شاركي في النقاش

سجلي الدخول لإضافة تعليق.

التعليقات

29,142
  1. @klm_o_dftr_1

    في حد كانت تسأل على دولاب عبايات

    اذا عندك مجال وفجوة له ...حطي ليش لا وسوي الابواب سحب او عادي ويكون فيهم مراية وممكن اكسات

    في عندي صورة حلوة لبيت اخت بنزلها اذا سمح لنا النت ...فرحنا فيه سريع ...لكن ردت حليمه لعادتها القديمه
  2. @mdo_mafy_kdo

    قلومه

    ماشاء الله تبارك الله شكلي ابهاجر بالشتاء عندكم اكرة استغفرالله البرد وعندنا هاليومين برررررد بالعظم جاااف

    والحوش يمكن لانكم ماجليتوه ترى الحوشه تنجلي ويطلع لونه يبرق برق بس وشهو بلاطك اخاف انه من الي ماينجلي

    والاثاث لاحقه بس اهم شئ غرف النوم عشان الحوسه تترتب انا الحين بس ازن على راسه نفصل الدواليب الجداريه اقوله اذا رحلنا بدون دواليب مارح تترتب البيت ابد لان الحوسه اغلبه بالمطبخ والغرف
  3. @rym_algbl

    اهلين بنات شخباركم شمسوين مع هالامطار اللهم اجعله صيبن نافع

    الف مبروك لمن سكن والف مبروك لكل من تقدم في مرحله انا محتاسه ماعندي شغاله الحين
    انا الحين في المراحل الاخيره في ترتيب البيت وتنظيفه والصيانه علي الصبغ وتركيب الخلاطات

    بنات انا حطيت لون التوفي في غرفة الحريم وطلع روعه بصوره وحطلكم اللون
  4. @klm_o_dftr_1

    ريم

    ما شاء الله تقدم عقبال السكن

    مدو

    انترلوك ...حتى لو ينجلي مستحيل نجليه حتى الكنس ما نكنسه المنطقة ترابية حتى قدام البيت مو مرصوف وعادي شكله ما يضايقني

    بالعكس طالع تراثي ...اقصد ترتيب الاشجار ما ضبط

    والدواليب الجدارية .................اهم مكان في البيت ابونا نفس الشي اصر عليها قبل ننقل

    اختي شوفي هالدوالاب لواحده من الاخوات ...استغلاله حلو تخزين وديكور حتى السبوت حطت له

تابعي تجارب أخرى من هذا القسم.