افتتاح الملف الأول لتشطيبات منزلك ...حياكم الله

صباح الجو الحلو


انا غرفة نومي كبيره مره وجايه من جهه اصغر من جهه

لكن للاسف مافيها غرفة ملابس

ودي اسووي قاطع قبل الحمام بحيث اخلي التسريحه وراه ويكون على الاقل اقدر اخذ راحتي فيه لاني دايم اقوم قبل زوجي والبس ودوامي قبله

ففكرت بقاطع بس مو عارفه طريقته او من وين ؟ طبعا ابغاه خشب ومابي شغل كثير واسمنت وخرابيط

شووفو زي هيك



شفتو القاطع الابيض اللي ورا السرير

انا اتخيل لو اخليه مترين او مترين ونص واحط التسريحه واضاءه


وش رايكم واقتراحاتكم وين ممكن اسوويه ؟

السلام عليكم ورحمة الله



انا كانت معي الأوله مب اختهااا خخخخخخخ

اللي ساكنه من سنه وشوي


مريتكم ولقيت وحده الله يجزاها خير من اللي ساكنات كاتبه ملاحظاتها

وشجعتني ( من سن سنة حسنه فله اجرها ......... )

واستجابه لاختي مدو


المهم

# الحمدلله مجرد كونك سكنتي بــــ ملك نعمه كبييييره


# بالنسبه لبلاط الحمامات احنا كله اسباني وايطالي الا حمامين و الحمدلله انهم مب مهمين واحد للملحق وواحد خدمه اخذناهم رأس الخيمه

والصراحه الصراحه انا لاحظت فرق ( وترى طبيعتي دقيييييقه ) اضافة الى اني انا اللي اقوم بالتنظيف ...

وش اللي حسيت ؟؟

رأس الخيمه حسيت احيانا فيه بالأرضيات كأن خطوط خفيفه رمادي كأن ساحبه شي ثقيل عليه طبعا هو مب واضح لكن لأن بقية الحمامات

غير حسيت فرررق


انصحكم بالأٍسباني والايطالي وحتى الخزف السعودي بعد حللللو وقوي



# الدهانات بلاستيك نصف لمعه والحمدلله جدا عمليه وجميله


# الله يخليكم يا بنات لا تكثرون ديكوراااات ببيوتكم لدرجة تصير زحمه !!!

احنا الحمدلله اعتمدنا البساااااطه والنعووومه وبفضل الله غاااااالبية اللي دخلوا بيتنا يبدون اعجابهم وبقوووه ويقولون فيه شي يجذب

ببيتكم وهو الهدوووووء

وحتى كثير منهم خبره بالبيوت والعمار

واحد منهم ماشاء الله مادياته حلوه الله يبارك له وراعي عمار بالبيوت دايم

ولما شاف بيتنا مرره عجبه قال ذوق بيتكم وهدووء اختياراته معطيه جو


السقوف طبعا اوف وايت ما حطيت بني واشيااء

والجدران كذلك درجااات البيجيات

اللهم الا في غرف النوم الصغار خليت لهم مساحه من الحريه وحطوا الوان لكن هااااااااديه

ودخلنا ببعض الأماكن ورق جدران <<<< طبعا اللي ماعليها كثرة حوسة الصغار لأنه ما يصلح في مكان معيشه للي عندهم صغار

حطينا جدار واحد بمجلس الرجال

وبغرفتي لمسااات

لكن احدهم الله يحفظه لززززم الا يبغى بغرفته وحطينا جدار واحد خلف السراير والى الآن الحمدلله زين لكني ماأحبذه بمكان للصغار




