احلى مسا عالأمامير المتونسة
اولا كنت الصباح فيني همة بنزل صوري عاد يوم اشوف بعض المشاركات حسيت بقمتة فيني جان اخلي كل شي واقوم
وآناحساسة من يوم يومي مافيني على الدفاشة بصراحة عزمت اقدم اوراق استقالتي بس شفت كم رد برد قلبي
صحيح اني ما اتكلم وايد ودخولي معدود بس ماحبيت الكلام احنا هنيه صايرين مثل الخوات يعني بعضهم ماتشارك وتروح تشتكي وتتذمر وكلام سمونة على عيني وراسي لأنها تبي مصلحة الموضوع وانا فاهمة الوضع
ثانيا ابلتي بروية تسلم لي ام ضحكة جونان ياعمري البنت المرضية ردود تسر الخاطر وتفرح الناظر
بلا ثري بلا فورن خل اكتب بدون ترقيم
كرستالة الحرمة السنعة المسنعة خوش شغل الله يوسع عليكم دنيا وآخرة وصورج تفتح النفس الله يقويش ويسلم ايدينج ترى هذا الديكور ورق جلاد شفته في رامز وشدتني اللمعة جان آخذ ثنتين منه مصرة اسوي ورق حائط ورا سريري بس مو حابة غرا وخرابيط بغيت شي كل فترة اغيره خخخ
ياسمينو ياعسل صافي من احلى واحة مصرية
هدوئي يامساء الخيرات على الأميرات
الحوامل جاكم البرد عشان تدفون زين وماتبين الكرشة
السنعات اللي حطوا صورهم ماننعدم نشاطكم وهمتكم ويدومها رب عليكم وآنا بعد ويذكم
ام عبود حبيت ردش بردت قلبي كنت حدي زعلانة يسلم لي هالطول ياسكر مكرر
ام ريما رب يجعل ريما واخوها من صالح الذرية ماشاء الله تبارك الله شغل تن على تن ويستاهل فايف نجوم
قرة طيوبة وكل الزين عندكم يازينة النسوان تبارك الرحمن
حبيت ارد على كل الردوود بس ماقدرت المنتدى متنيحس واياي كل ما افتح صفحة تقعد تورور لين ادليتها
ياعمري هنودي تعالي زورينا واتونسي وايانا يمكن تغيرين جو وطقس وكل النشرات الجوية
يؤ نسيت موضوعي الأصلي اعذروني ماعليه بحاول احط شغلي الأمسي لأني اليوم ماصورت شي كانت فيني حرحورة يالله بوكرة اعوض عشان بروي الحبوبة
الحين سلملم بشوف صوري لاتاخذون علامات احسن مني
إحنا نكبر وهممنا تكبر ~ همم (24) مع براءة فكر
متابعة النقاش، صفحة 53
