متابعات مستشفى قوى الامن ....تعالو ندردش شوي

انا اراجع عندهم بس انا من قبل ماادخل التاسع وانا قالت لي الدكتوره خلصت موووواعيدك
بعد للعيد احجزي بالتيلفون وللحين ماقدرت
صراحه خوفوني فيه احد مثلي 

بس الي اعرفه ان الولاده اذا صار زحمه بيحولونك على مستشفى احمد ابانمي
الله يسهل علينا اجمعين ياااااااااااارب

رفععع

انا ولدت عندهم قبل 3 سنوات ببنتي
كنت بكريه وعديت الشهر التاسع وكتبو لي تنويم وتنومت عندهم وعطوني طلق صناعي
بس بصراحه و ربي ماكذب ولا بكلمه النظافه شي ثاني كل بين كم ساعه و وساعه تجي العامله
وتنظظف الحمام وكل يوم تغير المفارش وتمسح وهيك ,,

كنت بغرفه ومعي وحده وبيننا ستاره جاني زوجي وامي وقت الزياره العصر وكان الطلق توه بادي فيني
جلسو عندي والطلق كل ماله ويزيد وكنت اددعي واضغط على يدين زوجي وامي لين خلاص وصلت لمرحله
ماعاد اقدر استحمل ضغطت ع الجرس وجت سستر وقلت ماعاد اقدر نادي دكتوره وجتني القابله وكشفت وقالت
ولاده ودوني غرفة الولاده وقامو يقربون الاجهزه ومدري وش يسسون المهم وجت الدكتوره بسرعه كانت سعوديه
رفعو رجولي وقربو لي جهاز البنج عند راسي وقالت لي لاجتك الطلقه خذي نفس وادفعي وسويت زي ماقالت لي
جابت لي مويه وقالت اشربي بلي ريقك قلت مابي ابي اولد واخلص قالت ماعليه بلي ريقك وجلست تقراء علي سورة الزلزله
وربي ماكذب عليكم الدكتوره سعوديه وتعاملها معي روعه روعه وطيبه مره يوم قرب الراس يطلع قالت يالله دفعه وحده قويه خذي
نفففس عمميق واسسوي والحمدالله طلع الراس وبعدها دفعت يمكن دفعتين او ثلاث وطلع الجسسم وكانو يشجعوني بالدفع
الدكتوره والقابله والسسترات يوم ولدت قامو يباركون لي ويصفقون لي وانا ماني يمهم نظفوني ويوم جا وقت الخياطه
خاطتني الدكتوره السعوديه الله يجزاها كل خير وطولت تقريبا وهي تخيطني يمكن ساعه الاربع او نص ساعه بس الخياطه
وربي تمام بعدها دخلوني لدورة المياه اللي بنفس غرفة الولاده قالت لي السستر خذي دش تروشت وصحصحت وراح مفعول البنج
وبعدها رحت غرفتي ولادتي كانت المغرب وطلعت من بكرا بالليل كان كل شي تمام الحمدالله والحين انا حامل وبنهاية التاسع
ومطمئنه كثير منهم ان شاءالله يكون حظي هالمره زي المره اللي قبل ,, اراجع الان عند دكتوره سوريه بس وربي مادري وش اسمها
بكرا عندي موعد وبحاول اعرف اسمها واعلمكم بصراحه كويسه الدكتوره واسلوبها وتعاملها معي راقي

الله يهون علي يارب وعلى كل حامل

بالعكس المواعيد بالتلفون مره سهله يمكن مرتين احجز بالتلفون الشهر اللي راح واللي قبله
دقي من بعد الساعه 4ونص العصر لين 12 الليل بس لاتنتظرين لليل دقي العصر او المغرب وعادي
بينحجز لك موعد

رفع لكثرة الاستفسارات عن مستشفي قوي الامن بالرياض ونبي تجارب قريبه اقل سي قبل سنه عن الولاده في المستشفي والمتابعه وكذلك عن الدكاتره