# سبحان الله يا خواتي الاستخاره امرها عجييييييييب

ماتتخيلون كيف الأأشياء اللي استخرت لما جينا نختارها طلعت من افضل مايكووون

وبعض الأشياء فات علينا الاستخاره فيها وسبحان الله غير

اي شي استخيروا مجرد ركعتين في اي وقت وقولي الدعاء بحضور قلب

لما تقدمون على كتابة عقد مع احد ,,, لما تختارون وتجزمون على شي ,,,,,, ووووو

والله يختار للجميع الخير



# اشوفكم تكلمتوا عن الثيل واستغربت ان اغلبكم ما حبه !

احنا حاطين لكن المساحات محدوده جدا مجرد مكان لجلستنا فيها الطاوله والكراسي

ومكااان اخر صغييييير جدا ,,,, والحمدلله احسه مررره موفق بالعكس جاء في بالي انه لو كنت مكبرته افضل بس الحمدلله

وبالنسبه انه يصفر ووييبس هو اصلا يدور في حلقه مع فصوول السنه مثلا هذا الوقت مع بداية البرد يقل جماله شوي اتذكر لما سكنا

السنه الماضيه بنفس هذا الوقت كان كذا وبعد شهر ونص تقريبا يزدهر ويخضررر ماشاء الله

لكن الحقيقه حللو ويعطي جمااال

وترى عندي صغااار ربي يحفظهم ومافي مجال يحفرون لأن كللله مغطى بالثيل
والسقي حاطين له تايمر

انا اشوف ان اللي متأذين ممكن انهم حاطين مساااحااات كبيره !!



# غرف الملابس حبيتها في الغرف حتى لو مساحتها صغيره تننفعععع


# الشتر عملي للغااااااايه ركبناه فوق والحمدلله مرررره مفيد ماتوقعت انه بيفيدنا كذا

ماشاء الله من ناحية الظلام وقت النوم في النهار <<< في رمضان ,,, ومن ناحية الغبار يقلل فرق

اللي يقدرون يركبون تراه زين

# المطبخ عندنا شي للخدمه والكرف على قولهم 3 * 4 هو اللي سويناه وسويت المغسله ستيل والحمدلله زينه

طبعا المحل الله يهديه ما ضبط لنا فكرة تركيبها زي ما ابغى لكن الحمدلله

لكن باقي الأشياء الحمدلله ضبطت ( طبعا سويناه عند محل صغير اسمه كريستال )

وباقي المفتوح على جلسة الطعام العائليه وبوفيه فووق ويارب ييسر لنا ونسويهم قريب

وببالي اسويهم عند المنى للمطابخ الألمانيه والله ييسر


# وأخيرا تحملوني ودي اقولكم هالكلمه تقرقع بقلبي

بناات الله الله بالرفق في ازواجكم ترى والله هم يعانون أكثر منا ترى ملاحق العمال وحوستهم ترفع الضغط

غير الضغط الماااااااااااادي

غير دواماتهم وحوستهااااا

ادري تشين نفوسهم ويعصبون لكن ربكم يعين


وعن تجربه اذا رحتوا للبيت وشفتي شي اول شي قولي ماشاء الله حلو
وبعد شوي قولي ملاحظااتك بس لوكان كذا او كذا

انا كنت اول ما اشوف الشي اقول يوه ليش ما سوى كذا وليش هذا كذا وحسيت انه يقفل ويتضايق << بعذره

ولما غيرت اسلوبي حسيت انه يتقبل اكثر وينشرح صدره وحتى يسوي اللي تبين اكثر من لو على طول قلتي ليش وليش


والله يسخرهم لكم ويوفقكم



# وبطاري ابواب الحديد قريت كم رد عنها احنا اخذنا دهانها كيميائي >> افضل ولمعه حتى تتحمل زي ماقالت مدو









اي سؤال اعرف اجاوب عليه ,,,, حياكم

الله ييسر امورنا جميعا


وباقي لي ودي اقولكم عن الدربزين وحوسته
بس ان شاء الله وقت اوسع لأن قصته طويله الله المستعان

ممكن لو تقطعينه كجدار كامل و فتحه تصير لك ارتب فهمتى علي يعني كان السرير بغرفه و الباقي بغرفه

سبحان الله

ردي انا اختي جاء مع بعض خخخخخخخخخخخخخخخخخخخ