.｡.:*･❃ خبراتنا بالاسواق و المنتجات الامريكية الجــ2ـــزء❃･*:.｡.

توتا ،،،،،مبرووووك اغراضك الله يهنيك فيها ياااارب ونوم العوافي لاولادك:)
حبيت اسالكم بنات سؤااال مهم نزلت اختي الهدوء موقع وسالتكم عنه بالتجمع لكن لامجيب هلكانين بالسوالف هههههههه هنا اتمنى القى اجابه عااااااجله هل هذا الموقع مضنون اطلب منه؟؟؟؟؟http://forum.hawaaworld.com/redirect.php?url=http%3A%2F%2Fwww.ebay.com%2Ffashion%2Fwomens-clothing%2FSkirts%2F6386

رايكم يهمممني بانانتظاركم حبايبي

الله يسعدك من فين بتطلعي بهالوب سايتات؟؟؟؟ اذا حابة تجربيه براحتك, بس الموقع صيني ما الهم رقم تلفون و لا عنوان ارضي, من رأيي غير مضمون, يمكن اكون على خطأ و بقطع ارزاقهم, لكن لانه ما في طريقة تسترجعي فلوسك اذا ما وصلك الاوردر او صلك بس مش الكواليتي اللي انتي فاكرتيها نصيحة ابعدي.

بتعرفي انا اول مرة اتعامل مع الكويلت, بس نصحتني فيهم اختي, لانه التدفئة بخليها على 68 الجو مناسب جدا للنفس و دافي, بس بالليل بتكون ابرد و اذا رفعته شوي حتى ل70 بنفيق الفجر مخنوقين مش عارفين نتنفس, و لانه اولادي كل واحد بيحط على حالة غير الكومفرتر حرام او اثنين مثل ما بتعمل بنتي قال بردانه هه و ابني بيلبس الروب و بينام فيه و بيفيقوا غرقانين بالعرق, لما اتناقشت معاها قالت جيبي الكويلت دافي و ما بيحسوا بالبرد و برضه بارد ما بيسخنوا فيه كثير..
اما عن الميزانية, و الله اذا راح استنى لحتي يكون معي 200 للواحد عمري ما راح اشتري, بتعرفي ليه؟ لانه اول شي بعمله هو اني اخبي الزايد على جنب, صارت عادة بدون ما افكر اني اخبي و اصرف القليل, الدنيا علمتني اخبي لليوم الاسود, او انزل فيهم للبلاد و ان شاء الله ما في يوم اسود <<< عيني على النزلة بس هالمرة بدون ولاد بدي اروح اشم نفسي شوي هههه


مارشيلز بتلاقي فيه, بس لقطات, و كثير من القطع ما بتلاقي منها اثنين فيه ملابس و اغراض البيت و شوزات نفس فكرة تي جي ماكس و هوم جودز بس هوم جودز ما فيه ملابس, قاب ملابس للاطفال و الكبار, بس شبابي اكثر, يعني ما بينفع تجيبي منه لشخص فوق ال45 و ال50.. <<< بقول 45 لانه زوجي قارب ال40 و لسه بيشتري منهم و من اكسبرس.
جي سبني و ميسيز نفس الشي, فيهم كل شي من الملابس لكل الاعمار للهدايا لاغراض البيت بالكامل, الفرق بيناتهم هو الماركات كل واحد بيبيع ماركات معينة, و طبعا في فروق بالسعر, فبتلاقي ميسيز اغلى.
اما عن ملابس بولو, شفتها بميسيز, و برضه بتلاقي ليهم محل خاص فيهم بالاوتلت.. و ممكن تنبشي و تلاقي كم قطعة بمارشلز بس ما بضمن لك, و برضه في محل اسمه بيرلنجتن كوت فاكتوري كثير شفتها فيه Burlington coat factory>
بالنسبة للشنط بيرجع لذوقك, بتلاقي بمارشلز و جي سي بني و ميسيز.
اما بالنسبة للعطورات اجمالا بتلاقي ماركات بمارشلز و تي جي ماكس بتقريبا 30 بالمية او 50 بالمية اقل من السعر بالمحلات العادية, اما عطر جوتشي gucci صح؟ بتلاقيه بميسيز بسعر 102 او هيك شي على جسب الحجم, ما عمري شفته بمارشلز او تي جي ماكس.



