بسبب اسلوبها قررت اقاطعها
مره كنت رايحه أزور خالتي وكنت أمزح معها ومع بنتها قلت جايبه لكم فطايري اللي تنافس فطايركم و رحنا قعدنا بالمجلس عند (جدتي) وأتقهوى وأصب لخالتي شوي إلا تفتح خالتي موضوع هواش مع (أمها) اللي هي جدتي
قالت :هذه فلانه تقصدني وتسألني عن موضوع مختلفه عليه هي وجدتي وكانت جدتي غلطانه إبتسمت ووضحت لجدتي خطأها بإسلوب وتصرخ خالتي بوجه جدتي تقول : مو إنتي ولا غيرك اللي تجي تصححني على آخر عمري .
وتجلس ساعه تمدح بعمرها ^.^
أنا سكت وحاولت أصرف الموضوع وأفتح موضوع ثاني وخالتي مكشره
شوي إلا دخلت علينا وحده تصير حق خالتي
وتجلس خالتي مقابل لها وهات ياسوالف وضحك ومزوح وتعليقات
وانا قاعده بزاويه لحالي كل ماحاولت أدخل بموضوع قاطعتني خالتي وكملت سوالف مع هذه وقريبة خالتي تناظر لي بنص عين بعدها قامت خالتي تسب عيني عينك في بنت عمي :42:أنا إنصدمت وصرت أناظر لخالتي بعدها إتصل زوجي وطلعت عنهم قلت له خلاص فلان تعال الحين قال اوك عندي شغله بسويها وبعدين أمرك
قالت خالتي لايكون بتروحين قلت أي والله فلان راح يجي :)
أنا بصراحه مليت من القعده معاهم انا بزاويه وهم جنب بعض وكل سوالفهم نغزات وتعليقات طفشت
ولما طلعت ألبس عبايتي خلاص بروح
إلا خالتي تنادي على بنتها تقول : روحي أعطي بنت خالتك أغراضها
يعني لا قالت أعطي أم فلان ولا أعطي فلانه أغراضها كذا يعني قومي اعطي بنت خالتك وتقولها بعصبيه
أنا قررت إنه ماحرج نفسي وأزورهـا
دامها تفضل جماعتها علينا إحنا
وبالمره قلت أبلغ بنت عمي عن الكلام اللي إنقال عليها وللأمــانه إنه اللي بدى بالكلام خالتي مو قريبتها لذلك حبيت أنبه بنت عمي من خالتي
لإنــه إتضح لـي إنه خالتي هي اللي تحرض الناس علينا ، بنت عمي الصغيره متزوجه وكانت على وشك ولاده قام زوجها جاب لها خدامه وراحت لبيت أهلها ومعها الشغاله وزوجها راضي قامت خالتي تقول لحماة بنت عمي البنت أخذت الشغاله وراحت لبيت أهلها والله إنكم أغبياء اللي ساكتين .
كنت أكرها وأنا صغيره ولا أحب أسلوبها
ولما كبرت بدأت أعزها بسبب بعض مواقفها لدرجة إنه لما صار موقف بينها وبين حماتي وقفت أدافع عنها لانها خالتي وهي لما الناس يتنقدونا عادي ؟!!! يكون ردهـا القويه منكم تدافع عن نفسها.
أنا خلاص قررت قرررررت أقاطعها بشكل نهائي إذا حضرت عندنا أهلا ومرحبا
اما انا اروح لا خلاااااااص عافك الخاطر :44: