سؤال لاطلعتي من مستشفى الولادة وين تروحين هل لبيت اهلك والا تمرين بيت اهل زوجك

سلام ياحلوه الله يقومك بالسلامه انا لو مكانك بقولهم اني بنام بالمستشفى يومين مثلا اذا طبيعي وبعدها بطلع واسافر مجهزه اغراضي كذا وهم بالعقل بيزورونك بالمستشفى ودارين بتروحين أو اطلع على بيتي كم يوم ثم اسافر بعد احسن عشان ترتاحين

اولدي عند اهلك ليش تولدين بالرياض مسافة طويله انتي ما جربتي الولادة تطلعين ظهرك مقسوم من الالم اول 3 ايام ما راح تتحملين الخط

واذا ما تقدرين خلي امك تجي شقتك اسبوع وبعدها سافري انتي وياها

اذكر بولادتي رحمت امي اقومها وقمت اسخن لي حليب الصبح جعت بغيت اموت ما حسيت ان ظهري فيه عظام من الالم اللي جاني

اذا جوك تكفي وانت اصلا تكونين تعبانة تعب الخياط يبان في اليوم الثاني والثالث

الله يقومك بالسلامه
هم اكيد بيزورونك بالمستشفى
وبعدها بتطلعين على بيتك ماراح تقدرين تسافرين اسبوع
ومدام انتي ساكنه معاهم اكيد هم كل يوم بيمرونك ويقومون فيك ويساعدونك

يا قلبي الافضل ترتاحي ببيتك يوم او يومين بعد خروجك من المستشفى وبعدها سافري لأهلك .. لأن ما تقدري مباشرة بتكوني تعبانة ومرهقة واذا بتسافري بسيارة حاولي يهيؤلك المرتبة الخلفية تتمددي فيها افضل من الجلوس اربع ساعات تقريبا او اكثر والله يعينك..


واللي بيزورك حياة الله واللي ما يحب يجيلك بكيفة اهم شيء دوري راحتك وصحتك خاصة في هذة الفترة الحرجة صراحة..ومصيرهم يشوفوا البيبي بعدين الله يحفظة ياااارب..



وبالنسبة لي افضل وبقوة النفاس عند اهلك لأنك ماراح تحسي بحرج خاصة اذا احتجتي احد يهتم بالطفل وبعنايتة علشان ترتاحي شوي او حتى لما تعملي اي شيء يشغلك عنه لفترة..

وانا مثلك كمان اولد في المدينة وبعدها بثلاث ايام تقريبا اسافر عند اهلي بتبوك ...

الله يقومك بالسلامة يااااارب ويسهل ولادتك وولادة كل حااااامل..