والله بصراحه الحمد لله بيتي يلق مو مبالغه لاوالله
المجالس انظفهم كل اسبوع واقفلهم وغرفهاولادي مسويه بينهم منافسه حاطه لهم جدول واعمل لهم تقييم في كل شي
ودايم احلف لهم يمين اللي احصل لعبته مرميه علي طول من غير نقاش علي الزباله
واغلب وقتهم في غرفتهم وانا وزوجي في غرفه التلفزيون والحمد لله نظيفه
وبما ان زوجي دوامه الا المغرب لازم اعمل تنظيف دايم علي البيت كله
وبالنسبه للغسيل اغسل الجمعه بس واكوي السبت والحمد لله ماتتراكم واولادي لازم يلبسون ملابس نظيفه قبل لايجي ابوهم من الدوام
والمطبخ احط كروانه اي شي فيها كلور وفيري اي شي يستخدمونه اولادي عودتهم يحطونه بالمجلى علي طول
وياويل احد يسيب اي شي يستخدمه سواء كاسه ملعقه فنجان صحن
وياويلهم لو يرمون ملابسهم بالارض يعني الحمد لله مريحيني كثير
واخر اليوم اعمل التقييم لهم واحط نجمه للي ماشي تمام والمقصر لا عشان كذا. التنافس بينهم
والسرميك. والله اني اشيل الاثاث كامل يوم الاحد دايم واغسله بكلور. وصابون والله يبقى يلمع لين اخر الاسبوع ماخلي اولادي يشيلو الاشياء السائله في البيت عشان مايكبكو
واعمل مسح للمكيفات والثريا الموجوده بالبيت بشكل دوري. عشان اولادي عندهم حساسيه بصدورهم
علي فكره تقولي ان بس انا عامله جدول والحمد لله ماغيره ومرتاحه معاه
اللي خلاني كذا زوجي يحب الترتيب بشكل فضيع وينتقد اي شي علي طول بس الحمد لله يحب يساعدني واولادي نفس اسلوب ابوهم تعودو خلاص
وعلي فكره يجيني ناس فجئه لمن يجوني بس ابخر البيت وابخ معطر واشغل الفواحه والحمد لله ما اتعب حتي سلفاتي دايم يقولو شكلكم ماتجلسون في البيت ولاتطبخون في المطبخ بس عشان كل شي اعمله من وقته ولا اجله
الصررريحات فقط يدخلووون بيجيك ضيوف ذحين بيتك كيف
متابعة النقاش، صفحة 2