شاركي في النقاش

سجلي الدخول لإضافة تعليق.

التعليقات

25
  1. @lnrtky_maan

    البازار يحتاج الى سجل تجاري وترخيص من البلديه طبعا حسب موقعك
    احسن بازار يقام في الجامعات
    القاعات حسب دعايتك اذا قويه راح يجونك الناس واهم شي التووووقيت
    تختارينه بعنايه ودراسه انا نظمت قبل مع كذا شركه والحمدلله نجحت اذا تبين اي مساعده راسليني
    انا من الرياض
  2. حبيباتي اللي تبي تسوي بازار أو معرض عليها باتخاذ الخطوات التالية:

    أولا: تطلعين سجل تجاري لمؤسسة تنظيم معارض وهذا يكلفك 300 ريال من الغرفة التجارية ووزارة التجارة
    خطوات استخراج السجل(الأفضل أنك تروحين القسم النسائي للغرفة التجارية متعاونات ويعلمونك الاوراق المطلوبة) .
    1- عقد إيجار مكتب وفيه مكاتب عقار تطلع لك عقد ب300ريال إذا كنتي بتعملين من بيتك.
    2-إختاري (مؤسسة نسائية بالكامل )عشان ما تتورطين بسالفة مدير المؤسسة وشروط توظيف واحد سعودي وووووو.
    3- صورة من بطاقتك والأصل ولا سجلك المدني مع الأصل للمطابقة.
    4-طبعا كل الإجراءات تتم في الغرفة التجارية وخلال ساعة يظهر لك السجل ماعدا إذا كنتي بتحطين اسم تجاري للمؤسسة هذا يلزمك تراجعين وزارة التجارة وماتاخذ منك الاجراءات نصف نهار.
    5- بعد ما تطلعين السجل ضعي خطة سنوية للمعارض سجلي كل اللي يدور براسك من أفكار معارض طبعا بيوافقون على بعضها وبعضها الآخر بيقولون لأ وعشان تضمنين انك بتشتغلين أفكارك حطي عناوين مطاطة للمعارض يعني تقدرين تسوين فكرتك مهما ألغوا .
    6- استخرجي لك ختم وبزنس كارد وأوراق رسمية علشان تقدرين تخاطبين الشركات اذاكنتي بتاخذين رعايات وتستفيدين ماديا لأن الشركات ما تحب الشغل الفردي أبدا .
    7- لازم يكون معك راس مال علشان تقدرين تستاجرين مكان للبازار وانصحك اختاري الجامعات بس تراها غالية يعني ممكن 60-70ألف فيه أماكن اخرى مكتظة مثل مراكز العناية والاندية الصحية والمراكز النسائية مجملا.
    بعد ماتستاجرين المكان ابدأي سوقي بكثافة وكثري طاولات واستغلي كل ركن وكل شبر بالمساحة .
    8- التسويق يكون بالانترنت والبي بي والاس ام اس والصحف والبروشورات وهكذا.

    والله يوفقكم جميعا وهذي أول مشاركة لي وأي استفسار أنا موجودة هنا مسنترة عندي اجازة شهرين




    5-
  3. @fofo_alshhry

    يالله يالدنيا حتى الي يفكر يسوي شي يتراجع مع هذا كله الواحد يتعب علشان يبي يسترزق ويزيد دخله

    الله يعينا على هالناس الي يعقدون
    وبعدين الي تبي تسترزق وتبيع في الجامعه اشلون تدفع 70 الف سلامات لو عندي هالمبلغ حتى مافكرر اني ابيع

    والله القوي يستغل الضعيف حسبي الله على هالناس الي تسترزق من هالضعاف
  4. يااخوات الأماكن اسعارها مختلفة مو كلها 70-60 الف لكن شطارتكم بالتسويق ...وبالنسبة للاستفسارات اللي وصلتني عالخاص انا ماعندي خاصية الرد "اكتشفت الموضوع بعد ما تكسرت اظافري وانا اكتب واكتب وعلى نيتي..)

    فاللي تبي تراسلني على ايميلي بعد اذن الاخوات المشرفات

    soad239@hotmail.com

تابعي تجارب أخرى من هذا القسم.