لماذا تضعين الحجاب دعوة للنقاش

يا بنات بدي اراء اكتر لحتى يبقى هالموضوع مرجع النل رنيم وفتاة سورية وينكم والاخت سعودي جيرل تامو وينكم

حبيبتي لوليتا ما في اقوى من اجوبتك لكن بنصحك تعتمدي عالاول اكتر من التاني لانه بخليهم يحسوا انه الاديان مكلها مشتركه و متلنا متلهم فبصيروا يبحثوا اكتر انه ليش فقط الراهبات (بالدين المسيحي) بضعوه و بس لما يروحوا عالكنيسه مو كل الحياه، و الجواب التاني حلو لكن الاول اقوى، انا كمان بدي اصير اعتمده لو احتجته بأي وقت، حتى مرات هاد السؤال بنطرح من عرب لكن مسيحيين، يعني مو شرط الغربه، انا رحت على بريطانيا قعدت فتره هناك، بس صار معي موقف واحد انه مره واحد يهودي هناك صار يصيح بالشارع و يغلط و يسب بس طنشته و ما جاوبت لانه مجنون، و الكل كان بتطلع عليه انه ماله هاد مجنون، و هو كان بحكي عن الاسلام مو عن الحجاب بس الحجاب ميزني اني مسلمه، بس بشكل عام ما صار معي ولا موقف غيره و بالعكس حسيت حالي كاني ببلدي و حتى نظرات ما كنت اواجه و تعاملهم ما كان يختلف معي (إلا ما ندر جدا) بس ما كانت تفرق عندي لانه مو كل اصابعك وحده و اشي طبيعي يكون في هيك و هيك بس المهم انه الاغلب متقبلين الوضع كتير، و برضه كان في كتيييير نساء متحجبات من الباكستان، فهم شعب متعود على منظر المراه المحجبه.
اكثر منظر مخجل هو منظر بنت ببلدها العربي الاسلامي و مو لابسه الاشارب لدرجه انه لما يصير بينك و بينها حكي ابتساليها (شو ديانتك؟) و الله اشي عيب انه تسالي بنت شو دينك!! بدال ما نكون نعكس هويتنا، عكس المسيحيين كلهم بلبسوا صلبان عشان يميزوا حالهم!! بدال ما احنا نفتخر بديننا و نتميز، الله يهدي فتيات المسلمين امييين

غاليتي سلسبيلا معك حق وفعلا هنن دينهن بس بالكنيسة وحتى بيعتبرو انو زي تقليدي ونسيو فرضيته واهميته وبالنسبة لبناتنا المسلمات غير المحجبات فما بقول غير الله يهديهم ويثبتنا واهلا بسكان الاردن الاطايب والحند لله انو ما صار لك مواقف تزعجك ودايما بكل بلد بلد لتلاقي متعصبين الله يعينهم عا عقلهم

السلام عليكم
مساء الخير
انا اقولهم لأني مسلمه والاسلام كرم المرأه بالحجاب
ولما أنزل حجابي انزل ايماني والكرامه اللي عزني اسلامي فيها.
ومايقولو شي
موقف كان بسبب وحده سألتني وسط مجموعه وكانت شبه عريانه جاوبتها وماقتنعت
وكانت نظراتها مرعبه خفت انها تسويلي شي وهرت سيده.

الوردة الحمرا ماشاء الله عليكي جوابك كتير حلو بس انا تجاكرت يا مشرفات ليش بس الوردة الحمرا الها صورة رمزية وكمان مشرفتنا شام خانم وانا وين راحت صورتي اهئ اهئ