افتتاح الملف الأول لتشطيبات منزلك ...حياكم الله

ام فيصل

انا اول مكيت وكان رمادي وغيرته بسب ولدي الاخير

عنده المعده مفتوحه ودايم يستفرغ

طلع ريحة البيت كله على انه كان المكيت في الغرف

وقلبتة مطبخ ويسلام على النظافه وحطيت سجادات تغسل

والحمد لله

يارب ارزقني

تسلمين عالرد


دموعه ..وام فيصل ..وللجمييييع

محل البيدق فيه فرع في طريق الخرج



امس رحت لطريق الخرج

دخلت الاباء ةمكارم ..بس ماعرفت اختار
كيف اخترتو من المعروض ..
ام فيصل ارضية مطبخك عاجبتني ماشفت مثلها في اي قسم الارضيات ولا المطابخ

بنوته

لا ما شفت مثله والمحلات اللي عندنا غييييير عنكم
العليان دخلته كأنه محل عااادي ماله هالشهره هذه
من الصدمه ما صورت
والخليجيون يااااابلاش سعر ولا فالاحلام

السلام عليكم احب افيد كم باخطاء اللي صارت لي في بناء بيتي والمحاسن وهذ ا رد لجميل الديوانيه علي اولا لابد من الصبر في البناء مع الزوج والعمال وكل شي لان اهم شي الصحه وفي النهايه ***** الله تسكنونها بصحه وسعاده اكملت خمس سنوات من البناء سنه في المخطط واربع تمام في البناء
بالتسبه للون جونتن مائي ربع ونصف لمعه واخذت اللون من الديوانيه الاولى اوف وايت الصراحه روعه ويتنظف بسهوله ولكن يتقشر اذا حكيتيه بالاثاث اوشي حاد
الزراعه وهذا الكلام خصوصاللاخت احب النظام جزاهاالله عني كل خيرا لان كلامها ونصحهالنا فيفيه فائده لنافي الدارين اقول لاتخليين بخاطرك شي اي شي تحبينه حطيه الزراعه لها مساوء مثل النمل والحشرات الصفيره ولكنها نادرا ماتدخل البيت اذا ما كانت الزراعه بعيده عن جدران البيت وبالنسبه لموت الزرع اصفرومات ابام الحر الشديد وبعدين رجع اخضر بدون اي تدخل منا وكذلك الورود ماتت ثم رجعت مثل اول
المطبخ فصلته عند العليان في التخصصي مشاء الله روعه وهو غالي كلفني 33 الف واستفدت كثير من الشبك السحب للبهارات صرت القى البهارات بسرعه وايضا الدرج الطويل للصواني
السخان حطينا مركزي في السطح مساؤه ان الماء الحار مايجي بسرعهولكن هو امن لانه لو قدر الله وانفجر بالسطح وايضا ما منظر يشوه شكل الحمام
في التخطيط حلو جد ا لكل غرفه حمام خاص فبها
وغلطت غلطه اني ما فكرت بالاصنصير لاني من سكنت وانا تعبانه من ركبي وامراض اخرى والشغاله انحاشت من بعد السكن باسبوعين
فمهم جدا ان يكون عندك اصنصير لان الوحده ماتعرف وش بيجيها الله يشفيني ومرضى المسلمين
بلاط الحوش من المحل الاماراتي الي بالتخصصي اعتقد اسمه راس الخيمه برتقالي تعبني صدق لونه يغبر بسرعه وحتى بعد غسله بسرعه يغبر واشد شى انه تكسر من السياره كم بلاطه مع انهم قالوا يتحمل السيارات وكم بلاطه ارتفعت عن الارض وبلطناها من جديد
اذا تذكرت شي ثاني باقولكم واي شي تبونه اسالوني من عيوني

نظومه

كنت مصره ع الثيل بالبيت
وقبل نبلط رحت عند وحده
واشوف الثيل محفرينه العيال ويلعبون بالطين والبلاط صاير خرايط وهي توها غاسلته
والبيت صاير دمار دخلت عليها وهي ما امداها تعيد التنظيف
وع طول الغيته من رااااااسي وخاصه عندي صغااار ما اقدر امنعهم الحين بلاط ولا سلمنا من الوسخ والغبار

وناويه ع الاحواض المستطيله بحط كم وااااحد واذا مليت رميته