثقيله وكأنك في الاشهر الاخيره
    لكن لما يرتفع شوي ويكون تحت السره مباشره بتحسين انك خفيفه وتقدرين تتحركين اكثر

    قالت لي سبحان الله حتى البيبي مسوي مثلك حاطط رجل على رجل
    وتوريني الا واشوف والله وليدي مشخص جوا بطني رجل على رجل ويده على خده خخخخخخخ
    مشكله الانتظار صعب وطويل ههههههههه :rolleyes:

    شوي قالت باين جنسه والله اعلم انه ولد <<<<<<< في هاللحظه فرحت به بس في نفس الوقت حسيت ان البنوته يبي لها انتظار مره ثانيه
    امووووت في البنوتات مرررره بس الاولاد ماعنهم غناة ابد
    الله يصلحهم يارب

    نزلت من السرير
    وقالت الان انتي دخلتي الشهر الخامس
    يعني توقفي حمض الفوليك
    وتبدي تستخدمي الحديد + الكالسيوم وتستمري تاخذي الفيتامين لا توقفينه

    طلعت منها وانا افكر في هالسر وش اللي فتقه !!!!!!!
    ونسيت اسألها عن وضع المشيمه عندي هل هو طبيعي ولا لا لانها المره اللي فاتت كانت نازله وقالت لي ارتاحي

    الله يعيننا يارب
  4. @am_asmaaa1_1

    السلام عليكم ورحمة الله وبركاته

    كيف حالكن يا حوامل؟ إن شاء الله بخير وعافية.
    معكن ضيفة جديدة أحبت أن تنضم إليكن وإن شاء الله أجد معكن كل ما هو مفيد ونافع.

    طبعا الآن أنا حامل في منتصف الشهر الرابع, وولادتي في أوائل رمضان (الله يعيننا على القضاء).
    وسبحان الله أمي ولدتني في أوائل رمضان ومسكينة فطرتها كل رمضان والآن جاء الدور علي , فسبحان الله كما تدين تدان.

    عندي 4 بنات الله يجعلهن وإياكن من الصالحات ومن حفظة كتاب الله.
    حملت في هذا الحمل وبنتي الصغيرة عمرها 10 شهور وكانت صدمة بالنسبة لي لأن الفرق بين كل بنت من 3ـ4 سنوات
    وتقطع القلب يوم فطمتها من صدري.
    وادعولي يا أخواتي ان الله يرزقني الولد الصالح السليم المعافى لأن زوجي نفسه بولد فيارب تحقق أمنيته في حملي هذا.


    الله يعينكم على أم أسماء وكلامها الطويل أقصد قصة حياتها.

    وسامحوني على الإطالة,

    سهل الله لكن حملكن وولادتكن.
  5. @mys_oasyl

    ميس وأسيل
    هلا والله كروشات موعدي امس الساعه 6:30 المهم احترت اروح ولا ما اروح لان الجو كان يخوف الله يستر من الغبار والعاصفه السماء حمراء والتراب يدخل في العيون الله يرحمنا برحمته المهم قلت احسن خليني اروح يمكن يكون عندها خفيف مافيه مرضى طلعت وانا…
    هههههههههههههه يوم خلصت كاتبه الرد الا وانتبه لنفسي اني حاطه رجل على رجل
    <<<<<<<<<<<< والله لو تتكلمين وتفهمين الى بكره ماعندتس احد :)

    معليش بنات سامحوني قلبت روسكم بالكلام اللي ماله سنع :26:


    اقترااااااااح ارجوا التصويت
    من اليوم ورايح ماراح اكتب الا باللون الازرق

    واللي تعرف جنس جنينها تكتب بلونه حتى نعرف ونسوي احصائيه

    وردي للبنت وازرق للولد

تابعي تجارب أخرى من هذا القسم.