يا الله قلوومه عيشتيني جو معاكم وذكرتيني بأيامنا الأولى وحوستنا اللي الى الآن ما انتهت الله يهنيكم ويسعدكم ويخلي لك عيالك وأبوهم حبيبتي سؤال : الشغالتين اللي عندك الحين وش جنسيتهم
احنا الان وصلنا الى مرحلة التشطيب بس لسى يسورون البيت خليناه اخر شئ وكمان بنعنل سور ثاني حوالين البيت كجلسة تطل على الحديقة
الحين انا ادور ارضيات وجبس وحجر انا احب الحجر وااااااااااااااااااااااايد فخايفة يصير بيتي كلة حجر بحجر بس الي رحم بحالي ان عندنا مصمم فمو كل الي يعجبنا وبس حطيناة المهم المصمم حاليا مساف وبيرجع بعد شهر واحنا مستغلين الفرصة ونبحث على الارضيات وسيراميك الحمام والمطبخ واشكال الحجر للمداخل والاركان انا من الشرقية عشان بذكر لكم اسماء المحلات الي عجبوني الاغراض فيها عجبني الجرانيت الاسود الغاااامق السادة بلمعة كاملة بدون كرستال صيني (فل بدي) درجة اولى يعني مايتاثر لونة ولا يتحكك والله اعلم هو عمل لنا تجربة وضربة وحكة بقوة بالمفتاح وما تأثر المهم انا ودي فية في البهو والصالة (هدول في صدر البيت ) وبيكون اللون كلة اسود شفتة في صور وعاجبني كثير بس مثل ماقلت لكم اني خايفة منة وابي تجارب مين منكم في رمضان شاف (طارق وهيونة ) انتبهتوا للون سيراميك الغرف كلها ؟ لونها اسود وصايرة فخمة ورهيبة وكمان شفت صور بالنت وعجبتني حيل بس هم خاااااااااايفة اندم وفي نفس الوقت عاجبني صج حيـــــــــــــــــرة !!!!!!!!!!!!
وبحط في البهو واجهتين حجر واجهة حقة التلفزيون لاني بحط فيها جلسة وعجبني حجر اسود وااايد عجبني والجدار الي وراة حجر كبير (حجر خارجي ) اردني لونة كريمي يميل للبياض ان شاء الله احاول اصورهم لكم والصالة مكان التلفزيون بحط حجر تدرجات البني ووالباقي صبغ كل الصبغ بيكون اوف وات >>>شرااايكم وكمان الصبغ لباقي البهو نفس اللون وطبعا بحاول اركز في الجبس على الاضاءات الداخلية بشكل كبير وهذا الي ناوين نقولة للمصمم عشان ما تكتمها الارضة
وغرفة النساء شفت الباركية وعجبني اشكالة وحطيته في بالي قلت بحطة في غرفة النساء لونة بني فاتح شرائح وقلت يمكن احطة في غرفة نومي >>>اشرايكم عموما بعدين اكمل لاني مانمت من امس انتظر اراءكم وابي بصرااااااحة وبدون مجاملة مابي اتندم
نظوومه نفس رأيي كنت مخططه أرتب كل شي وبعدين نسكن فعلآ أرتب وأهدأ لكن يضل الشغل والكركبه وكراتين ما لها مكان وربك يعين يابنت الحلال أما الشغالات الحبشيات فعلآ سمعت عن هروبهن والله اني مبتلشه وخايفه وضايق صدري وتعبانه من الكرف واذا بغيت أجزم على جنسيه معينه طلع لي شي الله ييسر أمورنا ويسخرلنا الصالح من خلقه