كنت مغتربه وسأرجع مغتربه .. فضفضه من تواسيني

الله يكون في عونك
والله الغربه حلوه
وتخليك تربين عيالك لحالك محد يدخل فيك
لكن الصعب فيها كيف تغرسين فيهم الدين
وهم عايشين بوسط مجتمع غير دينك

والغربه تخلي عيالك عندهم روتين ونظام جميل جدا عكس وجودهم في الوطن
الغربه مررره وكثره التنقلات متعبه
لكن هوينها تهون مثل ما يقول كبريها تكبر صغيرها تصغر

الله ييسر امركم ويحفظكم وكل غايب

نفس الشعور ... فعلا حالة من الضياع وعدم الانتماء لاي مكان :(:(

وسعتوا صدري بردودكم والله اييسر اموري واموركم يارب وبالنسبه لشعور عدم الانتماء هو فعلا شعوري لكن اللي يهون علي كل هذا شوفتي ثمار تربيتي لعيالي ونظامهم واهتمامهم بكل التفاصيل في الحياة بعكس الديره سبحان الله مالي سلطه عليهم ابد وكل من يفتي في تربيتهم ..

الله يهون عليك غربتك
والله ماتنلامين البداية دائما تكون صعبة
دائما ادعي ان ربي ييسر لك غربتك لان الدعاء يصنع العجائب
بعدين حبيبتي يمديك تدرسين صحيح مو لازم يصير من بداية ماتوصلين
لكن بامكانك تلتحقين بالدراسة وبنتك في الديكير
وتذكري قول الامام الشافعي رحمه الله
سافر تجد عوضـاً عمـن تفارقـه ********وانصب فإن لذيذ العيش في النصـب
إني رأيـت وقـوف المـاء يفسـده**********إن ساح طاب وإن لم يجر لم يطـب
والأسد لولا فراق الأرض ما افترست*******والسهم لولا فراق القوس لم يصـب
والشمس لو وقفت في الفلك دائمـة**********لملها الناس من عجم ومـن عـرب
والتبر كالترب ملقـي فـي أماكنـه*********والعود في أرضه نوع من الخطـب
فـإن تغـرب هـذا عـز مطلـبـه **************وإن تغـرب ذلـك عـز كالذهـب