شوفي يا عمري هالفتوى حطتها فنانة برمشتها
السؤال
بما أن العصر الحالي هو عصر التجارة الأكترونية والإنترنت. السؤال:
1- هل التسويق عبر شبكات الإنترنت بالبطاقات الفيزا وغير ذلك حلال أم حرام بما أن البضاعة تصل بعد فترة من الدفع؟
2- وماذا إذا كانت البضاعة ذهبا أو معدناً ثميناً مثل البلاتينيوم حيث إن المشتري (الزبون) يطلب تصنيع شكل معين ومحدود العدد ويكون الطلب من الزبون إلى المصنع مباشرة عن طريق الإنترنت ويدفع قيمة الذهب أولا ثم تصل البضاعة بعد 6 أسابيع تقريبا وبعد فترة من الزمن ممكن يرتفع سعر هذا الذهب لأنه يتميز بمواصفات خاصة؟
أفيدونا جزاكم الله خيراً




الإجابــة

الحمد لله والصلاة والسلام على رسول الله وعلى آله وصحبه أما بعد:

فاعلم أن استخدام الفيزا كارت فيه محاذير كثيرة، ولمعرفة حكم استعمالها انظر الجواب رقم: 2834.
فإذا جاز لك استخدامها، فيجوز الشراء بها عبر الإنترنت إذا استوفى البيع شروطه وأركانه، وانظر في ذلك الجواب رقم: 9716.
إلا الذهب والفضة، فلا يجوز لك شراؤهما عبر الإنترنت، لأنهما لا يسلمان للمشتري إلا بعد مدة، ومن المعروف أن الذهب والفضة لا يجوز شراؤهما بالعملات المتعامل بها اليوم إلا يداً بيد.
وبالتالي، فهذا التعامل الذي يتضمن تأخير قبض الذهب عن مجلس التعاقد لا يجوز.
والله أعلم.





الله يسعدك:26:
موقع اي باي مضمون و غير مضمون... بقلك انا لما اشتري شغلة معينة شو بعمل, اول شي بكتب اسم اللي بدي ادور عليه, و لما يطلع الخيارات بروح لاسفل (مش اسفل اسفل يعني تقريبا الوسط) الصفحة الجهة اليسار و بختار عند اسماء البلدان فقط لا غير: US ONLY <<< و السبب انه في باعة من الصين و غيرها ما بحب التعامل مع حدا انا مش مرتاحة اذا مضمون او لأ.
ثاني شي بفتج لينكات اللي بيعجبني و منها بشوف البائع شو تقيمه اذا فوق ال99 بالمية بشوفه مضمون (احيانا اذا الاختيارات قليلة بمشيها بابو ال98 و 97 بالمية) و في ناس بيكون مكتوب عندهم انه power seller يعني بائع بيبيع اشياء كثيرة على اي باي مش اول مرة يبيع و في ناس بيكون مكتوب عندها top rated seller و عنده نيشان معناها تقييم الناس ليه ممتاز.. و خلاص ساعتها بتوكل على الله و بختار يا اما شراء او دخول في معركة الbid





ما بعرف الموقع حسيته مش مضمون, ان حدا جربه ان شاء الله بيفيدك. الشنط ماركة coach و هي تختلف عن ماركة جوتشي gucci (فرق شاسع بالاسعار, يمكن اغلى وحدة من كوتش توصل 500 دولار اما جوتشي بتطلع فوق ال1500)

يمكن افضل اماكن للجلاسة و المشاية (مع اني مش عارفة شو هي الجلاسة :icon28:) ولمرت, تارجت و كي مرت, بتلاقي باسعار كثير مخفضة للمشاية (مثلا 25 دولار) بس ما بعرف اذا بالتنزيل بيكون اقل او لأ, ايوه صحيح ولمرت اعلنوا انه راح يفتحوا الساعة 10 بالليل, بس اتصلي بالاقرب لبيتك و اتأكدي اذا راح يفتحوا على ال10 بالليل او بعدها.


