السلام عليكم ورحمة الله وبركاته
باختصارانا متزوجه لي سنتين وشوي زوجي خانني اكثر من مره وكل مره يحلف ويوعد انه مايعيدها ويرجع يعيدها لدرجة اني الحين مستحيل اصدقه بأي شي يخص حياتنا لان الحلف الكاذب عنده مثل شرب المويه
المهم خيانته الاخيره هي اكثر شي اثر فيني والحين لها 6 شهور صايره شفت ادله وواجهته واعترف وحلف ماتتكرر
المشكله ان الشك بدا ياكلني مستحيل ارجع ثقتي فيه ، عندي قناعه تاااامه انه للحين معها ويكلمها احيانا بالغلط يقول اسمها وقبل امس كتب نص اسمها بعدين رقعها بتوقيع وشفت صورها وهي صغيره بجهازه والسي في حقها بعد لانه ناوي يوظفها هو ووجهه ، انا متأكده ميه بالميه انها ماكلمته الا عشانه وعدها بوظيفه
لاحظت عليه تغيرات كثييييره صار يهتم بنفسه كثير ويكشخ واكيد عشانها لاني ياما قلت وتمنيت انه يكشخ عشاني بس ولا مره سواها الا بعد ماعرفها وصار يسمع اغاني حب وخرابيط ماكان يسمعها وعنده رقم مخبيه عني وجوالاته دايم الاحظ عليها اشياء غريبه جدا يعني كل تصرفاته تدل على انه للحين معها بس مافيه دليل واضح اواجهه فيه
اذكر اني قلت باختصار بس طولتها شوي
عموما انا ابي حل معه لاني مليييييت والله ماتهنيت بزواجي مثل باقي البنات ودي اتمتع بشبابي وانوثتي مع رجال يستاهلني احس اني عايشه كأني في بيت اهلي في لبسي وشكلي حتى الفراش ماعاد يجذبني مثل قبل معه
انا افكر اني اتطلق واعيش حياتي يمكن ربي يعوضني بأحسن منه وحتى لو مانكتب لي الزواج بعدين عالاقل اعيش براحه نفسيه
والحمدلله اهلي مو من النوع المتشددين على الطلاق الا اذا كان على شي مايستاهل ودايم يقولون لي اهم شي راحتك وما يهمنا كلام الناس
تكفون ارشدوني لعل الله يجعل وحده فيكم سبب لحل مشكلتي
شاركي في النقاش
سجلي الدخول لإضافة تعليق.
التعليقات
62- ادعي ربك وفوضي امرك له صدقيني مافيه حل الا ان ربي يهديه ويعصمه عن هالاشياء واستخيري والله يكتب لك اللي فيه خير وصالح
- الله يصبرك يارب والله مااقدر اقلك شي يمكن البنات فيهم الخير والبراكة
لكن انا حطيت نفسي مكانك اقل شي راح اسوي اكبر سجادتي واصلى وادعي وراح اقول لزوجي ماتخاف من دعوة المظلوم لانك ظلمتنى في حياتك وماراح ادعي عليك ولا عليها لانك صرت اخر اهتمامي بس راح اقول حسبي الله عليك وعليها وهو ربي راح ياخذ حقي منك ومنها ومن دك باب الناس دق بابه
وراح اخلى اخر شي الطلاق - شلون صابره عليه وهو خاينك اكثر من مرره
والمصيبه انك تواجهينه ويوعدك ويحلف كذب انه مايعيدها وبرضو يخون ثاني مره
لكن تدرين وش الي جرأة على انه يخونك ثانيه وثالثه لانك ساااااااكته ولا سويتي شي
تتوقعين لو انتي خنتيه بيسكت لك الا على بيت اهلك على طول ويفضحك عند كل الناس
شوفي يااعسووله لو انا بمكانك وماعندي اطفال كان من اول يوم عرفت بخيانته رحت لبيت اهلي الي يخون مره يخون عشرين مرره والدليل زووجك
الي مايقدر الحرمه ببداية حياتهم مستحيل يحط له قدر بعدين
انا انصحك الحين تروحين بيت اهلك وتطلبين الطلاق وربي يعوضك بواحد احسن منه
لانه زوجك هذا مع احترامي مايستاهلك ابد حتى لو ربي هداه بعدين يكفي جررح الخيانه
هذا رايي لاني لو كنت مكانك سويت كذا حتى لو انا احححبه - زوجك من النوع العنيد اللي لما تقولين له لاتسوي هالشي يسويه غصب طيب لكن نصيحه اتركيه لا تكلمينه اعطيه كل حقوقه لكن لا تكلمينه ولاتجلسين معاه واهتمي بنفسك وملابسك وزياراتك ورفهي عن نفسك وخليه كأنه مو موجود ان طلع لاتسئلينه وين وان رجع لا تقولين وين كنت .صدقيني هالاسلوب ينفع مع كثير من هالنوعيات لان الخسران يقطع المصران .. بس لاتفكرين فالطلاق هالحين لين تسوين كل الخيارات اللي تقدرين عليها.... وادعي ربك قبل كل شي يرده لك رد جميل ويسخره لك...
- الحل..الدعاء والاستغفار فقط..
مواضيع مشابهة
تابعي تجارب أخرى من هذا القسم.