ياناس ذبحني هاللي يراقبني في البنك ,تكفون وشلون احاسبه , يازوجات موظفي البنوك فيدوني
السلام عليكم ورحمة الله
بنات انا منطقة محترة كبدي مشتبة تقل ضو
والله العظيم تفووووووووووووووح
وش الحل مع موظفين البنوك اللي ماعندهم امانة
وش السواه
اذوني الله لايبارك فيهم ولا يوفقهم
انا بعلمكم السالفة
وهذي السالفة تصيرلي اكثر من مرة
يجيني واحد من اهلي يقولي انتي عندك كذا وكذا بالبنك الفلاني
ويمشي ويعلم كل اهلي
طبعا عن طريق صديق له او زميل , ويكون موظف بالبنك
بس خاين للامانة وخسيس يشيك على حسابات العملاء
تعبت يابنات كل ماحطيت قرشين جاني فلان ولا علان
اييييييييه انتي عندك كذا , ومبلغ كذا
ياناس هذي خصوصية وامانة
ليش يفرطون فيها موظفين البنوك الله يكشف سترهم دنيا واخره
والله اني ما احلله ليوم الدين وعساه يشوفها بعياله
مرة من المرات
رحت للبنك وقلت لمديرة الفرع السالفة
مديرة الفرع شكلها من هالنوعية بوم قتلها خافت وقامت تصرف
قالت يمكن انتي مضيعة ارقامك السرية
او يمكنك تدخلين على حسابك من النت ويدخلون وراك
قلت اصلا مباشر وحساب النت ما اتعامل معهم
من زينه يغث بقوة
ما اتعامل الا مع الصرافات او الفرع او التلفون
قالت خلاص ارسلي شكوى للفرع الرئيسي عن طريق الفاكس
اذا وصلتهم بيدقون عليك
وخلتني اكتب شكوى وعليها
ماحد دق ولا شيء
سحبووووووووووا
وش الحل ياناس وشلون احاسب هذا الموظف
علماً بأني ما اعرف منهو الموظف
واصلاً السالفة تكررت مع كذا شخص يعني كذا موظف
الشيء الثاني ما اعرف الوقت الدقيق لتاريخ تشييكه على الحساب
يعني اخوي اذا جاني يقول حسابك فيه كذا , يمكن يكون عارف هالمعلومة من فترة طويلة وتوه يتكلم
علموني يابنات وش اسوي
والله انه ضيق على حياتي
وسببلي مشاكل بحياتي
وصارتلي سوالف
واهلي صاروا يمدون لي الريال بالقطارة
ويطالبوني بأشياء
ويحاسبوني حتى علا علاجاتي
حسبي الله عليه ونعم الوكيل الله يكشف سترة دنيا واخره
عساه يشوفها في صحته وصحه عياله وفي شرفه وشرف بناته
لاتلومنوني ماتدرون وش صار بسبب هالموضوع
ولا تقولون يمكنك غلطانة
متأكدة مليوووووووووووووووووووووون بالمية
لان الرقم يجيني صح مضبووووووووط حتى بالهلل
ملااااااااحظة
البنك اللي فيه حسابي الراجحي ــــ<< مالت