تجمع لأمهات (اطفال أمراض القلب)...

ام يزن وام المستقبل والله عبودي راح وقالوا له بكره يمكن يتنوم إذا اتوفر سرير وهو الحين باقي في الرياض
وابوه يقول انه طول الوقت يدعي انهم مايسوون له العمليه
ويراسلني ياقلبي وكل رسايله ياماما احبك ياماما اموت فيك وياماما ياعيون عبودي
والله كلامه قطع قلبي زياده
وماوقف رسايل لين نام
ارجوكم ماتنسونه من دعاكم الله يخلي لكم اطفالكم

الله يشفي عبودي ويخليه لك يارب

ام روان الله يخليه لك اي مشفى هو؟
صمت المشاعر بنتك مثل ولدي ثقب بين البطينين بس عادي هو ماينكتم اعامله معامله عاديه احرصي على بنتك لاتتعرض للهواء البارد ودهني دايم صدرها بزيت دافي واعطيها دايم قطرة الانف خاصه للرضع وين تراجعي ببنتك وماحددوو لها عمليه ... انا ولدي حددووا له عمليه لان الثقب ماثر على نفسه ووزنه وان شاءالله تتسهل الامور

صمت المشاعر الله يشفي بنوتتك ويخليها لك
الثقب الي فيها كبير ولا صغير يعني يحتاج عمليه ولا لا
وإذا على الزكام والبرد أسألي الدكتور ينفع تعطيها ابرة الانفلونزا
علشان لو زكمت مايأثر عليها بالمره يعني تجيها خفيفه
ولدي كل سنه ياخذها علشان مايتعب
ام المستقبل الله يخلي لك ولدك قولي آمين
وولدي بمركز الامير سلطان والله غربلونا في المواعيد
وشغلة السرير الي كل موعد يقولوا مافي سرير