تعبت من مشاكل بنتي مع ولدي ساعدوني

بدخل ع طول فالموضوع فانا في حاله الله اعلم فيهاا مالقيت غيركم يساعدني بعد الله
انا من تزوجت لي سنتين حملت بعد 3 شهور وجبت لولو بعد 7 شهوور حملت بولدي والحين له 4 شهور
من يوم جاء وبنتي مو طايقته عمرها الحين سنه ونصف
وين ما احطه تضربه وتخمشه انا ما ابغى اعاقبها بس تعبت معاها مع اني ادللها اكثر منه
قبل شوي حطيت ولدي فسريره نايم وبنتي فسريره وقدامها طيور الجنه تتفرج
رحت غرفه بعيده عنهم شوي ابشوف شغله ع نت وارجع لهم
قعدت يمكن 20 دقيقه وقمت ابغى اصلي المغرب قلت خليني اشوفهم بالاول الا واشوف ولدي يشهق من شده البكاء وبنتي مكانها فسريرها>>>تسوي نفسها بريئه!!
الولد يبكي وانا ابكي معاه قطع قلبي وراسه مخمش وينزف اه ياربي ايش اسوي اربطها ولا اضربهاا ولا اخاصمهاا ايش الحل كل هالحلول السابقه ما تمشي فقاموسي طيب ايش الحل !!
مره شفت معاها قاروره العطر وجالسه بجنبه تبغى تضربه على راسه بسرعه لحقت عليها واخذتها
اكتبلكم وانا ابكي تذكرت نفسي وانا صغيره زيهاا كنت اكره اخوي واضربه واخذ الرضاعه منه ينام وهو جيعان فنفس الوقت والله احبه وادافع عنه اذا احد ضربه بس كرهته لان امي تدللة اكثر مني
وتعاقبني على شانه وتربيت على كذا الييين كبرنا والحين اهو تزوج والله يوفقه
وللاسف كبرنا وعلاقتي باخوي الي اصغر مني مو مره بس افضل من قبل لكن نظل رسميين مع بعض
وانا مابغى اولادي يصير فيهم زي ماصار فيني وفاخوي
ساعدوني بلله تعبت تعبت:09: المشكله هي حبوبه ولاتاذي احد بس اخوها ماطييييييقه
ربي يسعد كل من ترد وتفرج همي

39 تعليق 3,635 مشاهدة

شاركي في النقاش

سجلي الدخول لإضافة تعليق.

التعليقات

39
  1. @am_abrahym_26

    الله يكون بعونك حاولي تبعديه عنها واذا كان نايم سكري عليه بغرفتك ولا تشيليه وتبوسيه قدامها نها بتغار وتكرهه فتره وتعدي ان شاء الله
  2. @ymamh_alsaaodyh

    ترا كل الصغار كذا حساسين بزياده لاتبوسينه قدامها حاولي انك تجلسين معاها كثير وتبعدي اخوها عنها

    الله يعينك ويخليهم لك
  3. صاحبة الموضوع
    المشكله هم مره صغار وهي ماتفهم عشان اقدر اقولها هذا صح وهذا غلط او اعاقبهاا ع الغلط كل الي تفهمه انها ماتبغى اخوهااا وبس
    مادري ايش التصرف المناسب لهاا

تابعي تجارب أخرى من هذا القسم.