فعالية في ضيافة عضوة مشاكل البشره ( استسفاراتكن بخصوص التقشير + توحيد اللون )

جزاك الله خير

انا تطلع لي كل شهر قبل الدوره بكم يوم كم حبه بوجهي ومشكلتي اني ألعب فيها وبعد الدوره تروح بس يبقى مكانها شويه مبين
ايش تنصحيني اسوي عشان تروح آثارها ؟؟

ودي وجهي يصير صااااافي مافيه ولا آثر حبه

وكيف اوحد لون وجهي

السلام عليكم ورحمه الله وبركاته انا اهتم ببشرتي كثير ويهمني لوني لكن بعد حملي طلعلي سمار برقبتي وبطني وظهري ورحت كثير لدكتوره بشره لكن لوني ماهو راضي يرجع تعبت نفسيا من هذا الموضوع لان صار جسمي اماكن فاتحه واماكن غامقه ابغى حل حتى لوياخذ وقت المهم يفتحني ولكي دعوه بظهر الغيب

اهلا بك اختي جيتي بوقتك
عندي كذا استفسار
بشرتي دهنيه اعاني من ظهور حبوب كبيره مؤلمه تحت الجلد تظهر دائما بمنطقة الذقن وماحولها
واذا ماكان فيه حبوب اعاني من وجود بثور صغيره استعمل صابونة الكبريت سولوزانو صناعه اردنيه اعتقد
هذا اول شي
ثاني شي بشرتي فيها اثار حبوب وعل الخدين في بقع لونيه ونقط كلف بسيطه
ارغب في تفتيح المنطقه وتوحيد لونها مع العلم اني رحت لاستشاريه عشان هذي المشاكل
وماصرفتلي غير كريم ديفرين تركيز 0,1 % بدون مرطب ولا شي
وقالت استخدميه شهرين وبس بديت استعمله من 5 ايام بس سبب لي حرقان بالذات منطقة الخدود
واضطريت اني استخدم مرطب اولاي كومبليت كريم نهار مع حماية من اشعة الشمس
اشرايك استمر عليه وهل له فايده وهل هو بديل آمن للتقشير الكيميائي
واذا بيكون مفيد لحالتي اخلط معاه كريم ثاني مبيض والا هو كافي لوحده
او اتركه بالمره لاني سمعت بعد فتره من استخدامه تنعدم البشره
ادري غثيتك باسئلتي لكن اعذريني لاني ابغى اجابه شافيه وافيه
انتظرك بفارغ الصبر ودمتي

موفقة

السلام عليكم ..

مشكلتي الحبوب على الخدين كل شهر تطلع كم حبه
ويبقى اثرها واضح وأستخدمت كريمات مثل اكرتين وغيرها تخف
لكن تررجع والاثر يخف ويرجع بعد ..

ولا فكرت بالروكتان لانها مو حبوب قوويه

فا ياليت تعطيني نظام أمشي عليه يصفي لي البشره
واثارها ..

وهل في نوع معين مثلا من التقشير ينفع معي ,, أو تكفي الكريمات ..؟

والله يجزاكـ كل خير و ما تتمنين ي ررب ..