فـــــــــــن التقـــــــــديم لبنــــــــات الريــــــــاض * الملف السابع *

مشمشة زرقاء يعطيك العافية حبيبتي ماقصرتي

و****لله البنات يفيدوني اكثر من جد شي يحير




بنات الله يعافيكم ابي رقم ام ايمن اللي تسوي معمول

وبعد بسألكم عن ام عبد الكريم للمعمول وش رايكم فيهااا

ابي طلبية لزواااااج اللي تعاملت معهم ياليت تخبرني

بنات وش افضل تمريه ولا العلواني
وابي رقم عبير الحميد بليز اللي تسوي مني سوفليه بليز

السلام عليكم حبايب قلبي كيفكم عسى ايامكم كلها افراح في افراح ويبعد عنكم الهم والغم ويسعدكم وين ما كنتم
حبايب قلبي انا كانت عندي مناسبة صغيرونة مرة وهي عبارة عن حريم العائلة الكريمة جوا يتحمدوا للوالدة بالسلامة عقب عودتها من الحج وخصوصا انها تعبت شوي وكنا خايفين عليها لكن كله بأجر وتواب باذن الله
تقبل الله من والدتي ومن كل من حج بيت الله والله لا يحرم مسلم من اداء فريضة الحج

بالمناسبة هذي كنت ابي موالح لضيق الوقت ومافي مجال اصلح شي بالبيت وكانت فرصة لي اني اجرب شغل احد الاخوات المذكورات فالملف
قريت عن اخوات كثير مابين رأي ماذح ورأي يذم واستخرت الله اني اتوكل واطلب ورسيت على الاخت كرميلة دلول خصوصا اني ادور السعر المناسب والطعم والشكل
الحمدلله تم الاتصال من طرفي علي الاخت كرميلة دلول وبحكم اني مالي خبرة في هالامور قلت لها ابي صينية فطاير وسألتني شنو المناسبة وكم عدد الحريم عندك قلت لها عودة الوالدة بحفظ الله من الحج وشفاءها وعدد الحريم 10 حريم
نصحتني انها تسويلي صينية مشكلة مابين فطاير ومقالي عبارة عن 2 كيلو
الحقيقة استغربت وسألتها اخاف ما يكفي واتعرض لاحراج اما الحريم قالت من ناحية يكفي بيكفي وزيادة جيت انا قلت لها ابد ماعليك امر اذا في مجال تسوين لي صينية 3 كيلو بدل 2 اللهم زيادة ولا نقصان فردت علي خير اللي تامرين فيه طبعا

هنا يا اخوان استنتجت ان الاخت فالله ليس هدفها تجاري بدليل انها هونتها علي وطمنتني ان 2 كيلو كافية وحدة غيرها كان ممكن تفكر فنفسها وتقولك ما انصحك ب2 ولا 3 وتحرجك لدرجة انها تخليك تاخذين 4 كيلو بس من احراجها
حبيت تعامل الاخت كرميلة واعتذر لها كثير عن ازعاجي لها كل شوي وتأكيدي عليها كل يوم بسبب اني مو متعودة اطلب طلبية لمناسبة وكنت خايفة ما اتوفق لكن اسلوب كرميلة كان في قمة الذوق الله يرزقها وين ما حلت وارتحلت والنعم في ذوقها والاهم تواضعها واخذها وعطاها مع الزبونة خصوصا ان بعضهم للاسف نفسهم شينة ويكلمون من طرف خشومهم كما لو انك تطلبين
جزاك الله خير اختي كرميلة بيضتي وجهي قدام الضيوف الله يبيض وجيهك وقلبك ويجعلك البركة فتجارتك ويوسع رزقك


وهذي طبعا صورة الصينية (طبعا اخذتها منها بدون ايجار ولا ضمان )
يازين الناس الشبعانة




اتمنى الصورة تبين لكم اول مرة احمل صورة بالمنتدى واتمنى تطلع مباشرة بدون رابط واتمنى ان تساعدني احدى المشرفات في رفعها في حالة لم اتمكن من رفعها مباشرة مع جزيل الشكر المقدم


شكرا كرميلة دلول والى الامام ربي يباركلك بعمرك ورزقك واحبابك


ملاحظة سعر الكيلو80 ريال وانا اخذت 3 كيلو ب240 ريال مع التوصيلة وبس

بنات في حلويات مررررره تجنننننن مغلفه نفس اللي بالمحلات تقريبا وحشوات تأخذ العقل واسعار معقوله

ومعجنات بجميع الحشوات وكمان معجنات فرنسيه

وعندها اشياء كثير بس ناسيه والله بالضبط

جربناها بمناسبه في شوال صدق بيضت الوجه الله يبيض وجهها دنيا وآخره

يالغاليات شارع الثلاثين كله حلويات بصراحة احترت لمين اروح ممكن ترشحون افضل محلين او ثلاثة لانه صعبه ادور على كل المحلات

وبعد ابغى مكسرات او بسكويتات تنفع للتقديم مع الشاي ابغاها تكون لذيذة وحركتها حلوه خاصة المكسرات ابغاها تكون تغليفتها حلوة وغريبة

ابغها تقديم للنفاس إن شاءالله