مون لي؟؟ انتي اللي سألتي عن عطر بودي و كوبون صح؟؟ انا اسفة نسيتك امبارح بالليل, هلا رحت شفت كوبونات ميسيز و كارسن للاسف حاطين استثناء من ضمنه العطور... و سيفورا مش حاطين كوبون, حاطين عرض اغراض ب10 دولار ادخلي الموقع هون و اعملي كليك على العرض ابو 10 دولار بيطلع لك صفحة فيس بوك فيها الاغراض اللي على العرض.

عروض و كوبونات من ايميلي...

تشيلدرنز بليس عاملين عروض 30 بالمية اوف على كل شي بالمحل, مش بحاجة لكوبون.... لكن فيكم تستخدموا فوق العرض كوبون 15 بالمية اوف العرض بينتهي الساعة 2 الظهر يوم الجمعة.

اكسبرس عاملين عرض 40 بالمية اوف كل شي بالمحل

جيمبوري عاملن عرض 30 بالمية اوف كل شي بالمحل, لحد الساعة 12 الظهر يوم الجمعة.

جاب عاملين عرض up to 60 بالمية اوف من كل شي <<< شو بكره كلمة up to كثير بتسبب لي احباط, يعني تخفيضاتهم بتكون ما بين ال0 بالمية الى 60 بالمية, على جسب القطعة.

نيو يورك اند كومباني (للنساء فقط) عرض 50 بالمية اوف كل شي بالمحل و 70 بالمية اوف على اللي على التخفيض.

جستس (للبنات) عرض 40 بالمية اوف كل شي + up to 60 بالمية اوف اشياء معينة, يمكن اللي على الكليرانس؟

كوتش اوتلت عاملين عرض الشنطة اللي بالصورة ب99 دولار العرض بينتهي الساعة 9 صباحة (اطبعوا الكوبون بتحصلوا على 30 بالمية اوف من ايا شي بتشتروه) الكوبون هون.


موقعي المفضل لتحصيل الكوبونات: هون
(انا بكتب اسم المحل بجوجل و خلفه كلمة coupon printable و من البحث اللي بيكون عنده عنوان الموقع المذكور بتلاقي الكوبون فيه مضمون بس انتبهوا للتاريخ, و سبب الحركة هاي كلها انه في محلات مش مذكورة بالصفحة بس مع السيرش بتبان.

و موقع آخر اكتشفته امبارح و الفضل يرجع لله و للاخت اللي وضعته فنانة برمشتها هو موقع بارجينز اعملوا كليك على كلمة print this coupon للكوبون اللي حابينه, بس انتبهوا لتاريخ الانتهاء.

يمكن ما ارجع للكمبيوتر الا بكرة... اللي عندها سؤال ضروري تكتبه في الملف, (صعب اني اشوفه اذا كان رسالة خاصة لانه تلفوني بيدخلني باسمي بصعوبة), و ان شاء الله بشوفه بس ما راح ارد عليه هون, بتلاقي ردي بصفحة تويتر بتوقيعي ان شاء الله بس بيكون بالانجليش ما راح اقدر اكتبه بالعربي...

موفقين

توتا ممكن توضحين اكثر هذي النقطة لاني مافهمت
كيف الشيتس يغني عن غسيل الكومفرتر؟

الشي الثاني وش يعني ( الكويلت)؟




مشكورة حبيبتي الاقيها ب تارقت او ول مارت؟