اطفال القيصري اقل مناعه من غيرهم

السلام عليكم اولا انا ام لثلاث اطفال الله يحفظهم وكلهم جبتهم قيصري المهم لاحظت عليهم انهم يتعبون بسرعة واكثر من مرة في فترات متقاربه واعاني معاهم من علاجات وغيره وصرت احافظ عليهم من شرب البارد والتعرض للهواء البارد ولكن دون فائدة من اقل شي يتعبون والله حتى اللي حولي لاحظوا وقالوا اولادك مساكين دايم تعبانين وولدي الثاني معاناه مع النزلات المعوية ومره شفت في برنامج طبي وثائقي يقول ان في الولادة الطبيعية الطفل في مجرى الولادة الطبيعية يشرب من المويه واللي يكون فيها سبحان الله بكتريا نافعة تساعد على الحماية من الامراض عكس الطفل لمن يكون خارج من عملية قيصرية وساعتها عرفت انه مافي افضل ولااحسن من الفطرة ويمكن اللي نجهله من فوائد الولادة الطبيعية اكثر بكثير من اللي نعرفه وانا اعرف ان حتى الاطفال بالولادة الطبيعية يتعبون لكن اقصد ان اللي بالقيصرية يتعرضون للالتهابات اكثر من غيرهم ولاحظت هالشي حتى على ولد حماتي اللي جا بقيصري وانتوا ايش رايكم

9 تعليق 1,847 مشاهدة

شاركي في النقاش

سجلي الدخول لإضافة تعليق.

التعليقات

8
  1. @am_yzn_6

    معلومة خاطئة أخواني اربعة كلهم قيصري وبسم الله عليهم مناعتهم قوية

    وهم الحين كبار اصغر واحد بالجامعة ولا فيهم الا العافية
  2. @naaom_ord_3

    والله انا ولدي اول سنه بعمره ان ماقد دخل مستشفى علشان مناعته زي ماتقولين انها تكون ضعيفه
    ماشاء الله تبارك الله لاقوة الا بالله كان مريحني
    واللي بعمره كلهم طبيعي ويمرضون مع ان ولدي معاه حساسية من البيض لكن ماشاء الله صحته ممتازه
    سبحان الله انا يوميا احصنه ومن كان عمره 3 اسابيع ببطني الين ماكبر والحمدلله رب العالمين
    يمكن تختلف من طفل لطفل لكن ياما اولاد وبنات مولدين طبيعي ومناعتهم قليله مو شرط
  3. @kota_bonka

    اتوقع معلومه خاطئه اتوقع اللي له دخل الرضاعه الطبيعيه هي اللي تعطي مناعه اما الولاده ماله دخل
    ياما من اللي انولدو طبيعي وتلقينهم دايما مرضى
  4. @am_laryn2012

    انا بنتي جاتها حصبه من اسبوع وانا جايبتها بقيصريه
    ماتوقع انه من العمليه الرضاعه الطبيعيه لها دور في المناعه
    مسكينه بنتي قلبي قسى عليها ولاعطيتها حنان ومارضعتها من صدري
    كرهتها بعد ماولدتها استغفر الله لولا رحمه ربك ثم سوره البقره الله العالم وش صار
  5. @seet_alhareem

    والله ماعتقد صح. مع انه ولدي جبته قيصري وعمره الحين سنه و8 شهور اتنوم مرتين بسبب النزلات المعويه الحاده جدا ومره اتنوم بسبب انفلونزا شديده مره وحبيبي لو اقولك كم أخذ بالمضادات الحيويه والله يحزن مع انه اللي يشوفه يقول ماشالله كله صحه. والسبب اتوقع انه ما رضع من صدري ابدا لان حلمتي مافيها بروز. ادعوله ربي يحفظه ويشفيه مناعته مسكين ضعيفففه. لكن اعرف كثير اطفال قيصري ماشالله تبارك الله مناعتهم قويه الله يحفظهم ويشفي ولدي يارب

تابعي تجارب أخرى من هذا القسم.