شوفي حبيبتي من ناحية التعريب الايفون فيه عربي من المصنع اساسا وصينا على ايفون 4s ووصل يوم عرفه من بريطانيا حجم 32 سعرة 3600 بدون الشحن والاحسن هو اللي من بريطانيا يكون اصلي 100 بالميه
عشان تطلبين من الموقع لازم يكون عندك فيزا عشان تقدرين تطلبين والشي الثاني لازم يكون عندك بريد في بريطانيا او امريكا عشان يرسلونه عليه وبعدها يشحنونه على بريدك في السعودية الشحن تكلفته ١٠٠ريال وياخذ الطلب من اسبوع لاسبوعين فيه نوعين ايفون امريكي وبريطاني البريطاني مفتوح لكن الامريكي مغلق وسعره رخيص ولازم تشرين بطاقة عشان تستخدمينه هنا البريطاني افضل شيء اذا عندك طولة بال وصبر اطلبيه من برا واذا مستعجلة عليه اخذيه من هنا افضل لك من الحوسه لأن الطلب يطفش ويبي له متابعة وحوسة
البريطاني معروف انه غالي لانه تضاف له تكاليف الشحن من أمريكا طبعا و انت راح تضيفين له تكاليف الشحن للسعودية و طريقة الشراء لازم يكون عندك بطاقة أئتمانية، و بما انك جديدة طلعي بطاقة مسبقة الدفع من البنك حتى لاينسحب منك من غير علمك، لان لصوص الاموال كثير في النت. فيه تاجرات يوفرون خدمة الشراء من المواقع الاجنبية بعمولات ما تتجاوز ٥٠ ريال كلميهم لان عندهم خبرة اكبر و ترتاحين من هم التسجيل و متابعة الشحنة.